هذا الموضوع مرتبط بـ Xperia T2 Ultra dual

HTC 816

waleedsunny

2014-05-17 (10:39:24PM)

كنت رايح اشترى اس3 لانى مؤخرا اصبحت اشترى سامسونج فقط بعد تجاربى لاكثر من 30 جهاز اندرويد وبعدين بعتب على صاحب المحل ( 888 ) عشان اصبحوا متأخرين عن باقى المحلات قالى بالعكس احنا الاجهزه عندنا بتنزل قبل اى حد وعشان اعرفك انت شوفت HTC 816 قبل كده قولتلوا لأ
فراح مطلع من الفاترينه علبتين متبرشمين واحد لون وابيض وواحد رمادى غامق
فرحت مشترى الرمادى وخليتوا قصلى الشرايح وخلاها نانو وحطات فيه كارت 8 جيجا ووفقتلوا اسكرينه النوت3 - الجهاز ب 2900ج بضمان شركة جوفى
تقييمى لاول جهاز HTC اشتريه ( لانى كنت بخاف من توكيل الماركة دى جدااا واكسسوارتها )
الجهاز بكل معانى الكلمه شيك جداااااااااااا نفس عرض النوت2 واطول من النوت2 ب نص سم لاننا جربنا نركبله جراب نوت2
1- صوت سماعة المكالمات والاسبيكر واضح وعالى زى سامسونج
2- صوت سماعة النغمات عالى جدا واستريو
3- فيه تحديد نغمة لكل خط - فى فيبرشين عند فتح الخط - عند كل اتصال لازم تدوس على الخط اللى هاتتكلم منه
4- النت 3 جى بتاعه ماشاء الله طلقه فكرنى بالجراند2 والميجا 6.3
5- عليه نسخة اندرويد 4.4.2
6- استحاله لما تشتغل على الجهاز تقول ان الجهاز ده البرسسور معمارية A7 ابد لان الجهاز ماشاء الله سريع جداا
7- بيسمح بنقل البرامج والالعاب لكارت الذاكرة الخارجى
8-فيه خاصيه OTG يعنى بيقرا من فلاشه الكمبيوتر وجربت انقل ليه ومنه ماشاء الله شريع جدا
9- الشاشة نقاءها عالى جدا ووضوح غايه فى الروعه - والخط العربى بتاعه فكرنى باجهزة LG الغاليه - والكيبورد بتاعه سلس وتصميمه رائع
10- الكاميرا بتاعته الاماميه فعلا 5 ميجا وبيشتغل عليها كل الاوبشن بتاع الكاميرا الخلفيه
والتصوير سريع جدااا والكاميرا فعلا حلوه وفيها اوبشن كتير بس فعليا بتدى جودة ونقاء ال 8 بيكسل مش 13
الجهاز ماشاء الله مابيسخنش سخونة سامسونج خالص عامل بالظبط زى النوت2 بعد 3 ساعات شغل ونت واكتشاف للجهاز لانى اول مره امسك الماركة دى الحرارة وصلت بالليل 35 اما نفس وقت وطريقة الشغل بالنهار وصلت 39
طبعا البطاريه مابتتشلش - والخطين من نوع نانو بيتركبوا من الجنب + الميمورى كارد
أسوء عيب فى الجهاز الضهر بتاعه من بلاستيك بيلمع بشده وبيبصم من الهوا لدرجه ان قبل ماخرج من المحل لو حد شاف ضهر الموبايل يفتكره مستعمل شهر
الجهاز صناعة تيوانى - بيجيى مع العلبة الشيك جدا الشاحن والكبل والسماعة - واحلى حاجه ان ماينفعش المحل يبدلهم عشان الاكياس من النوع اللى ماينفعش تتفتح الا مره واحده فقط عشان اجبارى هاتقطع الاكياس عشان تستعمل الشاحن مثلا
سرعة الواى فاى وال 3 جى محترمين جدا جدا
وضع سماعات النغمات فى الامام مش فى الخلف زى باقى الاجهزة بيخليك تحط الجهاز عادى على ضهره لان السماعه من فى الامام
تشغيل الفيديو بتاعه روعه وممكن تاخد سكرين شوت من اى فيديو وهو شغال
فى ايقونه موجوده فى النيتوفيكيشن تدوس عليها عشان تاخد سكرين شوت من اى حاجه انت واقف عليها
عامة الجهاز بمنتهى الامانه يستاهل حتى الان 90% كاتقييم مبدئى
لانى ماستخدمتهوش الا يومين فقط
وتحت امركوا فى اى استفسار على الخاص لانى قليل الدخول جدا على التعليقات

