ما سمعتوا عن الجهاز

s4 حهاز جامد محدش يقدر يقول لا بس انا فنظي هات جي 2 او z1 و هما دلوقتي بقو في نفس الفئه السعريه بس بروسيسر اعلي و كرت شاشه اعلي حتي لو مش ظاهر دلوقتي هيظهر بعد كده و ده رايي و انت حر

شوف ياباشا هو انا مش عارف انت جايب الكلام دة منين , عموما انا هقولك تقييمى للاس 4 9500 كمالك لية من 5 شهور تقريبا

الجهاز عندى درجة حرارتة العادية بدون استخدام نت او العاب يعنى اتصال فقط بتكون 26 درجة - 28 درجة على حسب الغرفة ( مع العلم انى مركب جراب جلد )

مع النت مافيس سخونية اصلا الحرارة عادية جداااااااااااااااااااااا

الالعاب العادية ولا الهواء درجة الحرارة هية هية , لكن مع الالعاب التقيلة او ال fhd بتوصل ل 35 درجة ودية اقصى حاجة وصلتلها , وجهازى جاى بنسخة 4.3 اصلية

دة بالنسبة للحرارة

بالنسبة بقى للتهنيج : انا هقولك حاجة واحدة انا منزل اتقل العاب موجودة فى السوق والجهاز الحمد لله عمرة ماهنج تهنيجة واحدة سواء فى الالعاب او من غير العاب , يعنى كل الكلام اللى انت سمعتة دة من ناس ولا اصلا تعرف حاجة عن التليفون

التليفون دة انا ماشوفتش اسرع منة فى كل حاجة , مقارنة بالنوت 3 والاس 5 اللى المفروض البروسيسر بتاعهم اعلى واقوى , لكن فعليا لا يوجد فرق ( انا معايا النوت 3 يوميا )

نيجى بقى لنقطة البطارية : كل اللى هقولك علية انا ماشوفتش تليفون فى حياتى فى قوة البطارية دية , انا بتكلم مش اقل من 7 ساعات على مدار يومين + العاب + نت خفيف ) والحمد لله بلاقى البطارية فى الاخر عاملة معايا يومين و17 ساعة , ولو قللت المكالمات بتوصل ل 3 ايام وكسر

واى استفسار احنا فى الخدمة , وادخل فوق على المواضيع المثبتة هتلاقى تقرير ليا بالسكرين شوت فى استخدام البطارية والرامات وقارن بنفسك

شوف يا باشا انا بتفق تماما مع الاستاذ abdo20112 في موبايلات تقرببا في نفس سعر الاس 4 وافضل منه زي ال lg g2 و sony xperia z1 دول افضل و اقوي من الاس 4 وبيشغلوا الالعاب بسلاسة وبدون مشاكل وبطاريتهم كويسة جدا

شكرا ياستاذ يوسف و عبدو و سمسم باشا بس انا مش عاوز اجيب حاجة بطاريتها مش بتتشال عشان انا بهلك الموب فعشان كدا البطارية مش هتقعد معايا سنة و كل ماقدم الجهاز صعب الاقيلوا صيانة و كدا تانى حاجة امال لية لما دخلت على Geekyranjit و كان بيشكر فى كل حاجة فى النسخة الاوكتا كور بس بيقول ان الموبايل بيبقى فى لاج و كمان بيحصل فى تأخير زى فى برامج الاتصال و الكونتاكت و الكاميرا و المالتى تاسك سهل يهنج الموب فعشان كدا عاوز اعرف و اسف على طول الكلام

يوسف باشا

انا مختلف معاك تماما , فى تقييمك فى المنافسة مابين الاجهزة دية

يعنى انا عشان اجيب الاس 4 , عملت مقارنة شديدة جدااااااااااا مابين الاجهزة لان سعر الجهاز مش قليل فلازم اجيب حاجة محترمة وافضل حاجة فى السوق فى الوقت دة

الاس 4 يتفوق على ال z1 فى الاتى :

1- قوة الوان الشاشة

2- الصوت

3- الكاميرا

4- بطارية بتتشال واقوى كمان

5- الحساسات والحركات الهوائية اكتر فى الاس 4

6- اخف بفرق 40 جرام , ارفع , افضل فى اليد بكتير عن السونى

وتفوق السونى على الاس 4

1- ضد المياة

2- خامات الجهاز

تفوق الاس 4 على ال lg تقريبا نفس نقاط التفوق على السونى بس بيزيد ان ال lg مافيش فية كارت ميمورى , وانة شاشة 5.2 , وكاميرا قريبة من جودة الاس 4 لكن لا يمكن ان تتفوق عليها

