بدون عنوان

للرجوع الي صفحة سامسونج Galaxy S4 mini I9190 الرئيسية اضغط هنا

farid0707

2014-02-02 (05:37:23PM)

يا جماعه الله يكرمكو حد كده من اللى اشترى الجهاز بضمان دولى يفهمنا الدنيا كده ويقولنا منين وبكام ويعنى ايه ضمان دولى ينوبو ثواب فيا

hardtime

2014-02-03 (05:42:13PM)

farid0707
بص ياباشا منعى ضمان دولى
ان الموبيل بيجى من برة بعيد عن التوكيل
وفى الغالب بيكون جاى من دول الخليج وبنسبة كبيرة بيكون متهرب
وعلشان كدة مش بيتحط علية اى جمارك او ضرايب وبتالى سعروا بيبقى اقل
اما هو زيوا زى ابو ضمان بالظبط مفيش اى فرق وانا عن نفسى بجيب موبيلاتى من برة مصر من غير ضمان .والضمان الدولى هو بردوا كانك جايب الفون من برة تمام كدة

botyyounis

2014-02-03 (11:06:37PM)

بس مبيكونش فيه عيوب ؟

zman2yahob

2014-02-04 (12:43:17AM)

اضافه بسيطه بس للآخ . وقت صعب .

موضوع متهرب ده غير سليم اطلاقا

الهاتف بيجي بضمان دولى يعنى بضمان بلده الى جه منها
والمستورد بيجيبو من البلد دى مابيدهوش لأمكان الضمان زى رايه واى تو وغيره
الاماكن دى بتاخد نسبه على الهاتف او اى جهاز عموما سواء لجأتلهم او لا مقابل نسب او تسهيلات لحاجات تانيه وحق اعلان او انتفاع وحركات كده مش موضوعنا

المهم . ان موضوع التهريب ده مش مظبوط
ولا حتى كان فى الهواتف الصيني الى بـ200 جنيه
لآنها كانت بتدخل على ورق لعب اطفال ودى الحقيقه اصلا فى الصين دى مجرد لعب وبيجمعها الاطفال بنفسهم

بالتوفيق .. هات عادى بدون ضمان

RUICOSTA

2014-02-04 (03:19:38AM)

اضافة لرد الأخوة الأفاضل
أحب أقولك ان الضمان الدولي لا يختلف إطلاقا فى حالة الجهاز ومواصفاته عن اللي بضمان محلى
كل الحكاية انك لو موبايلك بضمان دولي وحصل فيه اى مشكلة لا قدر الله هتدفع عليه تكلفة فى عملية الصيانة . أما لو موبايلك بضمان محلي فا هتوديه التوكيل وغالبا مش هتدفع أى فلوس وده حسب نوع المشكلة والشروط المطابقة لبطاقة الضمان اللي معاك .
الفكرة وما فيها .. ان في ناس بتقلق جدا وتخاف على الجهاز فا بتعمل حساب كبير جدا للضمان ومن غيره من بتشترى الجهاز . وفى ناس وانا واحد منهم مش قلقان من الجزئية دى طالما عارف انى هقدر أحافظ ع الجهاز على الأقل لمدة السنة اللي بيغطيها الضمان وأنا أولى بفرق السعر اللي غالبا بيكون 300 جنيه أو اكتر فى تمن الجهاز .
لو حابب تجيب الجهاز بضمان دولى انزل السراج مول مدينة نصر هتلاقيه موجود . انا اشتريته من هناك بضمان دولى بـ 2600 من حوالى شهر بالظبط !
أى استفسار انا تحت أمرك

تلك الخدمة مخصصة للأعضاء فقط