safasami

2014-06-02 (04:15:50PM)

ياريت تساعدوني علشان الموضوع دة قالقني

safasami

2014-06-02 (04:14:19PM)

عايزة اجيبلة جراب واسكرينة اجيبهم منين انا من القاهرة لاني هجيبة خلال ايام ومش عارفة الجراب اجيبة منين

heshamhany

2014-05-27 (10:42:25AM)

الف مبروك للكل يا جماعة
لكن معلش عايزيين تقييم اخير للبطارية
لانى رغم كل حاجة حلوة بتحكوها عن الجهاز
السونى تى تو الترا البطارية غير طبيعية وده اللى مخلينى مستريح لان بتقعد معايا مع شغل مبرح يومين ومرة قعدت معايا 3 ايام وال3 جى مابقفلهوش ومكالماتى مش اقل من 2 ساعة يوميا غير الفيديو
لو البطارية يوم واحد بس يبقى مضطر افضل مع السونى لكن يمكن ينزله جراب ببطارية
لكن ياريت تقييم افضل للبطارية مع تجربته معاكوا فترة اطول
ومرة تانية الف مبروك

omarmukhtar

2014-05-22 (12:31:27PM)

آه منا قررت كدا فعلا .. أصلا حوار عشان يتجاب :))
وبعدين انا شايف يعني اي حاجه يعملها الون بلس .. الاتش تي سي هيعملها برضو ( في الغالب )
عموما .. ربنا يسهل واخلص امتحانات بس >.<

drizzyman

2014-05-21 (01:36:46PM)

ommarmukhtar
سيبك من الوانلاس ده وهات الفون ده هيعجبك إن شاء الله

waleedsunny

2014-05-20 (11:49:24PM)

ربنا يبارك فى حضرتك يالورد
والشكر والفضل كله لله
وفعلا الجهاز شيك وتحفه جدا

loord

2014-05-20 (09:49:57PM)

الله يبارك فيكوا وعقبلكم جميعا تليفون تحفه انا يا جماعه كنتا جايب النوت 3 دوس وقبل ما ادفع باقى الفلوس رجعت البيت لقيت وليد جايب التليفون اتصلت بيه وسافرت القاهره عين شمس شارع العشرين وجبت الموبايل شياكه وتحفه وسلس جدا ولسه انا شغال بيه واى جديد هقولكم وفى اللخر البركه فى ا وليد

waleedsunny

2014-05-20 (07:00:25PM)

لأ الشرحتين مش 3جى
وانت بتحط الشريحتين اصلا لازم تاخد بالك لانهم كاتبين على مكان السيم1 3g والسيم2 2g
النسخه اللى بتنزل مصر 3جى فقط
وبعدين ياجماعه كويس انكم فتحتوا موضوع ال 4جى ده عشان نتكلم بصراحه
انت فى مصر اصلا تغطيه ال3جى حتى يومنا هذا مش كامله والامكان اللى موجود فيها التغطيه كمان مابتكونش 100%يبقى انتوا بتدورا على حاجه لسه مانزلتش مصر اصلا ويوم ماتنزل هاتقعد كذا سنه عشان التغطيه تشمل مصر كلها
انا مش عارف احنا ليه شاغلين نفسنا بحاجه قصدها كذا سنه
والشاشة مش من نوع gorilla glass

modyfire

2014-05-20 (05:46:49PM)