من الاخر الاس 4 حتى الان موبايل محترم جدااا وثابت نفسة , واقوى هاتف فى نظرى حتى الان واى فروق انت شايفها على الورق مش هتلاقيها على الواقع

وكل دية تجارب واقعية , لانى عملت مقارنة قوية جداا مابين الهواتف الموجودة واختارت الاس 4 بكل جدارة

- الاخ احمد

ياباشا انا التليفون معايا بقالة 5 شهور تقريبا والحمد لله مافيش اى حاجة من اى نوع تهنيج ولو لمرة واحدة حصلت , اكتر من كدة حاجة , الموبايل سلس جداااااااااااااااا لابعد حد , ماشاء الله علية , بيصور الصورة فى لحظتها يعنى مجرد مابتدوس بتلقط وبيستجيب بسرعة جدااااااااااااااااااااااااااااااا

مجرد مابتصل بيتصل ولما بقفل بيقفل مافيش لاج حتى 0.01

كل اوبشن الجهاز بيعمل بكفاءة متناهية , وانا بستخدم المالتى تاسك وعمرى محسيت ان فية لحظة تهنيج

شوف ياباشا انزل اتفرج على التليفون بنفسك , وجرب فية كل حاجة وقارن مابين التليفونات المنافسة لية و واللى تستريح لية ( الف مبروك )

خلى بالك الموبايلات ساعات بيكون فيها عيب سوفت عيب صناعة , فممكن واحد يديك تقييم بناء على جهاز معاة فية مشاكل وفى واحد تانى الجهاز ماشى زى الفل , فى الاول وفى الاخر بترجع للمستخدم هل هو عارف يشتغل على الجهاز ولا لأ

ونصيحة منى ماتسمعش لمواقع فى اى حاجة , اتفرج بس لكن ماتاخدش قرارك بناء على كلامهم

يعنى هقولك حاجة , مثلا فى كل المواقع الاس 4 جايب على برنامج antutu benchmark

27250 كأقصى رقم

واحنا اجهزتنا جايبة الحمد 29500 ومرة جاب 30075 , ومش جهازى لوحدى لأ فية كذا جهاز جاب الرقم دة يعنى سيبك من المقارنات دية خالص , وغالبا كلها قديمة من اول اصدار للجهاز اللى كان فية مشكلة فعلا فى البطارية والسخونية غير كدة مافيش , وخلاص المشكلة دية اتحلت من اول شهر 7

Ahmed0Shaheen

علي فكرة يا باشا البطارية ممكن تتغير عادي بس لازم تروح التوكيل لانهم هما بيعرفوا يفتحوا الجهاز ويغيروا البطارية فمتقلقش من الحكاية دي
وكمان يا باشا البطاريات اللي هي مش بتتشال بتستحمل اكتر من اللي هي بتتشال ومن الصعب انها تبوظ او تتنفخ وده عن تجربتي الشخصية

semsemSiR

شوف يا باشا عشان اﻷمور كلها تبقي واضحة

الاس 4 جهاز ممتاز وقوي وفيه مميزات كتير وكاميرته ممتازة و فيه كل حاجة مفيش كلام لكن متقنعنيش انه افضل جهاز موجود دلوقتي !!!!!!!
الجهاز ده فات علي نزوله اكتر من سنة وفي خلال السنة دي نزلت موبايلات كتيير جدا في السوق جميع الماركات سواء سامسونج او سوني او lg او ابل وغيرهم كتير

ونزلوا بمواصفات قوية جدا اقوي من اللي الاس 4 بكتيير يعني مثلا ازاي يبقي الاس 4 اقوي و افضل من ال Z2 او Z1 او ال G3 او ال G2 او ال M8 او ال الاس 5 او النوت 3 مع ان كل الموبايلات دي احدث من الاس 4 و واقوي في كل حاجة تقريبا !!!!!!

