بدون عنوان

للرجوع الي صفحة سوني Xperia C الرئيسية اضغط هنا

mohamedalwkeel2014

2014-03-05 (02:27:19AM)

سلام عليكم .. لو سمحتو انا اشتريت الاكسبيريا سى من اسبوع الجهاز تمام بس فيه مشكلة مش لاقيلها حل أرجو ان حد يفدنى .. لما باجى اصور فيديو الصوت اللى بيطلع اثناء التسجيل هو الصوت اللى جنب الموبايل علطوول انما لو فيه صوت بعيد شوية لو حتى متر ولا متر ونص يطلع واطى جدااا ومش واضح ولا مسموع .. أنا سألت واحد قاللى ان دى خاصية فى الجهاز اسمها " عزل الاصوات المحيطة " للأسف الخاصية دى مزاولانى جدا لما بحتاج انى اسجل فيديو لحد بعيد عنى متريين او تلاته صوته مش بيطلع وبيبقى واطى جدااااااااااا !! ارجو ان حد يفدنى لو فيه حاجة من الاعدادات بتتظبط يقولى عليها او لو الناس اللى معاها الموبايل ده ماعندهمش المشكلة دى يقولولى علشان اوديه التوكيل !!!!!!!!!!!!!! ارجو الرد والاهتمام ،، وجزاكم الله كل خيير :)

mromar

2014-03-05 (04:45:24AM)

هو المويايل حلو ولا وحش؟

mohamedalwkeel2014

2014-03-05 (04:33:37PM)

الموبايل ممتاز بصراحة افضل موبايل اندرويد مسكته واروع بطاريه قابلتها .. عيوبه موضوع المساحة الداخلية مش كبيرة اوى وماقدرش اقول عليها صغيره لأن كل حاجة بتتنقل بكل سهولة فى الجهاز ده على الزاكرة الخارجيه حتى البرامج اللى مكنتش بتتنقل فى الموبايل بتاعى القديم على الذاكرة الخارجية فى الاكسبيريا سى بتتنقل زى الواتس اب وغيره .. وبالنسبة للبطاريه فيها عيب بسيط انها بتشحن وبتفضى شحن بسرعه فى الفترتيين ( من 100 لـ 87 و من 33 لـ 13 % ) وده عيب فى بطاريه كل اجهزة الاكسبيريا سى معرفش بصراحة ايه السر ف كده لكن البطاريه مع الاستخدامم التقيل جداااااااااااااا بتقعد معايا يوم ونص مع العلم ان ل كنت استخدمت نفس الاستخدام ده مع موبايلى اللى فات كانت البطارريه بتقعد نص يوم .. وكمان لو استخدامك متوسط ممكت البطارية تقعد معاك اكتر من يوميين وبالنسبة للكميرا بتاعته اقدر اقيمها ب 7.5 من 10والريزولوشن بتاع الالوان مش وحش زى الناس مابتقول حقيقى ممتاز جدا بالنسبة لسعره .. نصيحة لوجه الله اتوكل على الله ومتترددش وهات الموبايل حقيقى حجمه وامكانياته تحفه :)

smsm5

2014-03-05 (05:54:25PM)

طيب لو سمحت انت اشتريته بكام ومنين ؟؟ علشان انا سألت عليه ولاقيت سعره أغلى من السعر المكتوب ده!

mohamedalwkeel2014

2014-03-05 (09:48:10PM)

انا اشتريته من محل اسمه قويدر 2000 فى مصر الجديدة - ميدان الحجاز ب 2050 - تقدر تشتريه بأقل من كده كمان على فكرة لو دورت - وفيه محلات دريم2000 تقريبا عامل 2000 ليهم فرع عند كوبرى القبة

ahmedepco

2014-03-06 (03:08:22PM)

انا لاقيته ب 1980 في المنيل في محل اسمه ايزيس كنت لسه فيه امبارح

essamsherif2003

2014-03-06 (08:14:52PM)

الاخ الفاضل انا جربت اسجل فيديو على بعد حوالي 4 متر عن الموبايل وسمعت الصوت وهو باين بس مش عالي لكن باين وواضح وعموما الموبايل كل حاجة فيه حلوة ماعدا الذاكرة الداخلية الخاصة بالتطبيقات حوالي 1جيجا فاضل فيهم عندي 200 ميجا بعد مانزلت التحديث للسيستم وتقريبا معظم البرامج اللي انا محتاجها وتحديث (اليوتيوب/جوجول كروم اول تحديث/البلايستور/الالبوم/بعض البرامج)

تلك الخدمة مخصصة للأعضاء فقط