شكرا جدا ياأستاذ وليد على التقييم الأكثر من رائع
بس كنت عايز أعرف
1-هل الشريحتين بيشغلوا 3g
2-هل في 4g
3-الشاشة gorilla glass
وشكرا جدا لذوقك

khairy36

2014-05-20 (02:35:12AM)

الله يبارك فى يا استاذ وليد يا استاذ okakol انا اول واحد زى ما شكرت فى الهيرو كتبت تجربتى الزباله معاه وحذرت الناس للاسف كان اسوء جهاز بجداره واتعلمت انى ما ادفعش مبلغ تانى فى الكاتيل وحضرتك تقدر تدخل دلوقتى على صفحته وهتعرف ان كل الناس بتشتكى من التاتش وعيوب فى الجهاز ويكفى ان الوكيل سحبه من السوق وبيعوض الناس مفيش مقارنه يا راجل

khairy36

2014-05-20 (02:35:09AM)

waleedsunny

2014-05-19 (10:18:08PM)

ألف مبروك للأستاذ اللورد
لسه جايبه من القاهره من محل 888. ب 2850 ج من حوالي ساعة ولسه مكلمني منه وهو كان معاه قبل كده السوني ال T2
الكاميرا فيها تصوير HDR
وكاميرا الفيديو فيها تصوير HDT وفيها تصوير فيديو بالبطيء

okakol

2014-05-19 (08:39:26PM)

تقييم اكثر من رائع من حضراتكم . استاذ وليد _ واستاذ خيرى

والف مبروك يا استاذ خيرى وانت كان معاك الهيرو صح
وشكرت في جداً ممكن تقول اية الفرق بينه وبين 816
بغض النظر عن المشكلة اللى حصلت معاك .

waleedsunny

2014-05-19 (02:25:36PM)

أستاذ abdelmaksoud
لو حضرتك قرايت اللى انا كاتبه فى الصفحه كله ماكنتش سألت ولا سؤال من اللى حضرتك سألته لآنى رادد على أسئله حضرتك بالكامل وأكتر
الموديل اللى نازل مصر مافيهوش NFC
والجهاز فيه برنامج كامل للاوفيس

abdelmaksoud

2014-05-19 (12:35:00PM)

السلام عليكم
ربنا يبارك لك فى الموبايل و يجعله خير ليك ان شاء الله

بس انا عندى كام سؤال كده لان انا محتار ما بينه و بين ال T2

1- عايز اعرف اذا كام الجهاز فيه خاصية ال NFC و الا لأ
2- ممكن يقرأ من الفلاشة OTG
3- نقدر نستخدم معاه برامج الاوفيس زى ال T2
4- العلبة بييجى فبها ايه لان انا لقيت مواقع بتقول انه بييجى معاه الشاحن و بس
5- الاكسسوارت بتاعته موجودة و الا لأ
6- الموبايل بضمان ايه
7- اداء الموبايل بشكل عام ايه رايك فيه
8- المحل اللى اشتريته منه موجود فين

اسف انى طولت بس انا عايز اشترى موبايل بقالى فترة و محتار جدا ... و انت عارف الفلوس اللى هتدفع كتير :)

waleedsunny

2014-05-19 (08:50:09AM)

