هذا الموضوع مرتبط بـ Galaxy S4 mini I9190

استفسار

ahmedneem

2014-03-23 (11:40:12AM)

انا عايز اعرف الجهاز دة افضل و لا الاس 3 . انا الى يهمنى الكفاءة فى ال HD Games يكون مش بيقطع و لا يهنج فى الالعاب . و الى حيرنى كل شوية اشوف ان فى واحد كاتب ان الاس 3 افضل و بعدين الاقى واحد تانى كاتب ال s4 mini افضل و مش عارف اقتنع ب دة و لا دة خصوصا ان بروسيسور ال اس 3 افضل من بروسيسور s4 mini بس الرام بتاع ال S4 افضل . كل الى يهمنى اعلى كفاءة فى الالعاب . انا بس عايز جواب نهائى لانى حجيب الى فية النصيب انشاء اللة على يوم الخميس الى جاى . و اسف على الاطالة

sadixz

2014-03-27 (07:34:29AM)

ممكن تقولي يا youssefshabana

انتا كيف اعرفت انو نسخه 19500 هي اقوى في الكاميره والبروسيسور من نسخه 19505

youssefshabana

2014-03-26 (02:14:01PM)

النسخة اﻷفضل هي ال I9500 واﻷغلي هي النسخة I9505 عشان 4G ولو انتا في مصر مش هتستفيد بيها فاﻷفضل تجيب النسخة العالمية اللي هي I9500 اقوي في الكاميرا و البروسيسور والرامات

مبروك مقدما :)

ahmedneem

2014-03-26 (11:15:17AM)

اه معلش . انا لاحظت ان البروسيسور الى موجود فى النسخة ال 3g غير الى موجود فى النسخة ال 4g طب انهو نسخة احسن (فكك من حكاية ال 3g و ال 4g ) الى يهمنى انهو احسن فى البروسيسور يعنى و هل النسختين متوفرين عندنا فى مصر . و انهو بيكون اغلى . و متنساش تبقى تبعتلى اكونت حضرتك على الفيس .

ahmedneem

2014-03-26 (11:06:15AM)

استاذ يوسف و الله انا مش عارف اقولك ايه الف الف الف شكر . حضرتك كنت معايا من الاول و صبرت . فعلا انت برنس و الله :) و انا انشاء الله حجيب الاس 4 بأزن الله . بص بس ممكن تبعتلى الاكونت بتاعك على الفيس على الخاص ؟

youssefshabana

2014-03-26 (06:50:42AM)

فيه أغلي و أرخص علي حسب الضمان و المكان اللي انتا هتشتريه منه لو بالسعر ده بضمان يبقي معقول لكن في أرخص من كده الاس 4 وصل ل 3900 بضمان و 3700 ضمان دولي

دور هتلاقي أرخص من كده

ahmedneem

2014-03-26 (01:31:23AM)

طب معلش يا استاذ يوسف و الله انا عارف انى غلبتك معايا . الاس 4 تمنة كده فعلا و لا ارخص و لا اغلى ؟ . اصل مكتوب على موقع الشناوى انة علية عرض ب 4100 و لا هو اصلا سعرة نزل كده.؟

youssefshabana

2014-03-25 (10:11:07PM)

جميل جدا توكل علي الله ولو عاوز حاجة أحسن هات ال LG G2 أغلي منه حاجة بسيطة لكن جهاز رهيب بكل معني الكلمة

ahmedneem

2014-03-25 (05:44:16PM)

انا قررت انى حيب ال s4 انا شايفه عند الشناوى ب 4100 ف عموما اية رايكوا فية ؟ و لا فى حاجة احسن من كده بالتمن ده

youssefshabana

2014-03-25 (02:16:23PM)

شوف يا ريس مش معني ان البروسيسور رباعي النواة يبقي الجهاز قوي احنا بنقول انه أضعف من الاس 4 ميني و اﻷس 3 عشان المعمارية بتاعته قديمة ( Cortex-A7 ) اما معمارية الاس 3 و اﻷس 4 ميني أحدث من الجراند 2 وكمان اللي يخلي الاس 3 و اﻷس 4 ميني أفضل هي نوعية الشاشة عشان super amoled اما الجراند 2 tft ودي أسوأ وبتستهلك من البطارية أكتر لكن بردو الجراند 2 فيه مميزات زي شاشته أكبر وتصميمه زي تصميم النوت 3 ونازله تحديث ال 4.3 جاهز وهياخد الكيت كات قريب جدا
امسك التلاتة وشوف اللي يناسبك اكتر وهاته ومش هتندم
مبروك مقدما ايا كان اختيارك :)

ahmedneem

2014-03-25 (12:11:50PM)

