هذا الموضوع مرتبط بـ Galaxy S III mini I8190

اسئلة ونبي عشان يومين و هجيبه

HellMaker

2014-08-11 (03:39:37AM)

هل الموبايل بيهنج ولا لا يعني دة احسن ولا ace 3 في تشغيل الالعاب و التهنيج والسرعة

كمان انا لما اجيب الموبايل لازم اعمله تحديث للاندرويد ولا لا كمان ايه عيوب ومميزات التحديث والخلاصة احدثه ولا اخليني كدة

هل الموبايل لسة متوفر في السوق ولا لا

صافي الرامات اد ايه ممكن اعرف

الموبايل عامل ايه في تشغيل الالعاب وهل في تهنيج وايه اخباره في النت

هل اجيب الموبايل دة ولا اجيب النسخة الجديدة خصوصا ان النسخة الجديدة لسة منعرفش عيوبها

الموبايل بطاريته بتفضل اد ايه وهل الموبايل بيسخن ولا لا

semsemSiR

2014-08-14 (11:32:47AM)

ال Ace 3 بطاريتة متوسطة الاداء مافيش فرق بينها وبين الاس 3 مينى لو الاتنين فى الاستهلاك الخفيف

لكن مع التحميل بقى والنت والالعاب التفوق هيكون للاس 3 مينى

- صافى الرامات فى الايس 3 هية 880 ميجا , المستخدم منها بدون فتح برامج مابين 580-600 ميجا

- شاشة الايس 3 ممتازة مع انها tft بس فعلا شاشة رائعة جدااا والوانها ممتازة ومش هتحس نهائى بأى بهتان واضاءتها اقوى من الاس 3 مينى و لكن طبعا الاس 3 مينى هيتفوق فى درجة اللون نفسها

- التاتش مافيش اختلاف الاتنين تاتشهم روعة

- الصوت : الايس 3 اعلى سنة

- مع ان الاتنين شاشة 4 بوصة الا انك هتلاحظ ان شاشة الايس 3 اكبر سنة بسيطة

- الذاكرة الداخلية الصافية فى الايس 3 1.77 جيجا من اصل 4 جيجا ,. ودية ذاكرة قليلة جدااا للى عايز يستخدم الجهاز فى النت

- كارت الشاشة : فى الايس 3 هو برود كوم , ودة كارت شاشة يعتبر ضعيف نسبيا مقارنة بكارت شاشة محترم زى ال mali-400

- البروسيسر والسرعة تقريبا واحد لكن ال Ace 3 يتفوق بفارق ضئيل فى السرعة بسبب الجيلى بين 4.2.2

عموما النسخة من ال Ace 3 ال 4 جى موجودة فى مصر بسعر 1300 جنية طبعا بدون ضمان هتلاقيها فى وسط البلد ومتوافرة باللون النبيتى وممتاز على الايس 3 جدااا

من الاخر دة لية مميزات ودة لية مميزات والفروقات مابينهم قليلة

بس هقولك حاجة نصيحة منى هات الاس 3 مينى

A7medGamal

2014-08-13 (07:43:29PM)

وبرضه عايزك تتاكد ان كارت الشاشه mali 400 لاني شاكك ف الموضوع ده

A7medGamal

2014-08-13 (07:41:48PM)

اه طبعا mali 400 افضل
موضوع الرامات مش بيتحسب كده خالص
الاندرويد عامتا لازم موبيل مش اقل من 1 جيجا عشان يشتغل بدون تهنيج
وصافي الرامات ده بيفرق من جهاز للتاني
متلا الميني العادي الصافي 808 .. وآخره ف الرامات معايا 400 .. يعني كده فيه رامات فاضيه 408
وف اول تشغيل للموبيل بيكون 170 مستخدم .. يعني 638 رامات فاضيه

الايس3 ف اول تشغيل بيكون 250 وبيوصل ل500 او 600
يعني المتاح هيكون ف المتوسط 330

هيا دي الفكره ف موضوع الرامات .. المهم المتاح ليك ف الأخر هيكون كام

انا شايف انك تمسك الموبيلين وتجرب سرعه الاستجابه ف ال2 واختار الكويس فيهم

HellMaker

2014-08-13 (01:26:29PM)

طب mali 400 دة احسن من كارت الشاشة الي في ace 3 ؟؟

وكدة الرام بتاعت ال ace 3 اكبر

و البروسيسور بتاع ال mini ve اكبر

طب اختار الي راماته كويسة ولا الي احسن في البروسيسور وعايز اعرف انهي احسن في كرت الشاشة

A7medGamal

2014-08-13 (06:38:27AM)

مش عارف والله صافي الرامات كام
بس تقريبا زي الميني العادي 808
mali-400 ده كارت الشاشه .. وده كارت محترم موجود ف الاس2 والاس3

HellMaker

2014-08-13 (02:31:21AM)

انا قريت في موقع بيقول البروسيسور الجرافيك اسمة mali-400 هل دة يعني كرت الشاشة

HellMaker

2014-08-13 (02:25:02AM)

طبعا لازم هعمل تقرير عن كل حاجة عن الموبايل شكرا يا احمد بس متعرفش صافي الرامات اد ايه ؟

A7medGamal

2014-08-13 (02:02:46AM)

مبروك مقدما .. ان بصراحه دورت كتير عشان اعرف نوع كارت الشاشه بس للاسف مش عارف
عامتا هنستنى منك تقرير حلو عنه باذن الله

HellMaker

2014-08-13 (01:50:12AM)

انا انشاء اللله هجيب النسخة الجديدة هو اه اقل في الكرت الشاشة بس احسن من الايس 3

A7medGamal

2014-08-12 (11:09:02PM)