التليفون اللى نازل مصر 3G فقط
جراب النوت2 نفس العرض واقصر نص سنتيمتر
جراب الميجا 5.8 نفس العرض واطول 1سم تقريبا
اسكرينه النوت3 ركبت على الجهاز من غير قص اى شىء من العرض ولكن قصينا من الطول
شكرا لذوق حضرتك يا أستاذ drizzyman
الف مبروك يا أستاذ khairy36 وده فعلا افضل من السونى T2 كفايه ان صوت سماعات النغمات عالى جدا - ان حاطتله نغمات من عندى كنت مشغلها على اجهزه تانيه كان علوها عادى لكن ده ماشاء الله عالى جدا
فى حاجه تانيه لازم تعرفوها ان اللانشر بتاع الجهاز ده تقيل شويه - بمعنى ان لما تدخل قائمة البرامج مثلا وتخرج منها تلاقى الايقونات اللى على الديسك توب بتظهر بعد ثانيه
وعشان اتأكد روحت محمل لانشر تانى ( HOLO ) لاقيته ماشاء الله طلقه فى السرعه والخفه
ولعبة أسفلت لما شغلتها طبعا اشتغلت بمنتى السلاسه والسرعه بس الجهاز اصبحت حرارته من 38-40 ومازادتش عن كده
الجهاز من 7% ألى 100% اتشحن فى حوالى ساعتين ونص والجهاز كان مافيهوش اى سخونه تذكر غير سامسونج او اى جهاز اخر - اللى كان سخن شويه هو الشاحن

khairy36

2014-05-19 (06:12:38AM)

اه ونسيت ميزه dont disturb اللى موجوده فى الجى 2 بس فى الاتش تى سى اقوى كمان لانك ممكن تظبط تشغيلها على وقت معين وتقفل فى وقت معين او مانيوال غير انها مش بتخلى التليفون سايلنت بس لا دى بتعمل بلوك لكل النمر بتديهم مشغول من الاخر الا النمر المعينه اللى انت عاملها أكسيبشن وجى اتش تى سى تفوقت فيها على نفسها بتلغى كل التنبيهات وبتعمل بلوك لكل المكالمات وحتى نور الليد بتاع النوتفيكيشن بتقفله ولو عاوز تستثنى حد بتحطه فى حاجه زى الوايت ليست كده والتليفون بيرن لما هو بس يكلمك أوبشن مالقيتهوش الا فى الجى 2 واللايت من ال جى بس وكان اقل من كده اختيارات بكتير

khairy36

2014-05-19 (06:05:35AM)

استاذ وليد انا معايا الجهاز اللون الابيض من يومين واحب اضيف لحضرتك ان اتش تى سى لا تعرف شئ اسمه التهنيج زى سامسونج والجهاز اكثر من رائع الكاميرا تحفه ماتصورش بالفلاش كتير الا لما تكون محتاجه وانت تلاحظ الفرق العدسه 2.2 ما بتحتاجش الفلاش من الاخر والخطين شغالين فى نفس الوقت ودى ميزه كانت فى الديزاير 600 برضه وبتتميز بيها اتش تى سى بس فى تليفوناتها الاندرويد اقدر اقول من الاخر التليفون مستحيل مستحيل تلاقى فى مستواه بالتمن ده ومقارنه بالكاتيل هيرو والسونى تى تو والميجا 5.8 السامسونج اقولك فى الزباله كل ده مفيش مقارنه اصلا من الاخر اتش تى سى أبل الاندرويد شركه تتقن صنع تليفوناتها ولأول مره الوكيل فى مصر ينزل تليفون اتش تى سى فعليا تمنه اقل من قيمته

drizzyman

2014-05-19 (03:30:54AM)

والله الأستاذ وليد بجد راجل محترم شكرا لتوضيحاتك ياكبير

khaledmedhat

2014-05-19 (02:42:14AM)

اولا الف مبروك استاذ وليد و ربنا يباركلك فيه ..اعتقد فى المجمل العام لو هنقارن بينه و بين ال تى تو , جراند 2 .كده الافضل ديزير 816 انا متوقع انو يغله...النسخة النزلت مصر يدعم 4جى؟ و هل جراب النوت 2 بينفع معاه؟

waleedsunny

2014-05-18 (07:36:43PM)

