سعر و مواصفات Sony Xperia SP

ياسمين و kaher الاس بى تليفون ممتاز جدا جدا بس المشكلة حاجتين الاولى الكام متوسطة خصوصا باليل ولما بتصور فى اضاءة صناعى "جوه البيت مثلا" وعن تجربة يمكن ينزل تحديث يظبطها بس هيا اقل من الاس ثرى جامد وسونى فعلا موبايلاتها بقت ارقام وخلاص بعد ما كان ليها الريادة فى التصوير والمشكلة التانية هيا توقف التحديثات للاندرويد 5 لانه ثنائى النواة غير كده هوه ممتاز جدا ......للاختيار بينه والتى اكس والاس ثرى مع استبعاد الاس ثرى يا ياسمين يبقى التى اكس احسن من وجهة نظرى

السلام عليكم ورحمة الله وبركاته ...

والله انا كنت قررت اشترى سمارتفون جديد وقعدت اقرا واسمع ريفيوهات واعمل مقارنات واحتار واجيب م الاول وهكذا.... ، و تحديدا كنت محتار بين: سامسونج جالاكسي اس ثري ، سوني اكسبيريا اس بي ، و اتش تي سي وان اكس .... مشكلة اتش تي سي وان اكس انه غالي بفارق كبير مقارنة بالموديلين الاخرين ، مع تقارب الامكانيات وداه ميمنعش انه متفوق عليهم قليلا في بعض الجزئيات زي الشاشة مثلا وزي التصميم الرئع ، وكمان في كونه من انتاج اتش تي سي وهي شركة تتميز بجودة عالية ..... المهم ان المنافسة الحقيقية كانت بين سامسونج وسوني في النهاية ...
مميزات اكسبيريا اس بي على سامسونج اس ثري من وجهة نظري:
ـ تصميم متميز واحساس مريح في اليد ، على عكس سامسونج s3 ـ من وجهة نظري ـ ... زائد ان حجمه اصغر من اس ثري في الطول والعرض ، (وإن كان وزنه اتقل ـ جرامات معدودة ـ انا شخصيا محستش بأي مشكلة في حكاية انه اتقل من s3 ...)
لكن مهم نقول ان جسم الجهاز بلاستيك مش الومنيوم ـ باستثناء الاطار اللي بيغطي سمك الجهاز مصنوع من معدن ولونه رصاصي انيق في الموديل الاسود ـ لكن داه مش عيب في نظري طالما ان الجهاز جيد في تصنيعه ... وطبعا هو متفوق على سامسونج اس ثري في جودة التصنيع والخامات زي ما ask82 كان بيقول في تعليق تحت ...

ـ بروسيسور قوي جدا 1.7 جيجا هيرتز ثنائي النواه متفوق في اغلب رانكات الأداء على بروسيسو اس ثري 1.4 جيجا هرتز رباعي النواه... وداه يخلينا نتأكد ان اختلاف الهاردوير عند العملاقين الياباني سوني والكوري سامسونج عامل مهم جدا ( يعنى مش سرعة البروسيسور وعدد النواه هو العامل الوحيد!) ...

ـ شاشة اتش دي عالية الوضوح اعلى من شاشة اس ثري في البيكسل ـ وان كان الشاشة نفسها اصغر بقيمة 0.2 بوصة . ..... لكن الفرق الحقيقي في نظري انها شاشة tft ومش amoled >>> مين بيفضل شاشات اموليد المشهورة بيها تليفونات سامسونج؟ انا مبحبهاش .. في شاشات الاموليد بيبقا الكونتراست بين الالوان عالي جدا يؤدي الي الوان غير طبيعية ـ غير موافقة للطبيعة ,,, بينما شاشات TFT اقرب للطبيعة خاصة لما بنتكلم عن بيكسل عالي 319 بيكسل لكل بوصة ... الشاشة ممتازة والتاتش رائع (زائد ان فيه خاصية استخدام التاتش وانت لابس جوانتي سميك)