الاس 4 عمره ما هيفضل احسن تليفون هو اه فعلا كان احسن تليفون اول ما نزل وكان مكتسح كل المنافسين لكن بعد اكتر من سنة علي نزوله وتقول انه اقوي تليفون !!
طيب لو هو فعلا اقوي تليفون ليه ناس كتير بتبيعه وبتغير للنوت 3 او للزد 1 او ال g2 او غيره وبتقول انهم افضل منه

وكمان لو باقي الشركات زي سوني وغيرها شايفة انه افضل تليفون ليه ميعملوش جهاز ينافسه ويتفوق عليه مع انهم عملوا بالفعل لكن افتراضا يعني انهم شايفينه الافضل .

اللي قصدي اقوله من كل الكلام ده اننا مينفعش نقارن الاس 4 مع تليفونات زي الزد 1 و ال g2

لان دي تكنولوجيا ودي تكنولوجيا تانية احدث و اقوي

الاس 4 يتقارن مثلا مع الاكسبيريا زد او ال htc one m7 ويتفوق عليهم بجدارة مفيش كلام

يعني يتقارن بالاجهزة اللي بنفس امكانياته لكن مينفعش نجيب جهاز اقوي في البروسيسور و الرامات والكاميرا والسرعة ونقول بردو ان الاس 4 اقوي منه


وانا معايا الاس 4 والحمد لله مكفيني وزيادة كمان لكن انا مسكت بردو اجهزة كتير زي ال Z1 وغيره وشايفهم افضل من الاس 4 واقوي


وعموما يا باشا دي اراء وكل واحد مقتنع برأيه وانا احترم وجهة نظرك حتي لو انا مختلف معاها

كل سنة وانتم طيبين ورمضان كريم ^_^

Ahmed0Shaheen

علي فكرة يا باشا البطارية ممكن تتغير عادي بس لازم تروح التوكيل لانهم هما بيعرفوا يفتحوا الجهاز ويغيروا البطارية فمتقلقش من الحكاية دي
وكمان يا باشا البطاريات اللي هي مش بتتشال بتستحمل اكتر من اللي هي بتتشال ومن الصعب انها تبوظ او تتنفخ وده عن تجربتي الشخصية

semsemSiR

شوف يا باشا عشان اﻷمور كلها تبقي واضحة

الاس 4 جهاز ممتاز وقوي وفيه مميزات كتير وكاميرته ممتازة و فيه كل حاجة مفيش كلام لكن متقنعنيش انه افضل جهاز موجود دلوقتي !!!!!!!
الجهاز ده فات علي نزوله اكتر من سنة وفي خلال السنة دي نزلت موبايلات كتيير جدا في السوق جميع الماركات سواء سامسونج او سوني او lg او ابل وغيرهم كتير

ونزلوا بمواصفات قوية جدا اقوي من اللي الاس 4 بكتيير يعني مثلا ازاي يبقي الاس 4 اقوي و افضل من ال Z2 او Z1 او ال G3 او ال G2 او ال M8 او ال الاس 5 او النوت 3 مع ان كل الموبايلات دي احدث من الاس 4 و واقوي في كل حاجة تقريبا !!!!!!

الاس 4 عمره ما هيفضل احسن تليفون هو اه فعلا كان احسن تليفون اول ما نزل وكان مكتسح كل المنافسين لكن بعد اكتر من سنة علي نزوله وتقول انه اقوي تليفون !!
طيب لو هو فعلا اقوي تليفون ليه ناس كتير بتبيعه وبتغير للنوت 3 او للزد 1 او ال g2 او غيره وبتقول انهم افضل منه

وكمان لو باقي الشركات زي سوني وغيرها شايفة انه افضل تليفون ليه ميعملوش جهاز ينافسه ويتفوق عليه مع انهم عملوا بالفعل لكن افتراضا يعني انهم شايفينه الافضل .

اللي قصدي اقوله من كل الكلام ده اننا مينفعش نقارن الاس 4 مع تليفونات زي الزد 1 و ال g2

لان دي تكنولوجيا ودي تكنولوجيا تانية احدث و اقوي

الاس 4 يتقارن مثلا مع الاكسبيريا زد او ال htc one m7 ويتفوق عليهم بجدارة مفيش كلام

يعني يتقارن بالاجهزة اللي بنفس امكانياته لكن مينفعش نجيب جهاز اقوي في البروسيسور و الرامات والكاميرا والسرعة ونقول بردو ان الاس 4 اقوي منه


