تقييم الهاتف Galaxy s5 SM-G900F 4G

للرجوع الي صفحة سامسونج Galaxy S5 الرئيسية اضغط هنا

DieselMan

2014-04-26 (04:29:31PM)

تقييمي للجهاز بعد استخدامي له Galaxy SM-G900F 4G مع ذكر بعض الامكانيات

1 خاصيه بصمة الاصبع قويه وسريعه

2 خاصيه ضد المياه والاتربة

3 بروسيسور قوي 2.5 + RAM 2GB

4 شاشة كبيرة و جودتها عالية 5.1 Full HD Super Amoled

5 قياس نبضات القلب

6 تطبيق الرياضه البدنية - تقدر تعرف انت مشيت اد ايه و كام كيلو و خسيت اد ايه

7 كاميرا 16 ميجا بكسل نقية جدا - زوم قوي - خاصية الفوكس للتشويش على الصور

8 تقدر تدي امر للتصوير عن طريق كلمات معينه مثل Shoot - Capture - Smile - Cheese
نفس الكلام فى الفيديو هتقول Record Video

9 تغيير شكل مشغل الموسيقى وجعل التحكم به افضل واسرع

10 اضافة مشغل الموسيقى على شاشه القفل و القدرة على تغيير الاغنية و التحكم بالصوت من
برا

11 اضافه سينسور قوي يسمح بمشاهده الرسائل والصور و اسم الاغاني بدون اللمس وفتح الملف

12 الموبايل يدعم برنامج S Note و يعمل عليه اي قلم يعني لو جربت قلم رصاص عالتاتش هتلاقيه
شغال زي الفل

13 اضافه برنامج للتحكم بالتليفزيون والريسيفر و كل انواع المشغلات وجعل الموبايل ريموت كنترول
تستطيع من خلاله تغيير القنوات و كل شئ

14 تقدر ترفع بيانات على جوجل درايف بمساحة 2 جيجا صالحة للاستخدام لمده سنتين

15 فتح 2 شاشه فى نفس الوقت شبه الى ف ال Note 3 لكن متطورة اكثر

16 خاصية Ultra Power Saver بتخلي الموبايل ابيض و اسود ودة بيخلى الشحن يعد وقت اكثر

17 خاصية Download Booster بتخليك تعمل داونلود لاي ملف عن طريق شبكة WiFi و LTE فقط
و لا يعمل على 3G

18 خاصية Private Mode و دي شبة برنامج Valut الى بيخليك تخفى صور وفيديوهات من الاستوديو

19 تصوير بانورامي 360 درجه

20 برنامج My Magazine الى بيبقى فى الشاشة الرئيسية للجهاز مزود بالاخبار و يمكنك اضافة اى تطبيق تحب مثل Facebook * Twitter * Google * Linkedin * Youtube و غيرها

21 خاصية Toolbox وهيا عبارة عن دايرة كدة بتدوس عليها تلاقى اختصارات انت حاططها وتقدر تدخل عليها بسهوله لانها بتبقى موجودة على شاشة الموبايل ويمكن تحريكها ف اى مكان فى الشاشة

22 امكانيه نقل التطبيقات الى SD Card بسهوله و امكانيه اضافه فولدر Android داخل الميموري الخارجي

23 امكانية مسح تطبيقات الجهاز مثل ChatOn Play Music و غيرها

24 بطارية قويه تقعد لحد يوم كامل للاستخدام المكالمات و الالعاب لكن النت و الاستخدام الثقيل من 6- 7 ساعات

25 شكل الجهاز فى اللون الابيض شيك جدا وافضل من باقى الالوان وانا شايفه مش زي ما الناس بتقول هيا فعلا سامسونج محتفظه بشكلها القديم لكن طورت فيه شوية

وطبعا فى امكانيات كتيرة زي النوت 3 و S4 و غيرها من الحركات والامكانيات

صوت الجهاز حلو وطبيعى بس لايقارن ب HTC ONE M8 نهائيا

سرعه الجهاز الى حد ما كويسه بس ال TouchWiz حاسه تقيل شويه بس اسرع من باقى الموبايلات ***** اتمني من سامسونج تغيير الثيم دة وتعمل ثيم يكون اخف عالجهاز

mohamedlox

2014-04-27 (08:22:46PM)

