بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ Galaxy Tab 4 7.0 3G
للرجوع الي صفحة الرئيسية اضغط
هنا
تقييم الجهاز
تلك الخدمة مخصصة لاعضاء الموقع
معلومات سريعة عن Samsung Galaxy Tab 4 7.0 3G
-
Android
-
7.0″
7.0 بوصة -
3G
2G / 3G -
3.15 MP,...
-
4000mAh
Li-Po 4000 mAh, غير قابلة للازالة
اولا اتمنى انكوا تكونوا بخير وبصحة
ثانيا ده اول تعليق ليا فى الموقع وتقيمى عن الجهاز ده
اولا بالنسبة للمميزات
هتكلم حبة بسيطة عن التشبايةوالبروسيسور والرام وده يعتبر اهم جزء فى تقيمى
بالنسبة لتشباية الجهاز وهى من نوع marvell pxa1088 بسرعة معالج رباعى النواه بدرجة 1.2ودى تعتبر رقم 3 فى تصنيف كفاءات التشابات اللى بتقدمها سامسونج بعد qualcom snap dragon ودى رقم 1 فى الكفاءة يليها exynos وده رقم 2 ( من وجهة نظرى الشخصية بعد تجارب ).
ولكن مش معنى كدا انها وحشة فى الاداء لاء محترمة جدا جدا جدا..بس بيرجع طبعا لسعر كل حاجة
تانى حاجة الرامات 1.5 جيجا منها 300 ميجا مخصصة لسيستم الجهاز وال1.200 الباقى للبرامج
كمان فى الجهاز امكانية نقل البرامج من والى كارت الذاكرة الخارجى وده بيساعد بردو الجهاز على سرعة الاستجابة ورفع كفائته بالاضافة للرام اللى بتتملى عمال على بطال
نروح بقى لحتة تانية وهى السينسور او الحساسية للضوء او المستشعر.. عالى ويوجد بالجهاز smart eye وللناس اللى متعرفش يعنى لو انت عنيك مش فى الجهاز الجهاز يقفل...
فى الالعاب بصراحة انا جربت بس gangster vegas 4 ودى مساحتها 2 جيجا تقريبا ومفيش لاج ولا تهنيجة..ممكن الكلام ده فى لعبة asphalt..الريزوليوشن فيها عالى جدا فلازم تقلل الجرافيك فيها
طيب لحد هنا كويسين .. فى حد مثلا يقولى الواتس اب مش بينزل ليه..هقوله حضرتك محتاج بس تنزل المصدر بتاعه apk من اى حد معاه ده اذا مكنش عندك سورس ليه
بالنسبه لبطارية الجهاز... ممتازة جدا ولكن بتشحن فى فترة طويلة شوية تقريبامن ساعتين ونص ل3 بتفضل معاك لو انت مستخدم للتصفح فقط مش اقل من 12 ولو انت مستخدم للواتس والفايبر وخلافه اكتر ولو بتهرى الجهاز من 6 ل8 ساعات
بالنسبة للجهاز ده حصل على نقاط من ال antutu benchmark 17500 وده بالنسبة للتابات كويسة مش بطالة
كدا خلصنا من التقنيات
بالنسبة للمنظر الخارجى للجهاز شكلوا انيق بصراحة من راى المتواضح وكويس جدا فر راحة اليد تقريبا هو افضل تاب من ناحية امسكة اليد نحيف وشيك جدا ..انا معايا الاسود...تحفة... وكمان سلس جدا فى التعامل فى الكيبورد
طيب كدا تقريبا خلصت الحمدلله مميزات الجهاز ده نشوف بقى ايه العيوب
اول حاجة هنجرى عليها الكاميرا طبعا انا عارف 3ميجا مش حلوة بس سامسونج بردو مش هتعملك كل حاجة ف جهاز واحد
انما يعنى اهو هنقول اهى ماشيه وبالنسبة للاميا 1.3 بردو قليلة بس انا عملت اختبار للكاميرا ادام لينوفو 3500 بكاميرا 2 كانت النتيجة
ف صالح السامسونج كانت اشد فى الاضاءة وبيانات الصورة
تانى حاجة ذاكرة الجهاز 8 جيجا ودى مش بتنزلك 8 كلهم بينزل للسيستم 3 والبرامج 5
ثالث حاجة نوع الشاشة مش زى معودتنا سامسونج ال مشهورة بيها وهى كورنينج جوريلا لا جاية tft بس بردو خامة مش وحشة كويسة
اخيرا
مفيش حاجة اسمها عيب ف الشاشة ودايرة باينة مفيش كلام من ده
انما الضوء الابيض مش ابيض يعمى او ابيض زيادة عن اللزوم انما ابيض على سنة ضعفية لون السكرى
والحمدلله رب العالمين....والله ياجماعة انا اجتهدت فيها لوحدى ومش ناقلها من حد بس علشان الناس تعرف بتجيب ايه وهتشترى ايه
اخوكم
سليم