بدون عنوان

للرجوع الي صفحة سوني Xperia C الرئيسية اضغط هنا

mohamedm

2013-12-23 (01:46:22PM)

انهى احسن

samsung galaxy grand

sony xperia C

waleedsunny

2013-12-23 (03:07:17PM)

GALAXY WIN
احسن من الاتنين

OmaRYamanY

2013-12-23 (06:36:10PM)

حضرتك الوين cortex a5 ضعيف و شاشته اصغر من الاتنين و الكاميرا 5 مش 8 و كارت الشاشه ضعيف جداً (adreno 203) و مش متوفر كتير في مصر
انا افضل xperia c

waleedsunny

2013-12-23 (07:22:37PM)

حضرتك كلامك مظبوط لكن المواصفات على الموقع حاجة والاستعمال الفعلى حاجة تانية انا كان معايا الاتنين ولسه جايب الوين وعلى فكرة دلوقتى غرق السوق
وانا فى صفحة الوين شارح عنه كل حاجة
وبرده فى الصفحة دى شارح كل حاجة عن السونى وسبب بيعى ليه بعد استخدام 10 ايام

mohamedkamal3

2013-12-23 (08:55:31PM)

بس يا باشا الجراند يعتبر بقه قديم لو حبيت تشتريه استنا الجراند 2 لما ينزل السوق ,السونى بأمانة بالنسبالى كويس جدا الشاشة محترمة والبطارية تحفة والنت تمام جداا ,الموبايل بالنسبة لسعره ممتاز من الاخر انتا هتجيب موبايل ب2000 مش ب5000 .عيوب الموبايل من راى المساحة الداخلية قليلة بس موضوع نقل الapp على الكارت الخارجى ديه كويسة جدا كده كده انتا لو بتستخدم apps عادية هتلاقى المساحة مظبوطة معاك فحتت المساحة الداخلية ديه مش مشكلة ,موضوع انه بينسا ديه مشكلة سوفت وير ممكن تريح دماغك وتنزل nova launcher , الكام بأمانة مش بستخدمها كتير بس بيقولوا الصور بتبقه حلوة لو ظبطت الإعدادت من عيوب الموبايل برضه ان الضهر بتاعه بيطبع عليه يعنى لو مسكته فى ايدك شوية هتلاقى الضهر متبهدل بس لو جبتله كفر هتحل المشكلة ديه
ديه عيوبه اللى شوفته غير كده هو بطارية ونت وشبكة ممتاز ,شاشته متوسطة ومريحة ,وبأمانة شكل وسمك الموبايل عاجبنى جداا لو عيوبه ديه مش بتمثلك مشكلة اتوكل على الله لو هتضايقك شوف ال win وممكن تستنا الجراند 2

ahmed2003

2013-12-25 (12:08:17AM)

اتكل على الله وهات الجراند انا كنت محتار زيك بين الموبايلين وجبت الجراند وبصراحة موبايل ممتاز شاشة روعة ومشكلة البكسلات الى بيتكلموا عنها دى كلام فاضى من ناس ممسكتش الموبايل والكاميرا روعة بجد حتى فى الاضائة الضعيفة بتصور صورة فوق الممتاز والجهاز سريع الى بيقولك بيهنج ده مجربش الموبايل اى جهاز بيهنج لما تطلع عينه وتفتح برامج كتير مع بعض فى الاستخدام العادى مبيهنجش نهائى غير كده الذاكرة الداخلية مبقتش مشكلة انا شارى الموبايل وعليه تحديث الاندرويد 4.2 جاهز وبيسنحلك تنقل البرامج والالعاب على الكارت وده شىء سهل حاجات كتير الجراند جهاز رائع وده عن تجربة اسبوع من شرائى ليه والحاجة الجميلة ان كل اكسسواراته متوفرة بشكل كبير فى كل المحلات يعنى مش هتلف كتير

تلك الخدمة مخصصة للأعضاء فقط