هل يوجد به راديو

DieselMan

2014-04-27 (10:50:43PM)

لا يوجد راديو لكن ممكن تنزل برنامج راديو و تشغله بالنت

mosalm

2014-04-29 (11:05:55AM)

اكيد ممكن يصور تحت المايه , بجد سامسونج هتفضل التوب

eltamimi

2014-04-29 (09:01:13PM)

مبارك عليك اس 5 اخى الكريم :) وتتهنى فيه ان شاء الله :)

حضرتك لما بتشغل اغنيه على جلاكسى اس 5 وبتعلى صوت الاغنيه على الاخر بتحسى الكفر الخلفى بيهتز جامد او متوسط ولا لاء ؟

DieselMan

2014-04-30 (08:26:19AM)

بصراحة مجربتش لسه اصور بيه انا سبته

DieselMan

2014-04-30 (06:57:31PM)

الله ييارك فيك يا تميمي بص هيا نغمات الجهاز بس الي صوتها كدة لكن اي اغنية Mp3 هتشتغل زي الفل و السماعات مش هتزن

eltamimi

2014-04-30 (07:46:53PM)

بارك الله فيك على ردك اخى الكريم :)

انا اقصد عند تشغيل اى اغنيه غير الموجوده فى موبايل باعلى صوت بيحدث اهتزاز قوى فى الكفر الخلفى نفسه

بيحدث معك هذا اخى الكريم ام لا ؟

DieselMan

2014-05-01 (06:18:21AM)

لا يا كيير مش بتحصل اهتزاز

eltamimi

2014-05-01 (02:05:12PM)

جزاك الله خيرا أخى الكريم :)

moriano

2014-09-09 (02:08:37AM)

السلام عليكم
أنا جهازي لسه جايبه مكملش أسبوع وهو 4G الجهاز جميل جدا وسريع والنت فيه روعة
بس موضوع سخونية الجهاز ديه مقلقاني قوي ومزعجة جدا بصراحة الجهاز بيوصل لدرجة ٣٥ ل ٣٩ وممكن ٤٠ كمان مع استخدام النت والجي بي إس فهل ده طبيعي؟!!! وإيه الحل في الموضوع ده؟!!!
ارجع الجهاز يعني ولا ده عادي؟
شكراً جزيلاً

DieselMan

2014-09-10 (09:00:01AM)

اشحنه بالشاحن الاصلي فقط .. و الجهاز درجه حرارته طبيعية جدا ومش بيسخن الا ف الالعاب الثقيلة

لو بيسخن منك جامد روح عالتوكيل شوف ايه الموضوع

DieselMan

2014-09-10 (09:00:02AM)

ahmedsaimr

2014-10-23 (01:36:12AM)

هو فعلا الاس 5 بشغل قلم رصاص ولا ده كلام وبشتغل كويس ولا بيهنج الجهاز مع القلم

DieselMan

2014-11-27 (03:06:06PM)

اه يا باشا القلم رصاص شغال زي الفل وانت ممكن تشتغل عليه بأي حاجة غير القلم و دة بعد تفعيل خاصية Touch Sensitive

لكن وانت قافل الخاصية مش هيشتغل غير ب ايدك

aymnmady

2014-12-07 (04:45:55PM)

اخوانى الاعزاء

انا اشتريت هاتف جلاكسى Galaxy S5 SM-G900F 4G
فيتنام التصنيع
المشكلة عندى بتتمثل فى ان الهاتف بيسخن جدا جدا فى الشحن

هل ده طبيعى فى هاتف Galaxy S5 ولا تليفونى انا بس
واذا كان العيب فى التليفون اعمل ايه

DieselMan

2014-12-11 (10:10:04AM)

اتأكد انك بتشحنه بالشاحن الاصلي ويفضل عند الشحن يكون الموب مرتاح يعني متعملش داونلود وانت بتشحن لان دة غلط .... انا عن نفسى بقفله ساعه بالظبط يكون الموبايل 100 % و دة افضل ليك

تلك الخدمة مخصصة للأعضاء فقط