هذا الموضوع مرتبط بـ Xperia C

بدون عنوان

waleedsunny

2013-12-12 (09:53:03AM)

السلام عليكم
انا كنت دايما بستخدم سامسونج او الكاتيل فترة طويل جدا وجربت معظم انوعهم وبقالى حوالى 3 سنين ماجربتش سونى واخر سونى جبته سونى اريكسون نيو كاميرا 8 ميجا
وبسبب أراء الاعضاء قلت اجرب من تانى السونى
الموبايل مش موجود عند 888 او دريم 2000 هما حطينه على الموقع بتاعهم منظرة فقط زى ال جى 686 بالظبط
المهم نزلت وسط البلد جبته من محل اسمه المهدى امام البنك الاهلى فى عابدين قريب جدا من محطة مترو انفاق محمد نجيب لون اسود ( مش موجود الابيض حاليا ) ب 2150 ج ضمان شركة دلتا مش رزق الله وده المحل الوحيد اللى لقيت فى ضمان دلتا لكن باقى المحلات ضمان رزق الله يعنى ضمان زباله وضمان مش مؤرخ لكن ضمان دلتا متبرشم فعلا ومعاه الضمان مؤرخ شهر 1 2014
وموجود الجراب الضهر ب 25ج وجراب فليب اصلى مكتوب عليه اكسبريا سى ب 50ج ولزقة شاشة ب 25ج ودول موجودين عند محل المهدى ومحل الافوكاتو بجوار محطة مترو انفاق محمد نجيب

احمد نبيه

2013-12-13 (12:01:04AM)

عموما ان شاء الله احنا في انتطار الابديت :]

kokomozz

2013-12-12 (06:08:44PM)

السلام عليكم
انا معايا الكاتيل 997D وعندي خاصية الڤيبريشن عند رد اللي بتتصل بيه
وده اوبشن في معظم موبيلات الكاتيل

waleedsunny

2013-12-12 (03:19:46PM)

شكرا يا أستاذ أحمد
موضوع الفيبيرشن ده موجود فى الكاتيل ايدول مينى 6012 ب 1150ج
موضوع تحميل نوفا لانشر - انا من الصبح محمل اكتر من 15 لانشر كلهم فيهم نفس العيب الغبى وهو انك مابتقدرش تستخدم نص الويدجت اللى فى الانشر بتاع الجهاز لانها مابتظهرش اصلا - نفسى الاقى لانشر يخلينى استخدم الويدجت بتاعت الجهاز الاصليه

احمد نبيه

2013-12-12 (12:14:55PM)

استاذ waleedsunny
شكرا على تقييم حضرتك الراااائع للجهاز .. اولا المحلات اللي عارضاه دي كان عندها وخلص فعلا الموبايل لان السحب عليه عالي جدا انا اتكلمت معاهم كتير عشان اصدقاء ليا عاوزين يشتروا الموبايل
ثانيا عاوز اضيف عيب عالجهاز كمان لاحظته ان لما بتبص للشاشه من الجمب مش بتبقا واضحة ودا بعكس السامسونج حتى الاجهزة اللي الشاشه بتاعتها مش نضيفه اوي بتتشاف كويس من الجمب
- بالنسبة بقا لموضوع انه بينسى النغمات وبينسى الشورت كات اللي معمول عليه ف دا عيب ال launcher بتاع الجهاز لان فيه حضرتك عضو معانا في الصفحة كان كلم واحد في خدمة العملاء تقريبا او حاجه قاله ان دي كلها عيوب اللانشر بتاعت الجهاز وهتتصلح اكيد يعني في الابديت ولو عاوز تصلح العيوب دي ممكن تنزل ال Nova launcher من جوجل بلاي ستور
- كمان حاجه بالنسبة لخاصية الفايبريشن عند فتح الخط اعتقد انها في الاجهزة العالية بس مش كدا ولا ايه ؟
- كمان بالنسبة للميموري كل حاجه حضرتك ممكن تستبها عال External Sd card يعني انا شخصيا منزل حوالي 6 العاب يعملوا 2 جيجا عالكارات الخارجي بتاعه وشغال زي الفل الحمد لله
وانا مع حضرتك ان كل العيوب اللي فيه دي مش عيوب قاتله هي كلها عيوب سوفت وير وممكن تتصلح لو اتعمل ابديت للجهاز من الشركة ( الناميه ) فعلا

waleedsunny

2013-12-12 (11:22:35AM)

