بدون عنوان

للرجوع الي صفحة سامسونج Galaxy W I8150 الرئيسية اضغط هنا

waleedsunny

2012-04-09 (10:27:26PM)

بالنسبة لمميزاته :-
1 - الجهاز سريع جدا بسبب البرسسور بتاعه مع ان محمل عليه جو لانشر + ويندوز 7 لانشر زى نوكيا لوميا بالضبط من غير أى تهنيج خالص
2 - الصوت بتاعه عالى بالنسبة للنغمات لكن مش ذى الصينى طبعا
3 - تشغيل الفيديو بتاعه جميل جدا وأنا مركبله كارت 4 جيجا وأنا محمل على الكمبيوتر بتاعى
ويندوز سيفين ولما بوصل الموبيل بالكمبيوتر وأنقل فيديو من الكمبيوتر للموبيل بيسألنى الكمبيوتر
الاول تحويله لصيغة تناسب الموبيل ولا لأ فبيضغطه قبل مايقله للموبيل
4- بالنسبة لتحميل البرامج أن محمل برامج بالعبيط من على أندرويد ماركت مثل الاذان شغال بالثانىة ال 24 ساعة بصوت عالى جدا وبرنامج سكاى بى وبكلم أخويا فى السعودية عن طريقه
صوت وصورة عن طريق الكاميرا الامامية بوضوح وسرعة جدا وبرامج كتيرة جدا مجانا من على اندرويد ماركت عن طريق الواى فاى
5 - بالنسبة للالعاب محمل علية العاب HD كتيرة جدا حوالى 2 جيجا ومحمل برنامج يخلى التحميل يكون على الكارت الخارجى مش على ذاكرة الجهاز
6 - بالنسبة للكاميرا بتاعته جميله جدا وفيها أوبشنز كتير جدا سواء صور أو فيديو
7 - سوفت وير الجهاز حديث و ممكن تعمل فى أى حاجة وتقلبه تكتك لو حبيت
بالنسبه لعيوبه :-
1 - البطارية بتقعد 3 أيام فى حاله أنه يكون مفتوح عالطول ومكالمات عادية ولعب بسيط
وأكون لاغى ال 3G والداتا نيتورك بحيث أنا مبرمجه ان الدخول على النت من خلال الواى فاى فقط
عشان ماغرمش فلوس والربامج اللى انا محملها تكون شغاله عادى لانها طبيعى بتسحب من البطارية
2 - ياريت كانت شاشته 4 بوصة بدل 3.7 لانى واخد على الشاشات 4 بوصة
3 - تقريبا والله وأعلم غير قابل لتحديث السوفت وير لاندرويد 4 زى السونى اريكسون من على الجهاز نفسه يعنى ممكن يتم تحديثه عن طريق محلات أو التوكيل
ده تقريبا المميزات والعيوب من وجهة نظرى الشخصية فقط