هذا الموضوع مرتبط بـ Galaxy S5

نجربه s6 edge

zizo30

2015-09-18 (01:56:21PM)

يا جماعة الناس اللي بتقول مفيش فروق كتيرة بين الاس 5 والاس 6 ..كلام مش صح خالص ..الاس 6 افضل بمراحل ويستحق الفلوس ..نبدا بالتصميم فخم جدا وتحس انك مش ماسك سامسونج اصلا خاماته زجاج وفريم معدن وسمكه 7مم تحفة فعلا ..شاشه qHD والوان تحفة وواقعيه جدا ...سماعات اعلي من الاس 5 ..بروسيسور ثماني النواة بشريحة 64 bit احدث تقنيه في البروسيسور ورامات 3 سرعة استجابه الموبايل لا تقارن بالاس 5 ..سريع جداااا..بصمه رهيبة زي الايفون كدة باللمس ..وكاميرا تقريبا زي الاس 5 ...فهو بكل المقاييس تغيير جذرى عن الاس 5 ..واللي بيفكر يجيب الاس 5 انصحة انه يجيب الاس 6 وهايحس بجد انه فارق جدا عن اي سامسونج اتعامل معاة حتي النوت 4 ..

semsemSiR

2015-09-18 (04:40:26PM)

مع احترامى لوجهة نظر حضرتك , وبعد تجربة للاس 6

1- الاس 6 افضل فعلا فى الخامات

2- الاس 6 افضل فى الرام بس للاسف مليانة على طول والمتبقى فقط بيكون 500 ميجا بحد اقصى بدون فتح برامج , يعنى تقريبا زى الاس 5 اللى بيكون فاضى 400 ميجا وانت فاتح البرامج

3- الاس 6 اة ذاكرتة 32 جيجا والصافى 23 جيجا , بس مافيش كارت ميمورى , بعكس الاس 5 اللى فية كارت

4 - السوفت فعلا اخف واسرع , بس مع نزول التحديث الجديد للاس 5 بقى طلقة بمعنى الكلمة وكمان نزلة برنامج smart manager يعنى فى نظرى كدة الاس 5 فاضلة بس الثيمثات

5- الكاميرا , زى ماحضرتك قولت زيها , هية بس الاس 6 افضل شوية فى الليل لكن فى النهار ولا اى فرق

6- الشاشة , معلش الاس 5 زى الاس 6 فى كل حاجة , والاس 5 بيمتاز انة افضل فى اللون الابيض والسطوع اعلى شوية

7- البطارية فى الاس 6 متوسطة الاداء , بعكس الاس 5 اللى بطاريتة ممتازة فعلا

8- خاصية ضد المياة اللى موجودة فى الاس 5 واتشالت من الاس 6

9- الحركات الهوائية اللى اتشالت من الاس 6 وموجودة كلها فى الاس 5

10- البروسسير فى الاس 6 اة طبعا ممتاز ويعتبر اقوى بروسيسر حتى الان , بس بردة حتى الان الاس 5 بيشغل اى حاجة بمنتهى السلاسة وبكفاءة لاتقل عن كفاءة الاس 6

11- البصمة اسهل فى الاس 6 وانا معاك انها بقت افضل , لكن تقريبا بيفتحوا فى نفس الوقت

لو حضرتك تلاحظ فرق السعر ان بقى فرق السعر قليل جدا مابينهم يعنى الاس 5 جديد بالضمان ب 3750 جنية والاس 6 جديد بالضمان ب 4500 واغلى سعر لية 4700 جنية بعكس ماكان نازل من شهر 5 اللى فات ب 6500 جنية يعنى نزل 2000 جنية فى خلال 3 شهور فقط ودة بسبب قلة الطلب علية

وسامسونج لعبتها صح , وقفت امداد السوق بالاس 5 والنوت 4 عشان يقدروا يبيعوا الاس 6 والنوت 5

والفرق فعلا اللى اى حد هيلاحظة فى الفئة الجديد هية الخامة -وسرعة تقبل الامر لانه خففوا السوفت جامد اوى

zizo30

2015-09-18 (04:28:19PM)

وجهة نظر :) . انا معايا اس 5 ..وكنت بقول زيك كدة بس بعد التجربه غيرت رأيي

fghahkj

2015-09-18 (03:44:15PM)

والله بالنسبه لى لو تمن الاس 6 نفس تمن الاس 5 برضوا هشترى الاس 5
لانه من وجهه نظرى احسن موبايل عملته سام

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S5

مقارنة

Android
5.1″

5.1 بوصة
3G

2G / 3G
16 MP, 5...
2800mAh

Li-Po 2800 mAh غير قابلة للازالة

مزيد من المعلومات

الموبايلات

نجربه s6 edge

التسجيل بالموقع

دخول الاعضاء

معلومات سريعة عن Samsung Galaxy S5

Android

5.1″

3G

16 MP, 5...

2800mAh