وانا معايا الاس 4 والحمد لله مكفيني وزيادة كمان لكن انا مسكت بردو اجهزة كتير زي ال Z1 وغيره وشايفهم افضل من الاس 4 واقوي


وعموما يا باشا دي اراء وكل واحد مقتنع برأيه وانا احترم وجهة نظرك حتي لو انا مختلف معاها

كل سنة وانتم طيبين ورمضان كريم ^_^

طيب شكرا طمنتونى بس ممكن طلب وحيد

ممكن تعملوا فيديو مدتو متزدش على 10 دقايق بأى موبايل تانى تجربوا العاب و كدا و نشوف سرعة فتح البرامج

يوسف باشا , اكيد طبعا كل واحد لية حرية التعبير عن رأية ووجهة نظرة

بس انا بردة هقولك حاجة وتجربة عملية

دلوقتى انت بتقول مثلا ان الاس 4 نازل من سنة وان اكيد فى تليفونات نزلت احدث منة واقوى , كلام سليم ومنطقى جدااا , طيب دة كلام الورق والتفاصيل اللى بتقولها الشركات

نيجى بقى للتجربة العملية , انا معايا الاس 4 والنوت 3 و وعملت اختبارات للاتنين عايز اشوف اية الفرق اللى موجود مابينهم فى السرعة وجدت الاتى :

بعد اختبار فتح قائمة الاتصال , الاتنين فتحوا مع بعض

اختبار الالعاب : النوت 3 فى العاب فتح قبل الاس 4 ب 0.3 ثانية , والعاب تانية تفوق فيها الاس 4

اختبار النت : الاتنين فتحوا مع بعض

طيب تمام اكيد بقى هيكون فية اختلاف فى اللعبة نفسها , والنتيجة ولا اى فرق واحد يذكر فى اى علبة غير حجم الشاشة

يبقى فين بقى الفرق فى المعالج 1.6 مقابل 1.9 جيجا ؟؟؟

ولو هنفرض ان فية تليفون بيفتح اسرع هيكون فرق قد اية ثانية , يعنى انا ادفع الف جنية فرق عشان ثانية فرق فى فتح اللعبة ؟؟؟؟؟

طيب المقارنة التانية : الشاشة

شاشة الاس 4 تتفوق على شاشة النوت 3 فى واقعية الالوان والاضاءة فى اللون الابيض , لكن الوان النوت 3 غامقة شوية

الصوت : الاس 4 اعلى بفرق بسيط

الاوبشن : اللى هنا هو اللى هنا مافيش اى اختلاف, بخلاف طبعا مميزات القلم اللى بتمتاز بيها فئة النوت عموما

الكاميرا : فرق واضح فى التصوير فى الاضاءة الضعيفة لصالح الاس 4 , لكن فى النهار الفرق بسيط جداا

البطارية : نفس الاستخدام على الجهازين والنوت 3 نزل اكتر بفرق 1% من الاس 4 فى الاختبار اللى حصل

يبقى انا بقى لما اجى اقارن الاس 4 بالنوت 3 هلاقى ان التطور اللى اداهولى النوت 3 على الاس 4 اية

1- حجم شاشة اكبر

2- مميزات قلم ممتازة , مش مهم لكل الناس , اعرف ناس معاهم النوت 3 وعمرهم مافكروا يستخدموا القلم اصلا

3- ال usb 3.0 , مش مهمة لكل الناس

4- ذاكرة داخلية اكبر , ودة لان المستورد مش بيجيب غير ال32 جيجا , مش بيجيب ال 16

هو دة اللى قدمهولى بفرق 1000 جنية

لكن تعالى بقى للى بيقدمة الاس 4

1- كاميرا افضل ( الناس كلها بتستخدم التصوير كشىء اساسى دلوقتى )

2- شاشة افضل ( شىء مهم فى اى تليفون )

3- وزن خفيف , وسهولة حملة , وكمان ماتزهقش منة , لكن اعرف ناس باعت النوت 3 بسبب حجمة اللى بيضايق جداا لو اتحط فى الجيب وانا واحد من الناس دية لان التليفون فعلا كبير وتقيل

طيب يبقى انت عايز اية تانى ؟؟؟ دية بقى وجهة نظرى اللى بقييم عليها الهواتف , والحمد لله عمرى ماطبقتها على حاجة وحسيت انى اتسرعت فى الاختيار

