هذا الموضوع مرتبط بـ Galaxy S III mini I8190

كيفيه المحافظة على البطارية

AshrafAshry

2014-03-17 (09:59:30PM)

السلام عليكم ورحمة الله وبركاته

موضوعنا إنهردة على البطارية و إزاى نقدر نحافظ عليها بالصور و الدليل شوية نصايح كده ع الماشى ^^

اول ما تشترى الموبايل بتخلص الشحن اللى فى البطارية خالص لغايه ما يبقى صفر وتبدأ تشحنه لغايه ما يشحن البطارية ب الكامل دي اول خطوة خالص

يفضل اما تيجي تشحن الموبايل تشحنه وهو 20 فى الميه فقط ويستحسن تشحنة وهو مغلق خالص

بالنسبة للبطارية لو الاضائه عاليه على الاخر و شغال قرأن مثلا او العاب و واى فاى ونت هتقعد معاك من 5 ل 7 ساعات حسب عمر البطارية

بالنسبة لو الاضائه متوسطة و شغال نت بردة و العاب هتبقى معاك من 12 ل 15 ساعه

بالنسبة لو الاضائه على اقل حاجه و شغال واى فاى و العاب و شات سواء فيس او واتس اب او فايبر هتعدي ال 24 ساعه و الصور جايه هتوضح البطارية بتاعتى إمبارح :) بالمناسبه انا إتعمدت إنى مش اقفل نهائى الواى فاى خصوصا إمبارح

يلا نتفرج ع الصور بقى وبعدين فى اخر الموضوع هقولك نصيحة أخيرة هتفرق معاكم فى البطارية ^^

دي صورة البطارية وهو 22 فى الميه و شغاله بقالها 23 ساعه ونص فيس بوك و بيس 2012 !!

ودي تكملة باقى الصورة عشان الناس اللى بتقول مش مشغل حاجه ودة برنامج الكاكو زي الفايبر بكلم اصحابى صوت

تمام النصيحة الاخيرة و الهامه ان شاء الله

الغى الفايبريشن !!

خلى اضائه الشاشه 10 ثوانى !!

إلاغلاق اضائه لوحة المفاتيح !!

تفعيل خاصيه ال power Saving توفير الطاقة

بلاش تسطب اى برامج للبطارية لانها بتقلل البطارية لان طبيعي بتفضل مفتوحة وبتاخد من الرام !!

البي بي ام متفوح فوق 24 ساعه ولولا البرنامج دة موجود كان هيبقى أداء البطارية أفضل من كدة :)

بالتوفيق للجميع سلام :)

mostafa5

2014-03-19 (04:06:09AM)

متشكر اوووى يا استاذ اشرف
وحاضر من عنيا بكرة ان شاء الله يكون عندك التقرير دة
ومتشكر مرة تانية

AshrafAshry

2014-03-19 (03:52:37AM)

mostafa5 < بالنسبة ل موضوع الشاشه اعتقد انها اكيد بتختلف نوع موبايل ل نوع تانى تمام ؟

بالنسبة للتقرير ان حضرتك تقول جبت الموبايل ب كام الالعاب اللى شغاليه عليه زي ايه وايه تمام ايه الالعاب اللى فيها لاج مثلا جربت اسفلت 8 وجربت درجة حرارة الموبايل وصلت كام جودة الكاميرا يعنى وهكذا ومبروك علي الموبايل وربنا يكفيك شرة :)

mostafa5

2014-03-19 (03:47:29AM)

المشكلة انى عامل كل دة وبرضو لسة
عامة مش مشكلة يا استاذ اشرف
المهم معلش تعبتك معايا وانا تحت امرك بس انا مش فاهم ازاى اعمل تقرير مفصل ف القسم الخاص بية عشان اصلا الموبايل لسة منزلش مصر فانا مش فاهم عامة حضرتك وضحلى النقطة دى وانا تحت امرك

AshrafAshry

2014-03-19 (03:34:13AM)

انا قولت لحضرتك فعل خاصيه ال Power Saving و اقفل اضائه الشاشه خليها 15 ثانيه و اقفل لوحه المفاتيح خالص اللى هى الزرار اللى ع اليمين و الشمال هتفرق معاك ان شاء الله تحياتى ليك يا مصطفى وياريت تعمل تقرير عن موبايل مفسر فى القسم الخاص بيه و ترسلى الرابط فى رساله خاصه

mostafa5

2014-03-19 (02:48:38AM)

البطارية تمام اوى يا استاذ اشرف الحمدلله الموبايل دة من ميزاتو البطارية
بس انا اللى قصدى علية
انى اما شوفت الصور بتاعت تليفون حضرتك ف استهلاك البطارية لقيت ان عند حضرتك الاضاءة واخدة 11% من استهلاك البطارية انما عندى انا استهلاك الضاءة للبطارية من 40% ل 60% انا عاوز اوصل النسبة دى زى عند حضرتك ازاى مش عارف مع انى موطى الاضاءة ع الاخر فحبيت استفسر منك لو عرفت تفيدنى اية السبب اللى بيخليها كدة عندى مع العلم ان البطارية ماشاء الله بتكسر اليوم معايا ف الاستخدام حلو اغانى والعاب ونت ويرليس وشات وكدة

AshrafAshry

2014-03-19 (02:11:10AM)

