بدور علي ايه؟ اكتب رقم موديل الموبايل الابدور عليه
ahmedepco
احدث المشاراكات
-
2014-05-18 (12:47:24PM) Samsung Galaxy Note 3
تمام يا باشا حصل وان شاء الله شغال كويس
-
2014-05-15 (12:39:05PM) Samsung Galaxy Note 3
بعد تشجيع الاستاذ (هارد تيم) ليا في شراء نوت3 4 جي الحمد لله جيبت الجهاز من حوالي 3 ايام
وشغال معايا الحمدلله تمام في بس شوية مشاكل بسيطه في الشبكه بتقابلني في الاماكن المغلقه
بس غير كده شغال تمام وشكرا ليك يا محمود على نصيحتك
نزل تحديث دلوقتي عندي هو كيت كات 4.4.2 انا نزلتوه بس لسه معملتش سيتاب ليه
هل في مشكله في التحديث ده لو عملتلوه سياب هنا في مصر ولا ايه ؟؟ -
2014-05-13 (12:41:10PM) Samsung Galaxy Note 3
بص يا عمرو .......انا اشتريت note 3 4g بضمان دولي يعني سعودي او اماراتي عشان مفيش ضمان في مصر لل note 3 4g السعر كان 4350 و العلبه مقفوله واتفتحت قدامي و معايا ضمان 14 يوم تجربه ....والجهاز الحمدلله شغال كويس لغاية دلوقتي الشبكه بس ضعيفه شويه وساعات بتسقط بس في الاماكن المقفوله لكن غير كده تمام الحمدلله
موقع سوق كوم متهيالي مش بيديك ضمان والله اعلم
الفرق في الامكانيات كبير جدا بين النوت 2 والنوت 3 .......بروسيسور اعلي بكتير
النوت 3 فور جي البروسيسور بتاعه 2.2 كواد كوررر النوت 2 البروسيسور بتاعه 1.6 كواد كورر
الرامات 3 جيجا في النوت 3 و 2 جيجا في النوت 2
المساحه الداخليه 32 جيجا في النوت 3 و 16 جيجا في النوت 2
ده غير فرق الشاشه -
2014-03-06 (03:27:44PM) Alcatel One Touch Idol X
رجاء من ادارة الموقع تعديل بند الذاكره الخارجيه .....الموبيل ده الشريحين منه بدون ذاكره خارجيه ......مفيش مكان خالص لذاكره خارجيه عن تجربه
-
2014-03-06 (03:25:45PM) Alcatel One Touch Idol X
شريحتين ب 2400 جنيه بس خلي بالك لا يقبل كارت ميموري
-
2014-03-06 (03:21:13PM) HTC Desire 600 dual sim
الموبيل لسه شريه من اسبوعين لمراتي من موبيل شوب ....موبيل محترم جدا جدا جدا جدا في كل حاجه مميزاته قوتة السوفت وير ومبيهنجش زززسرعته ...شكله انيق جدا ...عيوبه ان اكسسوارته مش متوفره غير في الوكيل جوفي ترونيكس ....اشترتلها جراب وسكرين ب 150 جنيه
-
2014-03-06 (03:12:40PM) Sony Xperia C
بص ياباشا بصراحه شديده انا امبارح نزلت فعلا عشان اشتري الجهاز الالكاتيل idol x الحمدلله حظي ملقتوش في المحل وقالي هيجي بكره بس قالي خلي بالك ده فيه عيب خطير انه لا يقبل كارت ميموري
يعني مساحته الداخليه فقط لا غير وده اناغ بصراحه لما روحت فكرت لقيت انه عيب خطير جدا وملوش حل ورجعت تاني في تفكيري لل اكسبريا سي على الاقل هو مساحته صغيره بس ممكن يركبلوه كارت احل المشكله ..... وانا خلاص الحمدلله ناويت وتوكلت على الله وهنزل اجيبه النهارده ....لو عايز اي مساعده قولي هو موجود في المنيل ب 1980 التلات الوان وان شاء الله لما اشتريه النهارده هبلغك ولو عايز تعرف المحل فين بالظبط وكده ابعتلي وانا اشرحلك بالظبط ....متجبوش اكتر من 1980 جنيه -
2014-03-06 (03:08:22PM) Sony Xperia C
انا لاقيته ب 1980 في المنيل في محل اسمه ايزيس كنت لسه فيه امبارح
-
2014-03-05 (03:27:03PM) Sony Xperia C
موجود في المنيل ابيض واسود وبنفسجي وبسعر 1980 بضمان رزق الله....شارع المنيل نفسه محل اسمه ايزيس
-
2014-03-05 (03:25:13PM) Sony Xperia C
بص يا باشا انا بقالي كتير ورا الموبيل ده sony c وحاولت كتير اوصل لمشاكله وعيوبه الموبيل ده محترم جدا وقوي جدا بس في مشكله قويه وتقريبا وحيده وهي المساحه الداخليه هي 4 جيجا بس وكمان الاندرويد واخد منهم حوالي 2.3 جيجا يعني المساحه اللي فاضله 1.8 جيجا بالكتير وطبعا دول مينفعوش مع موبيل زي ده عشان امكانياته عاليه ومغري لاستخدام الكاميرا والعاب وبرامج ودول ميكفوش حاجه ....ناس قالتلي انه في سماحيه انه ينقل البرامج من المساحه الداخليه على الكارت على طول ...دورت كتير برضو في الحوار ده ومفيش حد اكد ليا المعلومه اصحاب محلات ومواقع وفيديوهات المعلومه بتاعت نقل البرامج ديه مش اكيده ولسه امبارح كنت مع صاحب محل صديقي وكنت هشتري منه الجهاز وقالي انه مش متاكد من المعلومه ديه خالص و قالي انا مليش دعوه .......غير المساحه الموبيل رائع لو مش بتستخدم برامج كتير او العاب يبقى موبيل رائع جدا وسعره خطير على فكره هو موجود منه ابيض واسود وبنفسجي بضمان رزق الله ب 1980 جنيه في المنيل يعني متوفر بس الفكره انك تشوف هتستخدمه ازاي ......نرجع للالكاتيل idol ultra موبيل محدود جدا ويعتبر ضعيف البروسيسور بتاعه ثنائي النواه 1.2 وده خلاص بقى موضه قديمه في ظل وجود الموبيلات التقيله الرباعي النواه .......راي تفكر في الكاتيل ultra idol X الموبيل ده سعره تقريبا 2400 جنيه يعني فرق بسيط عن ال سوني سي وامكانياته محترمه جدا رباعي النواه 1.5 رامات 2 جيجا مساحه داخليه 8 جيجا متاح ليك حوالي 4.8 او 5 تقريبا ...5 بوصه ...شريحيتن كاميرا 13 ميجا بيكسل ...مش بتظهر بجودة ال13 بس اعلى من ال 8 .........
انا اسف اني طولت عليك بس انا لاقيتك انك بتفكر بنفس طريقتي تقريبا وانا بالي شهرين بفكر وبقرر ...اهتميت جدا بال سوني سي وبعد كده فكرت في الالكاتيل ....فاحنا بنفكر بنفس الطريقه تقريبا .....بس انا مرشحلكش idol ultra خالص في ظل وجود idol X الفرق مش كبير في السعر بس كبير في الامكانيات ....وطبعا لو استخدامك بسيط يبقى السوني سي على طول اشتريه ......يارب اكون افدتك باللي انا اعرفه وسامحني لو كان في كلامي اي معلومات غلط بس انا قولتلك اللي عرفته .....واتمنالك كل خير ان شاء الله