ـ البطارية اعلى من بطارية اس ثري + الشاشة اصغر = عمر اطول للبطارية
(دي مش كل مميزات الجهاز وانما مميزاته بالمقارنة بمنافسه الاس ثري)

ـ كرؤية شخصية جدا الانترفيس لسوني افضل واذكي كتير من سامسونج

- السعر ارخص من سامسونج ومن اتش تي سي طبعا ... رغم انه متفوق في البروسيور على اس ثري

عيوب الجهاز مقارنة بإس ثري:
انا مش هعرف اتكلم عن عيوب جهاز انا اشتريته مقتنع بيه لأنى لو كنت شفت فيه عيوب كتير مكنتش اشتريته ، لكن العيب اللي انا شايفه حتى الان :
- الكاميرا ... ابتداءا كل كاميرات سوني في الموبايلات مش قد كده ... وفعلا اس ثري يتفوق في الكاميرا بلا جدال ... لكن لو هتصور مناظر طبيعية او صور في اضاءة قوية هيبقا مفيش مشكلة ...
ـ الواي فاي مسافته اقل مما كنت انا متعود عليه قبل كده ودي حاجة مضايقاني فعلا، لكن انا لسه مقارنتش بينه وبين اس ثري في الموضوع داه .. وممكن يكون تليفوني القديم هو الاستثناء!
ـ

لو كنت بتفكر في جودة التصنيع والقدرة على تحمل الاستخدام الشاق، وكمان توفر فلوس ، ولو هتستخدم الكاميرا في الاستخدامات العادية مناسبات وصور اصدقاء وكده فاظن ان سوني اس بي هيكون فيه كل المميزات دي ...

كاميرا الجهاز متوسطة يعنى تساوى كاميرا 5 ميجا بعكس الاس ثرى احسن كاميرا 8 ميجا

ارجوكو يا جماعة اللي معاة التليفون دا يقولنا اذا كان فعلا في مشاكل في التاتش بتاعو ؟؟
ناس بتقول هو محطوط علي ترابيزة مثلا التاتش مبيشتغلش ؟؟ ناس بتقول هو محطوط في الشاحن التاتش مبيشتغلش ؟؟

ما هي النقاط التى يتفوق فيها هذا الجهاز على منافسه السامسونجي s3??
وما هي نقاط ضعفه مقارنة بنفس المنافس؟؟؟

وبخصوص السعر 3300 مش يبقا غالي اذا قيمنا المواصفات؟؟ شكرا للجميع

السلام عليكم الموبايل داه منه 3 الوان ابيض اسود احمر
الاسود هو اللي موجود في كل محال البيع
حاولت اوصل للابيض ـ حتى في التوكيل ـ مش لاقيه ... ياترى ممكن الاقي الابيض في مصر فين؟
شكرا جزيلا

حد يعرف محل بيبيع الموبيل دة من غير ضمان وبيبيعه بكام ؟

هو الموبيل ده نزل مصر

مين افضل الموبيل sp ولا v
وسعرهم كام فى مصر

لو سمحتوووووووووووووووووو
انا فى ورررررطة ومشكلة

انا معايا موبايل LG Optimus L7 P715
وقعدت العب فى الموبايل اخترت حاجة مش عارفة ايه هى
وبعدها جاتلى رسالة دوست اوك وجاتلى رسالها بعدها بتقولى ان التاتش مش هشتغل دوست اوك

المهم فجأة لقيت الموبايل ركبه 100 عفريت وواحدة كل وما ادوس على حاجة تتكلم انجلش ومش عاوز يشتغل كويس ولا يتحرك ومش عارفة اوصل لاستاعدة ضبط المصنع اصلا

وفيه مشكلة كانت قبلها تانى من فترة الاسماء اللى كانت على الخط كانت موجودة بقالها كم يوم قبل المشكلة الكبيرة دى مش لقياااااااهاااااااااااا

حد يقووووووووووووولى اعمل اييييييييييييييييييييييييييييييييييييييييييييييييييييييييييييييييه ؟