حاول تغير البطارية او استحمل ومعلش يا صحبى توهت شوية لاني بشارك فى صفحات كتير مش صفة وحدة و اقسام كتيرة و البطارية 2000 يعنى قوية مش وحشة جرب لمدة 3 ايام محاولة اخيرة تشحن البطارية وهى 20 فى الميه و الموبايل مغلق لمدة 3 ايام وشوف هل فى تحسن او اشترى بطارية جديدة و فضيها خالص وبعدين سيبها ع الشاحن و الفون مغلق 8 ساعات

mostafa5

2014-03-19 (01:39:38AM)

انا موبايلى مش ال جى يا استاذ اشرف انا موبايلى
موتوريلا موتو جى وادى اللينك بتاعو

الموبايل دة لسة مش نزل مصر اصلا

AshrafAshry

2014-03-18 (10:38:57PM)

حط صورة بروفايلك الموبايل عشان مش انساك :D

بص يا صحبى البطارية فى الال جي عموما مش قوية للدرجة حاول تقف التطبيقات المفتوحة عندك و اعمل كلير للرام و اشحن الموبايل وهو 20 فى الميه وهو مقفول وياترى الكيتكات جالك تحديث رسمى من ال جي نفسها لو كده يبقى اتطمن ولو مش ظبطت معاك اشترى بطارية جديدة بس من مكان موثوق فيه واما تجيبها خلص الشحن اللى فيها كله وبعدين سيبها على الشاحن 8 ساعات و الموبايل مغلق تحياتى ليك

mostafa5

2014-03-18 (09:09:34PM)

مش عارف لية استاذاشرف انتا كل مرة بتنسانى
انا قولتك ان موبايلى موتو جى بخطين
وانا ازاى اصور اابعتلك طيب

AshrafAshry

2014-03-18 (08:23:33PM)

mostafa5 < كيتكات ايه هو حضرتك نوع موبايلك ايه بالظبط :D

ولو حتى موبايل متاح عليه اندرويد كيتكات الرسمى الاصلى أعتقد ان البطارية و رام وبروسيسور هيبقى اقوى اكيد ع العموم رد على سؤالى وياريت تصور قائمة الضبط و ترفع الصورة فى كومنت

mostafa5

2014-03-18 (07:54:05PM)

واة يا استاذ اشرف ان النظام عندى كيت كات يمكن يكون دة السبب ؟؟؟؟؟

mostafa5

2014-03-18 (07:51:57PM)

مش لاقيها يا استاذ اشرف بس مش مشكلة
المشكلة ان بلاقى استهلاك الشاشة للبطارية بيوصل 60 %
وكل ما اشوف الوصرة اللى حضرتك نزلتها بتحطم نفسيا :D
ووالله الاضاءؤة واطية خالص وكل حاجة تمام
معرفش لية بتعمل كدة
هو اة البطارية بتقعد كتييير اوى معايا بس انا عاوز اشوف حكاية استهلاك الاضاءة دى يمكنن البطارية توصل ل 5 ايام بعدها

AshrafAshry

2014-03-18 (03:49:06PM)

accamr & mostafa5 < انا شغلى كله واى فاى ودة بيستهلك بطارية اقل من الباقة مثلا

الاضائه على اقل حاجه طلاما فى البيت فى النص اكيد لازم تخلص بسرعه درجة الحراره جاوبت السؤال فى التعليق اللى قبلك

إضائه لوحة المفاتيح خليكم معايا واحدة واحدة Apps
settings
display
touch key light duration
always off

بس كده

mostafa5

2014-03-18 (12:44:53PM)

مش بلاقى حاجة ف الضبط اسمها الغاء اضاءة لوحة المفاتيح
وكمان اما بدخل ع البطارية بلاقلى 54 % من استهلاك البطارية رايح ف الاضاءة مع انى موطيها ع الاخر

accamr

2014-03-18 (11:31:12AM)

السلام عليكم استاذ اشرف انا عندى البطارية برضو بتخلص علطول والفون لسة جديد بس انا بفتح فايبر وواتس اب وتويتر وفيس وكيك في وقت واحد ! وعامل باقة نت مش واى فاى مدة البطارية بحس انها بتطير لوحدها حتى وانا قافل نت ! شكرا ع المعلومات بس الفايبريشن ملغى وياريت تقولى منين اتاكد برضو واقل حاجة ف الاضائة 15 ثانية ! وازاى الغى اضائة لوحة المفاتيح ! وانا مفعل توفير الطاقة وبالنسبة للسطوع انا عاملة في نصة ممكن اقللة عادى واول ما جبتها سبتها تشحت مقفولة 8 ساعات وكانت على 16 % وبالنسبة لدرجة الحرارة اعرفها منين بالظبط ؟ !

AshrafAshry

2014-03-18 (04:31:41AM)

من الضبط تلغيها

تعرف درجة حراره من برنامج باترى Battery أفضل درجة معى لعب ونت 35 درجة

mostafa5

2014-03-18 (04:10:55AM)

لو سمحت يا استاذ اشرف
ازاى الغى اضائة لوحة المفاتيح
وازاى اعرف درجة حرارة الجهاز واية هى افضل درجة حرارة للجهاز

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S III mini I8190

مقارنة

Android
4.0″

4.0 بوصة
3G

2G / 3G
5 MP, 25...
1500mAh

Li-Po 1500 mAh, قابلة للازالة

مزيد من المعلومات

الموبايلات

كيفيه المحافظة على البطارية

التسجيل بالموقع

دخول الاعضاء

معلومات سريعة عن Samsung Galaxy S III mini I8190

Android

4.0″

3G

5 MP, 25...

1500mAh