- موضوع بقى السونى Z1 شوف انا الجهاز دة ماشتريهوش بنص تمن الاس 4 و لان الجهاز دة شاشتة بهتانة جدااا والكاميرا بتاعتة 20.7 ميجا بس بالنسبالى الرقم دة غير موجود فى الصور على الواقع - صوتة واطى - مسكتة رخمة جدااا لان الجهاز مربع يعنى دة كفاية اصلا ان حجم الشاشة واحد فى الاتنين والسونى اكبر بكتير من الاس 4 - طبعا اوبشن الاس 4 يتفوق علية فى الحركات الهوائية والصراحة بتنفعنى جدااا فى اوقات كتير

ودة مايمنعش ان السونى جهاز ممتاز

من الاخر انا عايز اقولك ان الكلام على الورق غير الواقع تماما

طيب انا هقولك بردو تجربتي للنوت 3 والفروقات اللي انا شايفها بينه وبين الاس 4

اختبار الالعاب انا متفق معاك فيها النوت 3 فتح في العاب الاول و الاس 4 فتح الاول في العاب تانية ونفس الكلام ينطلق علي البرامج لكن دي مش مشكلة انهي الليي فتح الاول

الاهم أداء الجهاز في اللعب وانا قلت الكلام ده قبل كده ان النوت 3 يتفوق في ان اللعب بتشتغل بسلاسة اكتر من الاس 4 و التهنيج اقل من الاس 4 لكن بردو ميمنعش ان بيبقي فيه تهنيج بسيط في النوت 3

دي لﻷسف مشكلة في كل موبايلات السامسونج اللي انا جربتها لكن بتقل من جهاز ﻷخر يعني مع كل جهاز جديد بتنزله سامسونج المشكلة بتقل شوية لكن بتظل موجودة

وده اللي مضايقني جدا من سامسونج مع انها تقدر تعمل جهاز مفهوش المشاكل دي زي مثلا ال M8 والله مشوفتش في سرعته مثيل في أي جهاز موجود في السوق

وده اللي بيخليني افضله عن كل الاجهزة الموجودة حتي لو في مقابل ان الكاميرا متبقاش ممتازة او الشاشة متبقاش كبيرة الاهم يكون مفهوش تهنيج ولو بسيط


لان دي حاجة الصراحة تضايق اكون مشتري جهاز فوق ال 4000 جنيه والاقي فيه تهنيج ومشاكل ودي مش مشكلة في تليفوني دي في كل موبايلات الاس 4 اللي انا مسكتها الجهاز بيبقي شغال عادي جدا ومفهوش مشاكل ولما نضغط عليه شوية يهنج

والمشاكل دي ما متبنش من اول 5 شهور استخدام انا بردو كنت بقول زيك كده انه افضل جهاز موجود ومفيش زيه في السوق ومفهوش غلطة لكن انا بكلمك دلوقتي بعد استخدام الجهاز لمدة سنة كاملة

المشاكل بقي ابتدت تظهر ومهما بعمله format وتنزيل سوفت وغيره بردو ما بتحلش المشاكل دي

لكن الجهاز بيبقي شغال كويس جدا ومفهوش مشاكل في مثلا تصفح النت الخفيف والشات و كل العمليات الخفيفة اللي ما بتأثرش علي الجهاز

نرجع بقي للمقارنة اختبار فتح النت النوت 3 اسرع بفرق حوالي نصف ثانية

بس علي فكرة انا بقارن ما بين النوت 3 النسخة N9005 مع الاس 4 النسخة I9500 مليش دعوة ببروسيسور النسخة ال 3G في النوت 3 لاني اصلا مجربتش النسخة دي وانا مبحبش افتي في حاجة مجربتهاش انتا ادري اكتر مني في النسخة ال 3G اللي في النوت 3

وانا شايف الفرق بين الاس 4 والنوت 3 في البروسيسور مش كبير لكن لصالح النوت 3

نيجي للشاشة انا مش شايف اي فرق في الاتنين غير ان الاس 4 اضائته اقوي حاجة بسيطة من النوت 3 الالوان والواقعية شايقهم الاتنين واحد

الصوت معاك فيه

الاوبشن بردو معاك فيه الفرق في خصائص القلم بس

الكاميرا بردو معاك فيه

القلم ومميزاته مهمة جدا لبعض الناس ومش اوي لناس تانية

ال usb 3.0 مش فاهم قصدك مش مهمة ازاي الحقيقة !!!!!! الفرق في سرعة نقل الملفات وكمان سرعة الشحن افضل في النوت 3 وده بسبب ال usb 3.0

