بدون عنوان

أستاذ ArchieDeacon
متشكر جدا جدا جدا لذوق حضرتك وردك المفصل المحترم ,, وعلي فكرة انا اصلا معايا السولا بس الايفون 4 اخويا ادهولي هدية و كان عجبني جدا السولا لأنه ذوقي وفعلا وجهة نظري انه شيك جدا بس مع الاستخدام خنقني جدا علطول بيهنج واوقات كتير بيكون بطيئ جدا جدا والكاميرا مش قد كدة وبطيئة بردو في الالتقاط انا منزله الايس كريم 54 عشان كدة متردد اشغل انهي فيهم عشان كمان الايفون محكوم بال ios بس غالبا انا ميال لللأيفون من اللي بشوفه من السولا نفسي لما افتح ال log call مستناش دقيقة وبعدين اعمله ريستارت

انا لو معايه فلوس الايفون 4 اجيب نوت 2 على طول جهاز جبار وبقا ب 3999 دلوقتي والضمان الدولي ب 3650 والاتنين مفيش فرق لو شاريه من مكان موثوق منه

أستاذ AliAttia .. حضرتك فاتك نقطة مهمة وهى أننا مينفعش نقارن السولا ب I phone 4 .. لأسباب عدة .. أولا أن كل منهم يختلف نظام تشغيله عن الآخر السولا أندرويد والأيفون IOS .. لكن لو قصدك على حاجات ثانية زى الشكل والسرعة والبطارية والدعم وغيره .. يبقى أنت عند حضرتك الآتى ........ الشكل من وجهة نظرى السولا يكسب ... الدعم ونظام التشغيل .. السولا يكسب لأن الاندرويد اكثر تحررا من IOS ..... السرعة .. يبقى الأيفون يكسب .. لأن ثباته وسرعته فى الأنترنت وال Games جميل جدا جدا بخلاف بعض ال Lag والتهنيج الموجود فى السولا ... الكاميرا .. الأيفون أحسن طبعا .. عدسات الكاميرا نقية ,كمان سريعة ألى حد ما عن السولا فى الألتقاط .. خامة التصنيع بلا شك الأيفون أحسن بكتير مقارنة بالسولا .. لأن أطار الأيفون Metal وكمان شاشة الأيفون من الزجاج القوى .. بخلاف السولا ( بلاستيك ) وعلى فكرة انا قصدى على ملمس الشاشة الخارجى مش الداخلى لأن الأثنين زجاج من الداخل .. بس ده ميلغيش كفاءة Sony الجبارة فى أختيار مواد التصنيع بخلاف أى شركة ثانية بتصنع ال Smart Phones بس أنا ملتزم مع حضرتك بنوع الهاتفان أللى حضرتك طالب المقارنة ما بينهم .. طبعا السولا أكبر فى الشاشة بنسبة بسيطة السولا 3.7 والأيفون 3.5 بالأضافة الى أن ريزيليوشن شاشة الأيفون فور أحسن من السولا .. الأيفون 960×640 وال( Pixel Density 330) ده فى الايفون فور بينما السولا 854×480 وال (pixel Density 265 ) ... طبعا ده غير أن الرام واحد فى الأتنين 512 بس برده أرجع واقوللك الأيفون أسرع .. لأن نظام IOS نفسه نظام سريع بالأضافة الى نوع الرام اللى بتستخدمه شركة Apple الامريكية طبعا .. بتستخدم حاجات رائعة جدا .. طبعا السولا أعلى فى البروسيسور 1Giga Dual Core Cortex A9 بينما الأيفون فور 1Giga Cortex A8 ..! بالأضافة الى أن بطارية الايفون أحسن 1420 ميللى أمبير بينما السولا 1320 ميللى أمبير ... وكمان عندك السولا فيه محرك البرافيا بيعطى ألوان جذابة للشاشة ده غير ال Fioating Touch الى فى السولا واللى مش موجود فى الايفون وهو أستخدام الفون من غير أيدك ماتلمس الشاشة يعنى أيدك بتكون مرفوعة حوالى 1 سم عن الشاشة وتقدر تتحكم فى الفون عادى من خلال هذة الخاصية .. يعنى من الآخر تحديدك لأولوياتك هو اللى هايحدد أيهما الأحسن بالنسبة ليك .. لأن كل من الموبايلين فيهم مميزات تختلف عن الآخر .. ولكنها فى النهاية مميزات .. بأختصار يعنى لو عاوز جهاز سرعة فى النت والألعاب مبيهنجش وجهاز قوى يبقى الأيفون فور .. ولو حضرتك عاوز جهاز أكثر تحررا من حيث نظام التشغيل وأيضا جميل فى النت بس مش زى الأيفون طبعا .. وجهاز قوى أيضا يبقى السولا برده جميل ... ده كل ده وأنا نسيت أقول لحضرتك على حاجة مهمة جدا وهى السعر فرق السما من الأرض بين الأتنين .. السولا 1900 .... الأيفون 4660 !!!! بس فى النهاية لو أنا اللى بختار بين الموبايلين دول يبقى بالنسبالى طبعااا وده رأى ... الأيفون بلا شك !! ... أتمنى أن أكون أفدتك .. وآسف منى على الأطالة !! وأرجو من باقى أحبائى الأعضاء المحترمين لو انا غلطان فى اى معلومة يتفضل متكرما أن يصححها لى .. لأن المهم عندنا هو الفايدة لجميع الأعضاء .. وتحقيق أعلى أستفادة من أى أستفسار يتم طرحه ..!

رأيي متجبش الشولا ايفون احسن في الالعاب و الابلكاشنز بس مش بيستحمل خالص