نسيت اقول ان البطاريه عند رقم 30 بتسقط مرة واحده ل 15% وانا قريت قبل كده التعليق ده وحبيت أأكد عليه
الحاجه التانية ان الجهاز بيقرا من الفلاشة عن طريق كبل بتشتريه من اى محل موبايلات ب 10ج وتقدر تكون حاطط على الفلاشة اغانى او فيديوهات او برامج اندرويد وتشغلها او تحملها من على الفلاشه وتقدر تنقل من الفلاشة للموبايل والعكس وسرعة النقل ماشاء الله سريعة

لو سمحتوا اى أراء ليا بقولها عن طريق تجربة شخصية وبدون التحيز لماركة معينه لكن بقول رأى فى الموبايل من وجهة نظرى ولإفادة الاعضاء لوجه الله فقط لاغير وفى الاخر كل واحد يقدر يشوف ايه اللى يناسبه وربنا يوفق الجميع ان شاء الله

waleedsunny

2013-12-12 (10:28:48AM)

تقيمى للجهاز
المميزات
الشاشة صافية وواضحة جدا لكن ساسونج احلى منها والكاتيل احلى من الاتنين
الكاميرا نضيفة جدااااااااا وفيها أوبش كتير قوى ( زى ماتكون ماسك كاميرا ديجتال سونى بالضبط ) مع ملاحظة ان الصورة بتاخد وقت فى الالتقاط لكن فى المقابل جودة الصورة عاليه قوى زى سامسونج والكاتيل اقل من الاتنين
الجهاز سريع طلقة ماشاء الله زى الكاتيل بالضبط ومافيش تهنيج تماما بعكس سامسونج
درجة حرارة الجهاز ( بحمل برنامج لقياس البطارية وعن طريقه بعرف درجة حرارة الجهاز )
فعند وضع الجهاز على الشاحن وتحميل حاجه كبيره فى المساحة عن طريق الواى فاى والشغل على الجهاز
السامسونج بتوصل 40
الكاتيل من 34 الى 36
السونى سى من 34 الى 36

أداء الالعاب كويس جدا وسريع - واداء الجهاز ككل عالى ومحترم جدا
صوت المكالمات عالى وواضح
البطارية محترمة جدا زى ALCATEL IDOL MINI

العيوب

صوت النغمات متوسط حتى لو حاطط نغمات خارجية عالية اصلا
مافيش ورقة حائط مختلفة لكل خط على حده زى سامسونج
مافيش اوبشن ان عند كل اتصال يسألنى الاتصال من اى خط من الخطين زى الكاتيل وسامسونج
المنبه مابيشتغلش والموبايل مغلق زى سامسونج لكن الالكاتيل شغال وهو مغلق
حجم الموبايل كبير مع ان الكاتيل وسامسونج فيه موديلات شاشة 5 بوصة واقل فى الحجم والوزن
الشاشة TFT يعنى عادية جداا
عدم وجود خاصية الفيبيراشن عند فتح الخط عند الاتصال زى سامسونج والكاتيل ودى مهمة جدا بحيث ان الواحد لما يجى يتصل بحد لو الطرف التانى رد هايعرف عن طريق الفيبيرشن مش يفضل حاطط السماعة على ودنه
كل العيوب دى عادية ومقدور عليها
المصيبه الكبرى ذاكرة الجهاز الداخليه بعد تحديث برامج الجهاز الاصليه وبدون تحميل اى برنامج خارجى بتوصل صافى حوالى 590 ميجا ( عيب شركة ذى سونى تغلط غلطه ذى دى فى موبايل بالسعر ده )
المصيبة الكبرى التانية ان الجهاز بينسى اه والله بينسى يعنى تحط نغمة لخط1 غير خط2 عشان تفرقهم عن بعض ( حاطط نغمات على الذاكرة الداخليه للجهاز مش الخارجية عشان نبقى ماشيين مظبوط ) تيجى تغلق الجهاز وتفتحه تانى يثبت النغمة بتاعت خط 2 للخطين يعنى جهاز اهبل
لو المصيبتان دول يتوجد ليهم حل يبقى جهاز أستاذ

الاجهزة الالكاتيل اللى اقصدها هى فئة ال IDOL فقط ذى 6012D - 6030D - 6040D

يعنى من الاخر
برافو الكاتيل فئة الايدول
برافو سامسونج فئة الاسعار العاليه
سونى ربنا يوفقها وتصحى وتعمل حسابها ان الشركات التانيه بتطور نفسها ساعة بعد ساعة

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia C

مقارنة

Android
540 x 960 pixels, 5.0 inches (~220 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Xperia C

Android

540 x 960 pixels, 5.0 inches (~220 ppi pixel density)

3G

8 MP, 32...