سؤال عن الضمان؟

للرجوع الي صفحة سامسونج Galaxy S4 I9500 الرئيسية اضغط هنا

moriano

2014-08-03 (03:02:44AM)

أنا كنت بفكر أجيب التليفون بدون ضمان فهل هتفرق اذا كنت هجيبه ضمان دولي ولا محلي من غير ضمان؟؟؟
السؤال الثاني: فيه ناس خوفتني من الجهاز اللي من غير ضمان علي أساس إنه كله بيكون مفتوح وبيبرشموه تاني وطبعاً بعد ما بيكونوا غيروا البطارية والسماعات إيه صحة الكلام ده وازاي أعرف وأضمن إن الحاجات ديه ما أتغيرتش؟؟؟

youssefshabana

2014-08-03 (08:08:41AM)

نصيحة لو بتفكر تجيبه هاته ضمان محلي او ضمان دولي بلاش اللي بدون ضمان

طبعا الاضمن الضمان المحلي لأن الضمان الدولي ملوش لازمة زي اللي من غير ضمان بالظبط بس ميزته انه ارخص حوالي 600 جنيه من اللي بضمان محلي

وبيبقي معاك 14 يوم من تاريخ الشراء تقدر ترجع الجهاز خلال المدة دي لو فيه مشاكل لقدر الله او عيوب صناعة لكن بعد كده متقدرش ترجع الجهاز

فشوف اللي يناسبك اكتر واعمله وان شاء الله مش هتندم :)

moriano

2014-08-03 (09:44:09AM)

شكرا علي الرد youssefshaban هو فيه من سوق دوت كوم بدون ضمان بس هم عاملين ضمان باسم سوق لمدة سنة وسعره ٣٣٠٠ فإيه رأيك؟
وبالنسبة للسؤال التاني هل فعلا الحاجات بتتغير؟

moriano

2014-08-03 (11:54:36AM)

youssefshabana

2014-08-03 (08:18:09PM)

تمام السعر ده كويس جدا بس خلي بالك من سوق دوت كوم انا اشتريت من عندهم تليفون قبل كده وطلعت العلبة فيها حاجة ناقصة فلازم وانتا بتجيب منهم تتاكد 100% ان العلبة متبرشمة

لكن السعر ده ممتاز جدا

بس انصحك طبعا بإنك تجيبه من محل اضمن هيبقي اغلي شوية بس هتكون مطمن وانتا بتشتريه وتقدر ترجعه بسهولة لو فيه حاجة لقدر الله

حاجات ايه اللي تتغير يا باشا مش فاهمك ؟
:)

youssefshabana

2014-08-03 (08:21:17PM)

اه يا باشا فهمتك :)

طالما العلبة متبرشمة والجهاز اصلي يبقي اطمن مفيش حاجة هتتشال او هتتبدل

وطالما انتا هتجيبه من محل معروف ومضمون يبقي متقلقش خالص من الحكاية دي

تلك الخدمة مخصصة للأعضاء فقط