مانا قولتلك يا باشا .. ال2 نفس الحجم ف الشاشه : 4 انش
الفرق بس ف الاطار الخارجي الايس3 اكبر سنه بسيطه

HellMaker

2014-08-12 (09:59:55PM)

بص يا باشا انا عايز اعرف بس هو حجم شاشة التاتش ملناش دعوة بالموبايل كله لا انا اصدي هل شاشة التاتش نفسها هما الاتتين اد بعض ؟؟؟

HellMaker

2014-08-12 (09:54:50PM)

طب ينفع توريني صورة واضحة والموبايلين جمب بعض في مستوي واحد عشان لو فرق بسيط هجييب الاس ثري ميني لو فرق كبير هجيب الايس 3

A7medGamal

2014-08-12 (06:02:51PM)

ولا يهمك يا باشا .. تحت امرك ف اي وقت
التحديث اكيد هيفيد الموبيل
هوه آخر تحديث عامتا كان للكيرنال .. وده فرق ف السخونيه والبطاريه والصوت ; بقت افضل

ومتقلقش التحديث مش هيضر الموبيل خالص
انا مجربتش الموبيل كتير قبل التحديث لاني جبته وحدثته يومها
بس الناس هنا قالت انه فرق ف الحاجات اللي قولتلك عليها فوق

وفعلا حجم الايس3 اكبر شويه .. مع انهم نفس حجم الشاشه
والفرق مش كبير .. كل الفكره ان ابعاد الايس3 اكبر شويه
وكمان لان الميني واخد كيرف ف ال4 جوانب والايس3 تحس انه مايل للمربع شويه .. بس :)

واي طلب او سؤال تاني انا تحت امرك

HellMaker

2014-08-12 (04:19:56PM)

معلش اسئلة كتير بس انا مصدقت حد معاه الموبايل

HellMaker

2014-08-12 (04:17:49PM)

طب معلش يا استذ احمد عشان هجيبه بكره هو انا لازم اعمله تحديث طب ايه فايدة التحديث وايه عيوبه يعني لو معملتش تحديث عادي ؟؟ اصل انا خايف اعمله تحديث لان ممكن مايتوافقش التحديث عال موبايل وخايف يهنج مني بعد التحديث او يسخن فهل انت مجرب التحديث وايه الفروق الي لحظتها يعد التحديث

ثانيا ال sIII mini نفس حجم ال ايس 3 لان واحد صاحبي الي الاتنين 4 بوصة بس لو جيت حطيتم جمب بعض هتلاقي الايس اكبر ؟؟؟؟؟

A7medGamal

2014-08-12 (10:29:03AM)

اهلا بيك يا باشا ..
الاول هقولك المميزات اللي انا شايفها ف الايس3 :
النسخه اعلى 4.2.2 .. وطبعا ميزه انه 2 شريحه

بالنسبه للميني بيتفوق في :
1- نوع الشاشه افضل بكتير ; الميني Super AMOLED والايس TFT
2- صافي الذاكره ; الميني 4.5 جيجا والايس 1.5 جيجا تقريبا
3- نوع كارت الشاشه ; الميني Mali-400 والايس Broadcom VideoCore IV
4- البطاريه اقوى ف الميني .. وانا جربت ال2 عشان اتأكد .. يعني مش كلام مواقع او مقارنات
5- الميني فيه سينسورات زياده شويه

وحاجه اخيره .. الايس3 فيه منه نسخه ال4 حي .. بس طبعا مش بينزل مصر
ودي انا شايفها افضل من الميني في ماعدا نوع الشاشه
1- بتدعم NFC
2- ذاكره 8 جيجا (معرفش الصافي كام)
3- معالج Dual-core 1.2 GHz Krait بشريحه Qualcomm MSM8930 Snapdragon 400
4- كارت شاشه Adreno 305

BASuony

2014-08-12 (03:09:31AM)

استاذ احمد جمال ازاي افضل ن الايس 3 مع انه نفس الامكانات
فى الرامات و البروسيسور
دا حتى الصافي الرامات 880 للايس 3
يمكن ميزة الاس 3 ميني ان الزاكرة الداخلية اكبر 8 ج
ولا فيه حاجه تانيه
وفي الاول وفي الاخر انا بقول رايي ولو فيه حاجه تانيه ارجو حضرتك توضحهالي ....و شكرا

A7medGamal

2014-08-11 (11:31:49PM)

الموبيل ممتاز جداا .. والله العظيم حكايه التهنيج دي حصلت معايا مره واحده بس من ساعه ما جبته
وافضل طبعا من الايس3
ومتوفر عادي جدا ف السوق .. صافي الرامات 808
تشغيل الغاب بدون اي مشاكل او تهنيجه واحده .. والنت نفس النظام
البطاريه لو شغل فحت من نص يوم ليوم
شغل خفيف ممكن 4 ايام
السخونيه مقبوله خصوصا اننا ف الصيف
وطبعا لما تجيبه اعمل تحديث لو متوفر
والنسخه التانيه 8200 مجربتهاش بصراحه .. بس شوفها الاول لو فيه امكانيه نقل التطبيقات للميموري يبقي اشتريها .. ومبروك عليك مقدما

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S III mini I8190

مقارنة

Android
4.0″

4.0 بوصة
3G

2G / 3G
5 MP, 25...
1500mAh

Li-Po 1500 mAh, قابلة للازالة

مزيد من المعلومات

الموبايلات

اسئلة ونبي عشان يومين و هجيبه

التسجيل بالموقع

دخول الاعضاء

معلومات سريعة عن Samsung Galaxy S III mini I8190

Android

4.0″

3G

5 MP, 25...

1500mAh