هذا الموضوع مرتبط بـ Galaxy S5

اس 5

AhmedSaeed

2016-02-16 (10:29:21PM)

استاذsemsemSiR2016
استفسارين، اول واحد انهي لون افضل ف وجهة نظرك ف الاس 5، الابيض ولا الاسود؟ و هل الابيض من غير اي كفر بيتوسخ بسرعة و هيبقي شكله مش كويس او يبان عليه جروح او كدا بعكس الاسود؟
تاني حاجة انهي نسخة افضل من حيث كل شيئ الثري جي ولا الفور جي؟ و هل ال3 جي فيه 4k؟
لأن ف النوت 3 الفور جي الافضل ف الاداء العام عن الثري جي.

AhmedSaeed

2016-02-18 (07:45:05PM)

تمام يبقي هنزل نسخة مصر علشان الموبايل اكيد هيكون سوفت مصري علشان بضمان محلي.

لا انا اتأكدت اكيد قبل أطلبه انه مش مقفول ع اي شبكة.

semsemSiR

2016-02-18 (02:01:37PM)

نفس نسخة البلد بتاعة الهاتف , وانت هتجيبة من موبينيل اعتقد كدة هيكون مقفول على موبينيل بس , اتأكد من الموضوع قبل ماتشترية لانك اكيد هتلاقى علية برامج خاصة بيهم

AhmedSaeed

2016-02-18 (10:57:48AM)

انا هجيبه من موبينيل يعني المفروض انه مكان مضمون و قبل ما استلمه اكيد هتطمن ع انه متبرشم و كل حاجة طبعا :)

خلاص تمام هحدثه اول مستلمه ان شاء الله ع ضمانتك :D

بس حضرتك مقولتليش ف جزئية اني لو هحدثه بالودين انزل نسخة انهي دولة علشان تبقي مستقرة؟ و هل لو حدثته بالاودين الضمان هيروح؟

semsemSiR

2016-02-18 (10:22:03AM)

اتأكد الاول ان الجهاز من مكان كويس ومصدر موثوق منة , وكمان يكون متبرشم

الاس 5 فى البطارية كويس جدااااا , يعنى لو عايز ارفعلك استهلاك بطاريتة مافيش مشكلة هية بتعمل معايا من 6 ساعات ونص الى 7 ساعات ونص screen time on ( نت - مكالمات ) على اضاءة متوسطة

مافيش سخونية تماما درجة الحرارة مع اقوى الالعاب ( dead triiger 2 - nfs no limits - asphalt 8 - fifa 2016 ) مش بتعدى فى الجو دة 30 درجة , وفى الصيف اخرها 35 درجة , يعنى مافيش سخونية تماما

انا عن نفسى بحب تحديثات الاودين عن ال ota

فعموما ممكن تنزل النسخة بتاعتة من sammobile وتفرمت التليفون قبل وبعد التنزيل وان شاء الله هيبقى تمام

على فكرة استهلاك الرام بتاع اخر تحديث بقى خرافى بجد , يعنى الجهاز الفرى رام بيكون مابين 800-700 ميجا ومع فتح الالعاب واى برامج مهما كان عددها بيكون الفرى رام المتبقى ليك 550 ميجا , وطبعا دة شىء ممتاز انة يشغل اى حاجة بمنتهى السلاسة واكتر من تطبيق بدون تقل مش هقولك تهنيج

* التليفون مسجل على برنامج antutu وانا عندى الاسكرين لو عايز تشوفها 51500 الف مقارنة ب 46500 فى الكيتكات , يعنى الجهاز اتحسن جداااااااااا فى اخر تحديث لية للولى بوب

والاس 5 قريبا جدااا هينزلة الاندرويد 6 المراشيميلوا خلال شهر او شهرين بالكتير مع انهم قايلين فى الصفحة انة هينزل فى شهر 3 بس كل الهواتف اتأخرت

يعنى النوت 5 المفروض كان فى شهر 12 مانزلش لحد دلوقتى

الاس 6 كان فى شهر 1 مانزلش لحد دلوقتى

AhmedSaeed

2016-02-17 (01:26:16PM)

تمام متشكر جدا لردك يا استاذsemsemSiR2016
انا فعلا خلاص طلبت الجهاز و هيجيلي يوم الاحد او الاتنين ان شاء الله 3جي لون اسود.

بس عندي استفسار تاني، انا معايا نوت 10.1 2014 و لما نزلتله لوليبوب البطارية بقت وحشية جدااااا و الجهاز ككل بقي بطيئ جدا و بيسخن عن الكيت كات، فهل اعمل تحديث للاس 5 ل اللوليبوب لما يوصلني ان شاء الله، ولا التحديث وحش برضه عن الكيت كات و محدثوش؟

و هل الافضل احدثه عن طريق تحديثات OTA و اعمل بعدها هارد ريسيت؟ ولا الافضل احدثه عن طريق برنامج الاودين؟

و لو بالودين انزل نسخة انهي دولة علشان تبقي مستقرة؟ و هل لو حدثته بالاودين الضمان هيروح؟

معلش تاعبك معايا :)

semsemSiR

2016-02-17 (01:16:50AM)

الاتنين كويسين جدا بس اللون الاسود اشيك , ودية بردة ازواق , لكن اللون الاسود ممتاز فى الاس 5
لأ ياباشا مش بيتوسخ ولا اى حاجة و صعب الظهر يتجرح الا لما يكون فية الة حادة عدت علية جامد

موضوع النسخة الافضل , الاتنين كأداء زى بعض , اللى بيشتغل هنا بيشتغل هنا الفروقات فى الاتى :

ال g900h يتفوق على ال g900f فى :

1- صافى الرامات 1.75 جيجا مقابل 1.66 جيجا

2- اختبارات الهاتف على البينش مارك اعلى من ال g900f , بفرق 4 الاف نقطة او 3 الاف نقطة

3- الصوت افضل واعلى من ال 4جى لان السماعة مختلفة ونوعها افضل فى ال 3جى

4- اقل مشاكل ويكاد يكون مافيش عيوب صناعة فى ال 3جى , بعكس ال 4جى اللى كانت ظهرت فية اكتر من عيب

ال g900f يتفوق على ال g900 :

1- download booster

2- 4g

3- كارت الشاشة نظريا اقوى شوية لكن واقعيا مافيش اى فرق تماما

اة ياباشا الاتنين فيهم تصوير 4k

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S5

مقارنة

Android
5.1″

5.1 بوصة
3G

2G / 3G
16 MP, 5...
2800mAh

Li-Po 2800 mAh غير قابلة للازالة

مزيد من المعلومات

الموبايلات

اس 5

التسجيل بالموقع

دخول الاعضاء

معلومات سريعة عن Samsung Galaxy S5

Android

5.1″

3G

16 MP, 5...

2800mAh