الذاكرة الداخلية دي اهم حاجة في النوت 3 وخلت ناس كتير جدا تفضله عن الاس 4 انتا عارف ان صافي الزاكرة في الاس 4 موصلش ل 9 جيجا ودي تعتبر قليلة لكتير من الناس من ضمهم انا لكن صافي زاكرة الاس 4 تقريبا علي ما اتزكر اكتر من 25 جيجا وده فرق شاسع بين الاتنين

وانا شايف الفروقات دي تستحق يكون فرق السعر 1000 جنيه كفاية الزاكرة الداخلية دي لوحدها كفيلة انها تخلي الفرق 1000 جنيه

نيجي بقي للاس 4

الكاميرا افضل لكن مش بفرق كبير

الشاشة الاتنين واحد مع تفوق الاس 4 في الاضائة

الحجم اخف والسمك

نيجي بقي للزد 1

شاشته مش شايفها بهتانة خالص هي طبعا مش زي الاس 4 لكن ده مش معناه انها سيئة ابدا

الكاميرا ممتازة الزد 1 تفوق في بعض الصور والاس 4 تفوق في الاخر

صوته مش ضتيف لكن يعتبر اضعف من الاس 4

الجهاز مش كبير اوي لكن يعتبر اكبر من الاس 4 بس ماسكته مش رخمة ولا حاجة يعني عمرها ما هتكون ارخم من النوت 3

الحركات والاختصارات مش شايف ليها اي لازمة بتهلك البطارية عالفاضي وشايفها حاجة ترفيهية اكتر ما هي عملية وانا ما بستخدمهاش نهائي


وانا شايف ان الزد 1 بيتفوق في الخامات الممتازة والسرعة اكيد طبعا وضد المياة لكن زاي ما قلت دي مش حاجة اساسية في الجهاز وكاميرته افضل في بعض الصور في البعض الاخر التفوق للاس 4 لكن كاميرته تعتبر ممتازة

وده في وجهة نظري انه افضل من الاس 4 واقوي منه

شوف هو احنا تقريبا متفقين فى نقط كتير جدااا , لكن النقطة اللى بختلف معاك فيها هية التهنيج

انا عمرى الجهاز الحمد لله مهنج معايا مرة , ولا حتى تقل فى الالعاب

يعنى انا مرة شغلت اغانى + لعبت اسفلت 8 + تصفحت نت وكل دة واللعبة مفتوحة وكمان جالى مكالمة فى وسط دة كلة وفى ثانية برد وفى ثانية يقفل وكلة بيرجع عادى جدااا

ودة فى حد ذاتة شىء ممتاز جدااااااااا انة يعمل كل الاوامر بسرعة متناهية

فى الالعاب , ماشاء الله علية سلس جدااااااااااااااااااااااااااااااااااااااااااااااااااااااااااااااااااا , لحد دلوقتى مامسكتش تليفون المفروض انة اعلى منة , ولقيت فرق واحد % واخرهم الاس 5

ال usb 3 لازم عشان تستفاد بيها يكون معاك جهاز بيدعم ال usb 3 وكمان وصلة ال usb 3

وانا مش شايف الصراحة فرق فى السرعة , انا اصلا مش بلحق انقل الملف على الاس 4 , يعنى والله كنت بنقل لعبة اسفلت 8 وهية مساحتها جيجا ونص , اتنقلت فى زمن لايزيد عن 20 ثانية , ودة طبعا رقم خيالى لسرعة الجهاز

وموضوع الذاكرة , مانت ممكن تحلها وتجيب اس4 32 جيجا , وزى مابردة فية برة نوت 3 16 جيجا بس التوكيل هنا مش بيجيبة عشان يرفع السعر براحتة لانة اقل من هنا بكتير فى السعر

فى النهاية انا شايف ان استخدام 5 شهور مش قليل ان الجهاز يقدر يوضح قدراتة ومدى اعتماديتة

اذا كان الادفانس قعد معايا سنة و5 شهور , وهو هو ماتغيرش حتى البطارية زيى ماهية نفس الاداء ونفس كل حاجة

طب حد يقدر يعملى فيديو