طب بس لية ال s3 و ال s4 mini احسن من ال Grand 2 مع ان الرام بتاعتو 1.5 و البروسيسور quad core 1.2 اكيد مش حيفرق كتير عن بروسيسور ال s3 و كمان الجراند شاشتة اكبر . بس بردة بتقولو ان الاس 3 و ال s4 mini احسن منة !!

youssefshabana

2014-03-24 (02:08:59PM)

مانا قلتلك يا باشا جرب اﻷتنين واﻷفضل بالنسبالك هاتوا ومش هتندم في الحالتين

ahmedneem

2014-03-24 (10:35:55AM)

اهو هو دة الى محيرنى يا رجالة و الله . فى ناس تقول s4 mini و ناس تقول s3 . و كمان انا شوفت ال Grand 2 و بردة امكانياتة عجبتنى اوى و فى ال mega بردة و يعتبر كلهم فى نفس السعر . انا معايا 3000 جنية و عايز اجيب احسن حاجة ممكنة . لو واحد يفطمنى اعمل اية حبقى ممتن جدا و اللة . و الف شكر للباشا yousef و gedr و happier

happier

2014-03-24 (12:01:09AM)

بالعكس الاس4 ميني أحسن من الاس3 في الألعاب بسبب :

1- الرام الأعلى في الاس4 ميني 1.5 جيجا مقابل 1 جيجا بس

2-كرت الشاشه\ة في الاس 4 ميني أحدث وأقوى ويدعم تقنية opengl es 3 الحديثة بينما كرت الاس3 أقدم وأضعف ويدعم تقنية opengl es 2 الاقدم

أما بالنسبة لمعالج الاس4 ميني الثنائي فهو متطور وقوي وينافس معالج الاس3 الرباعي وبجدارة....

gedr007

2014-03-23 (10:53:02PM)

جواب نهائي لو هتشتري جهاز واحد S3

gedr007

2014-03-23 (10:48:01PM)

شوف يا باشا لو عاوز تليفون كفاءة من كل النواحي يبقى s4 mini ، لكن لو تهمك جدا نقطة الالعاب يبقى هتحتاج شاشة كبيرة مع جهاز كويس و في الحالة دي كفة ال s3 تكسب
الاختيار التالت لو مش محتاج للالعاب دايما و بحب تتسلى بس من وقت للتاني هات ال s4 mini و الالعاب ممكن تجيبلها تابلت رخيص يديلك متعة الالعاب من شاشة كبيرة و بطارية كبير و امكانية تركيب فلاشة و غيره ...و ماتربطش الموبايل بالالعاب و يبقى كل غرض مستقل بذاته

youssefshabana

2014-03-23 (07:15:27PM)

شوف يا باشا أولا شاشة اﻷس 3 أفضل عشان زي مانتا قلت البيكسل أعلي
الفيديو حاجة والطبيعة حاجة تانية عشان كده أنا بقولك جرب اﻷتنين قبل ماتشتري
أما بالنسبة للاستخدام العادي مش هتلاقي فرق كبير بين اﻷتنين لكن اﻷس 3 أفضل عشان شاشته أكبر فأستخدامه هيبقي أسهل خصوصا في اﻷلعاب والكيت كات هينزله ان شاء الله علي أخر الشهر

ahmedneem

2014-03-23 (01:01:08PM)

اولا شكرا لاهتمام حضرتك . ثانيا انا شفت شوية فيديوهات لل s3 و s4 mini لاحظت فى الفيديو ان درجة وضوح شاشة ال s4 mini اقوى مع ان المفروض ان ال اس 3 دة بيدعم خاصية ال HD و ال بيكسل بتاعة اعلى على عكس ال s4 mini طب دة ازاى بقى ؟؟ و اخر استفسار ال اس 3 عموما يعنى برة الالعاب فى الاستخدام العادى افضل من ال s4 mini و هل مؤكد حينزلة تحديث ؟ اسف على الاطالة للمرة التانية

youssefshabana

2014-03-23 (12:05:41PM)

شوف يا باشا عشان تعرف أنهي أفضل بالنسبالك لازم تجرب اﻷتنين

لكن لو عايز رأيي هات اﻷس 3 ومش هتندم

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S4 mini I9190

مقارنة

Android
4.3″

4.3 بوصة
3G

2G / 3G
8 MP, 32...
1900mAh

Li-Po 1900 mAh غير قابلة للازالة

مزيد من المعلومات

الموبايلات

استفسار

التسجيل بالموقع

دخول الاعضاء

معلومات سريعة عن Samsung Galaxy S4 mini I9190

Android

4.3″

3G

8 MP, 32...

1900mAh