ربنا يبارك فى حضراتكم
الرام قارى 1.3 جيجا - زى سامسونج جراند2 وميجا 6.3
البطاريه نفس استهلاك سامسونج بالظبط يوم كامل مع النت متوسط 4 ساعات على مدار اليوم + العاب متوسط ساعه + مكالمات
إضاءة الشاشة اقل من إضاءة شاشة السامسونج
بتدى نفس نقاء وجودة السوبر اموليد بس الالوان طبيعية مش فاقعه زيها
فى الشمس فى الخلفيات السودا الرؤية سيئه - لو الخلفيه بيضاء بتكون الرؤيه كويسه
انا ماقولتش ان الكاميرا وحشه لكن قلت فعليا بتدى جودة ونقاء ال 8 بيكسل مش ال 13
وده مش معناه ان الكاميرا وحشه وبعدين 8 مش قليل
حملت اسفلت 8 1.38 جيجا فى 30دقيقه واى فاى والبطاريه نقصت 8 درجات والحرارة كانت 35
الحاجه الغريبه اللى حصلت ومحتاجه تصحيح هى
انى قلت الجهاز بيدعم نقل البرامج والالعاب لكارت الميمورى
لكن بعد ماحملت اسفلت8 ونقلتها على الميمورى كارت لقيت اللى اتنقل هو 55 ميجا فقط لكن اصل اللعبه 1.38 فضلت على الذاكرة الداخليه
وامبارح انا نقلت برامج بس بسيطه وصغيره من على الجهاز لكارت الميمورى
فبصراحه مش عارف ايه الموضوع ده
الجهاز فيه اوبشن غير الباور سيفينج لفظ البطاريه
اسمه اكستريم مود وده بيقفل كل البرامج والنتوفيكاشن وكل حاجه فى الخلفيه وبيخلى الجهاز عباره عن شاشه واحده سودا فيه ايقون للاتصال والرسائل والايميل والاله الحاسبه والنتيجه فقط لاغير وماتقدرش تدخل على اى شىء فى الجهاز الا لما تخرج من المود ده
وده بيخلى الموبايل فى وضع السكون مابيستهلك اى باور نهائى وانا جربته بعد 3 ساعات لاقيت البطاريه مانقصتش شرطه واحده
والجهاز ده ياجماعه صورهطبق الاصل من سامسونج مع اختلاف اضافة طابع لشركة HTC طبعا

pesyamao2

2014-05-18 (10:16:37AM)

زاوية الرؤية كويسة ولا وحشة ؟ والبطارية ؟

drizzyman

2014-05-18 (06:55:14AM)

وكان لزاما ع الموقع إنه ينزل إل 816 ف اللسته ....مش معقول كدا

drizzyman

2014-05-18 (06:49:43AM)

ألف مبروك وليد بيك
كتعقيب ع الكاميرا ....من كلام حضرتك الكاميرا وحشه متحصلش ال إس4 وزيها زى الميجا مسلا
وده زعلنى الصراحه لدرجه إن عاوز أفاضل ما بينها والتيتو ألترا
شكرا ليك وليد باشا

omarmukhtar

2014-05-18 (01:47:13AM)

موبايل محترم بجميع المقاييس :))
الف مبروك .. ان شاء الله هجيبو لو معرفتش اجيب الون بلس ون :))

mohamed790

2014-05-18 (12:54:10AM)

الف مبروك يا استاذ وليد
وتقييم رائع
وياريت تقولنا البطاريه بتقعد اد ايه ف الشغل العالى والخفيف والمتوسط

okakol

2014-05-17 (11:04:39PM)

الف الف مبروك يا استاذ وليد وربنا يحفظهولك يارب
والله عليك طمنت قلبى عشان ناوى اشترى ان شاء الله .
وادام نزل مصر فعلاً وكمان عند 888 امل ليه منزلش صفحة له هنا ليه
اه افتكرت اصله من سامسونج !!!

المهم بالنسبة للرام قارئ كام ؟

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia T2 Ultra dual

مقارنة

Android
720 x 1280 pixels, 6.0 inches (~245 ppi pixel density)
3G

2G / 3G
13 MP, 4...

مزيد من المعلومات

الموبايلات

HTC 816

التسجيل بالموقع

دخول الاعضاء

معلومات سريعة عن Sony Xperia T2 Ultra dual

Android

720 x 1280 pixels, 6.0 inches (~245 ppi pixel density)

3G

13 MP, 4...