بدون عنوان

للرجوع الي صفحة سوني Xperia sola الرئيسية اضغط هنا

Ronaa

2013-06-23 (10:56:28AM)

عايزة رأيكوا بخصوص التليفون ده من واقع تجربة فعلية ، أنا طلباتي جهاز يكون سريع في تصفح النت لأن هتابع عليه شغل وبريد اليكتروني وكده وطبعا الشاشة تكون كبيرة قدر الإمكان ، ثانيا يكون شكله حلو وصوته في الميوزك حلو ،

هل رأيكوا الجهاز ده مناسب للمواصفات المطلوبة ده ولا فيه جهاز تاني في نفس الرينج أو اعلى حاجة بسيطة يقدم المواصفات ده وياريت لو اقتراح يكون من واقع خبرة وتعامل شخصي

متشكرة جدا مقدما

ellithy

2013-06-23 (01:16:53PM)

عن تجربه 8 شهور التلفون ليس بالقدر الذى يعتمد عليه التلفون علشان يكون سريع لازم متحمليش عليه تطبيقات ولا تشغل الذاكره الداخليه وضمان رزق الله زباله غير كده التلفون بيهنج فى الجنجر بريد والايس كريم سندوتش والتلفون يواجه اهمال من شركة سونى عن حل المشاكل وتقديم حلول لها

ArchieDeacon

2013-06-23 (04:42:44PM)

أستاذة Ronaa .. أحلى حاجة أن حضرتك حددتى أولويات أستخدامك للفون اللى انتى عاوزاه فأنا نصحتى لحضرتك خصوصا أن انا أستعملت الفون ده وأستعملت غيره أيضا .. ما دام حضرتك عاوزة جهاز يكون سريع فى تصفح النت وكدة ويكون شكله حلو وكمان شاشته أكبر من ده حاجة بسيطة .. وهى تعتبر الى حد ما جميلة يعنى مقصدش أنها كبيرة قوى ولكنها مناسبة جدا جدا .. يبقى مانصحكيش بالسولا .. لأنه مش هايلبى أحتياجات حضرتك اللى ذكرتيها عن الفون اللى انت عاوزاه بصورة نقية وجميلة بل ستجدى فيه بعض العيوب .. مش وقت ذكرها الآن .. بس أنا أقترح عليكى موبايل تانى يحقق ما طلبتيه بصورة نقية بدون أى عيوب .. يبقى أمامك Galaxy SIII Mini ..! بجد موبايل هايل .. والسولا دلوقتى عامل من 1850 ل 1975 .. والمينى عامل من 2200 ل 2400 وكمان ممكن حضرتك تشتريه من غير ضمان ب 2050 ببقى قرب كتير من سعر السولا .. وموجود فى كل مكان .. وشكله اكثر من رائع .. ده رأى وآسف على الاطالة .. ولكى حرية الأختيار !!

ellithy

2013-06-23 (05:44:32PM)

انا بقترج تنتظرى ليوم 4 الشهر القادم سونى هتنزل تلفون زى السولا بس معدل وب2 شريحه هيكون افضل من جلاكسى اس 3 مينى

ellithy

2013-06-23 (05:46:41PM)

التلفون اللى سونى هتنزله اسمه Xperia M نفس السولا بس مع تصميم الزد والرام جيجا بدلا من 512 وبه كاميرا اماميه وفيه منه بشريحه وحده وفى بشرحتين والكاميرا بتاعته HDR 5MB

Ronaa

2013-06-23 (11:28:49PM)

أستاذ ellithy متشكرة جدا لحضرتك على الإفادة بتجربتك الواقعية بالظبط ده اللي كنت ببحث عنه تجربة واقعية بعيدة عن المواصفات والأرقام المعلنة ، ممكن أنتظر إن شاء الله مش مشكلة لو فعلا حاجة أحسن مش عارفة لوعندك خبرة بموديلات تانية ولا لأ كنت بفكر في LG OPT L9 بسبب شاشته الكبيرة

Ronaa

2013-06-23 (11:36:30PM)

أستاذ ArchieDeacon ، متشكرة جدا لذوقك وإهتمامك ، إقتراحك ممتاز وكنت فعلا بقارن بينه وبين LG OPT L9 ، بس عيب الأل جي ان إكسسوارته مش متوفرة على عكس السامسونج حاليا مغرقة السوق المصري ، طيب هل حضرتك إستخدمت الجلاكسي وهل نسخة الجيلي عليه مفيهاش أى مشاكل ؟

Ronaa

2013-06-23 (11:37:26PM)

كمان هل تقترحوا عليا أشتريه من موبايل شوب ولا من الشناوي عادي في إسكندرية ؟ وفيه كمان سوق دوت كوم ؟

yehyatooo

2013-06-24 (01:34:42AM)

ده موبيل ابن ستين كلب اين كان مواصفاته ...طالما بيهنج كتير

shin545

2013-06-24 (01:56:17AM)

Ronaa
لا بلاش جلاكسي اس 3 ميني بيهنج كنير برضه مع واحد صحبي انا هقولك على جهاز لو لقتيه اتصرفي وتجبيه لانه بجد تحفه وامكانياته اكبر من تمنه بمراحل اسمه وهو منتشر يعني شوفتو كتير وفي كارفور موجود برضه
4HD LG Optimus
الجهاز متين جدا وممتاز وعملي سعره تقريبا 2650 بس يستاهل اكتر من كده وحجمه زي حجم الاس 3 الكبير مش المني فشاشه روعه وده فيديو بيوضح الجهاز شكله وامكانياته

Ronaa

2013-06-24 (03:12:31AM)

أستاذ shin545

متشكرة جدا جدا الموبيل فعلا واضح انه ممتاز جدا ومنافس قوي لجلاكسي اس ثري من ناحية الإمكانيات ، من الناحية العملية حضرتك جربته ؟ ورأيك أشتريه من كارفور ولا منين ؟ لأني بصراحة ماليش خبرة في الأجهزة فعايزة مكان مضمون وايه نوع الضمان اللي بيكون معاه ؟ يعني كأنك إنت رايح تشتريه وقولي اتصرف ازاى ومتشكرة جدا مقدما

shin545

2013-06-24 (09:56:14PM)

Ronaa
بالنسبه لتجربه الجهاز فانا مش محتاج اجرب الجهاز لان امكانياته تتحدث عنه رباعي النواه وجيجا رامات اعتقد ده كفايه وانا فعلا جربته بس عند محل مش عند صاحبي فكان معايه لمده ربع ساعه طلقه ماشاء الله بجد جهاز بالنسبه لسعره لقطه وشاشته كبيره والوانها جميله
عيوب الجهاز:
البطاريه بتخلص بسرعه بس ده حال كل اجهزه الاندرويد يعني الاستخدام المتوسط هيقعد معاكي يوم كده
في ناس بتقول انو بيسخن مع الالعاب الجرافيك بتاعها عالي بس ده طبيعي وفي اي جهاز كده حتى الاب توب بيكون كده مع الالعاب انا بنقلك كل الشكاوي الي على الجهاز ده

ولو انا مكانك هشتريه من كارفور لانه مكان مضمون طبعا او من دريم 2000 مكان محترم جدا ايضا فشوفي الانسب ليكي واشتري منه...واتمنى لك التوفيق ديه نصيحه مش اكتر والاختيار النهائي ليكي

تلك الخدمة مخصصة للأعضاء فقط