بدون عنوان

للرجوع الي صفحة سامسونج S8530 Wave II الرئيسية اضغط هنا

foxy_moody

2011-12-17 (05:55:41PM)

to :BrainCrack انا قريت التعليق بتاعك بتاع لينك البادا 1 بس معلش قريتة متاخر انا خلاص نزلتة بس المشكلة مش عارف افلشة علي الموبايل .؟ شكرا

BrainCrack

2011-12-18 (08:08:37PM)

هيا نفس طريقة التفليش اللى عملتها للبادا 2 برضو .. امال انت ازاى فلشت لبادا 2؟
على العموم برضو دى الطريقة
بص حضرتك اعمل الخطوات دى
1- اعمل backup لكل حاجة عندك لأن كل حاجة على الموبيل هتضيع الصور و النغمات وكل حاجة و حتى الأسماء والأرقام فاياريت تعمل باك اب للأرقام الأول عن طريق samsung kies
2-اشحن الموبيل على الاخر
3-نزل برنامج التفليش اسمه Multiloader و ده اللينك بتاعه

4-شيل شريحة الشبكة و كارت الذاكرة
5-شغل وضع الدونلود فى الموبيل بالطريقة دى (اضغط على الزراير اللى هقولك عليها فى نفس الوقت : زرار خفض الصوت + زرار قفل الشاشة + زرار انهاء المكالمة الأحمر يعنى لفترة طويلة مع بعض لحد اما الموبيل يفتح على شاشة سودا فى كلمة download باللون الأحمر
6-وصل الموبيل بالكمبيوتر بكابل اليو اس بى
7- سيب الموبيل بقى وافتح برنامج المالتى لودر على الكمبيوتر و اضغط على كلمة port search
8- علم على LSI
9-علم على full download بس متعلمش على اى حاجة من اللى جمبها
10- سيب المالتيلودر مفتوح و روح بقى على الفيرموير بتاعة بادا 1 اللى نزلتها من على النت وفك الضغط واعرف مكانها فين على الهارد
11- ارجع تانى للمالتيلودر وابدأ حط ملفات الفيرموير اللى انت فكتها فى كل خانة من خانات المالتيلودر ..... يعنى مثلا دوس على كلمة boot فى المالتيلودر هيفتح نافذة ويندوز روح منها للفيرموير و اختار ملفات البوت هتلاقيها واضحة و مش هيقرى غيرها
12- كرر الخطوة دى مع كل الإختيارات لحدcsc
ملحوظة : هتلاقى كل ملف بتحطه فى المكان المناسب ليه شبه الاسم بتاع المكان بالظبط يعنى مش هتحتار يعنى بص ظبطه بحيث يكون زى الصورة دى

14-اضغط على download وسيب الموبيل لفترة تتراوح بين عشر دقايق لحد 20 دقيقة روح اعملك سندوتش ولا حاجة :D
15-اما يخلص الموبيل هيعمل ريسترت لوحده و هيطول شوية وهو بيفتح فاصبر عليه و متقلقش
16-بس كدا اقفله وحط الشريحة وكارت الذاكرة بتاعك و شغل الموبيل عادى خالص
ملحوظات:
انا عن نفسى جربت عملية التفليش دى اكتر من 5 مرات وفيهاش اى مشاكل فمتقلقش على الموبيل طول مانت بتعمل الخطوات اللى بقولك عليها
فى فيديو للشرح دا بالإنجليزى فى كل حاجة واضحة ياريت تتفرج عليه برضو واللينك بتاعه اهو

اما تيجى تختار ال rsrc2 ابقى اختار اللى مكتوب جمبه low
لو حصل اى اررور متقلقش ... لو فى مشاكل كلمنى على الميل فى الأكونت بتاعى

foxy_moody

2011-12-18 (10:13:00PM)

اولا : شكرا يا باشا علي الاهتمام دة والرد السريع وانا خلاص نفذت الخطوات و الحمد لله رجع بادا 1.2 تاني وربنا يسهل وسامسونج تحن علينا ببادا 2
ثانيا : انا عارف طريقة التفليش دية ما هية دية الي فلشت بيها للبادا 2 بس المشكلة كانت في الشرح الي ختة من النت عن طريقة التفليش كان مكتوب فية ان لازم ادوس boot change و fulldownload.................. وبعدين الفيرموير بتاع البادا 2 كان موجود فية فايل اسمة fota اما الفيرموير بتاع البادا 1 مكنش فية الفايل fota فكنت كل ام افلشة علي الموبايل يؤلي عايز الفايل fota و يعمل error فهل دة عشان كنت بدوس علي bootchange و fulldownload مع بعض ولا اية متهيئلي كدة والله اعلم .......؟! و بشكرك تاني لاهتمامك

BrainCrack

2011-12-18 (10:50:17PM)

العفو يا باشا مفيش حاجة ... اهم حاجة حمد الله على سلامة البادا 1.2 :D
موضوع الفوتا دا انا واخد بالى منه بس دا انت مبتحتاجوش غير فى الفيرمويرس اللى بتبقى نازله بملف الفوتا اصلا زى فيرموير البادا 2 اللى انت فلشتها دى فعلا بس بادا 1.2 ملوش فوتا واعتقد انك سواء علمت على boot change او لأ مش هتفرق و فى الحالتين هيفلش عادى مش متأكد برده بس انا دايما مبغلمش عليها و كله بيبقى تمام.

تلك الخدمة مخصصة للأعضاء فقط