هذا الموضوع مرتبط بـ Galaxy S III mini I8190

بدون عنوان

accamr

2014-03-12 (01:49:43AM)

السلام عليكم انا نزلت اشترى الفون دة لاانة عجبنى جدا الصراحة ورئيكم حببنى فية اكتر انا من بنها نزلت اشترى لقيت اسعار غريبة بس اغلبها بدون ضمان اسعار من 1550 لحد 1600 و 1800 ومن اول 1850 ب ضمان اسكاى ونوعين كمان انا سورى مش بفهم اوى بس انا مش مهم الفلوس عاوز حاجة مضمونة واغلبهم بيقولو الضمان مش مهم دى ورقة وبتتحط ف العلبة وخلاص والعلبة الصراحة مقفولة متبرشمة الى من غير ضمان وسئلت في موبيل شوب الى هو اضمن حاجة عاملة 2120 باين اعمل ايه انا احترت ؟؟

accamr

2014-03-14 (12:38:12AM)

تسلم يا غالى الف شكر الفون تمام وتسلم على ردك الدائم ولو في اى مشكلة هتابع مع حضرتك

A7medGamal

2014-03-13 (09:11:30AM)

اه لما الباقه تشتغل اي تطبيق ف الموبيل هيتحدث بعد ما المتجر وخدمات جوجل تتحدث
بس الاحسن تخلي التحديثات بالواي فاي ف اول مره عشان بيكون حجمها كبير وكتير

وعشان تعرف آخر تحديث للجهاز .. ادخل الضبط .. حول الجهاز .. تحديث البرنامج .. تحديث
لو فيه تحديث هيقولك

جرب الموبيل مكالمات وشوف الصوت ايه نظامه .. ابعت واستقبل بلوتوث .. شغل فيديوهات .. اعمل مكالمه فيديو .. نزل اي لعبه جرافيك عالي .. وهكذا

accamr

2014-03-13 (06:23:52AM)

الله يبارك فيك تسلم طيب بالنسبة للتطبيقات لما اعمل الباقة بتتحمل كلها والتحديث الاخير للجهاز مش عارف هو الى موجود ولا لا وانا اول ما اخدت الفون ضربت الكود وجالى قائمة الالوان وجربتها وكلة تمام عاوز اكتشف كل حاجة ف الجهاز برضو في الايام دى ابتدى ب اى وادوس فيها ؟

A7medGamal

2014-03-13 (06:08:42AM)

خلص الشحن لحد ما يقفل خالص .. بعد كده تشحنه وهوه مقفول لمده 8 ساعات
وتستخدمه عادي بعد كده .. وتشحنه لما يكون اقل من 20% .ز وتشحنه وهوه مفتوح عادي
وبلاش تستخدمه وهوه بيشحن خالص
ومبروك مره تانيه :)

accamr

2014-03-13 (06:01:42AM)

تسلم يارب ربنا يخليك انا جبتلة جراب وانا في نفس الوقت ب 50 ج ولزقة شاشة ب 20 ج بس ناقصة النت هعملة بكرة بقي وانزل كل حاجة علية بس اول حاجة عاوز اعرف نصائحك ليا الوقتى بالنسبة للشحن انا لسة مشحنتوش هو فية 25% واعمل ايه وكدة ؟

A7medGamal

2014-03-13 (03:17:48AM)

مبروك يا صاحبي .. ربنا يباركلك فيه
الناس اللي شغاله ف فودافون والله اغلبهم ولا بيهموا اي حاجه
حافظين مش فاهمين .. يلا معلش الحمد لله انه زبط
واي حاجه احنا معاك باذن الله
المهم تجيبله جراب كده حلو فليب .. وزبط الدنيا :)

accamr

2014-03-13 (01:27:14AM)

اولاا الف شكر استاذ احمد واستاذ اشرف على المعلومات الى بنتعلم منها الف شكر انا جبت الفون على 1850 ب ضمان union وفاتورة ضريبية لونة كحلى ودخلت الكود والحمد لله طلع اصلى وتمام وروحت اعمل باقة في فودافون ف الفرع عندنا عملى الباقة الى ب 25 ولغاها وهو اصلا مكنش فعل النت على الفون ولا شكلة بيفهم حاجة ورجع اشترك في باقة تانية ويقولى ايه كمان الفون برسترة ومش بيقري الخط خلى اعصابي باظت وروح غيرة وحاجات غريبة روحت وجالى ابن عمى معاة نفس الفون وظبطة وكلم خدمة العملة وفعلوة الحمد لله شغال تمام بس منة للله بتاع فرع فودافون عيل غبي طيرلى الرصيد وبوظ اعصابي هههههه وبكرة هعمل الباقة والف الف شكر ليكم واكيد هتعملم منكم كل حاجة فية

AshrafAshry

2014-03-13 (01:01:41AM)

اصبر اوقات تفعيل الباقه بعد 6 ساعات وكلمهم عشان يتم تعريف جهازك

accamr

2014-03-13 (12:28:16AM)

دلوقتى ياجماعة انا جبت الموبايل والراجل بتاع فودافون عملى الباقة ومبتشتغلش لما بفتح بيانات الهاتف وعلامة السهمين مبتظهرش ياريت حد يفيدنى

AshrafAshry

2014-03-12 (11:24:57AM)

لو انته مش فارق معاك الفلوس اشترى من موبايل شوب افضل و اشترى دماغك انا كنت شارية ب 2750 :D

A7medGamal

2014-03-12 (07:31:08AM)

الضمان فيه sky و union group و mti
ومجربتش ولا واحد فيهم :)
وبالنسبه للافضل فيهم .. كل واحد وليه رأيه .. بس ف الآخر اسمه ضمان
وطالما هتجيبه من محل محترم متقلقش .. وبرضه ده لينك ابقى جرب سيريال الموبيل عليه :

ده طبعا لما تجيبه وتروح .. او تكلم حد من صحابك يكون قاعد ع النت وتمليه الرقم
ولما تشتريه تحط الكود : #*0#* .. لو جابلك قايمه بيضاء جرب كل حاجه فيها
كاميرا ... سينسور .. التاتش ..صوت السماعه والمايك .. الالوان .. الفيبريشن
كل ده اللي موجود ف القايمه
واللزقه اللي ف النص دي مكتوب عليها انك متشتريش الموبيل لو اللزقه متشاله او مقطوعه .. يعني بيضمنك انه مش مفتوح قبل كده
ومبروك مقدما .. واي استفسار تاني تحت امرك

accamr

2014-03-12 (06:42:23AM)

تمام الف شكر انا لقيتة بضمان اسكاى وفي حاجتين كمان على 1850 بس مش عارف الضمان دة كويس ولا لا وهل الضمان انواع وعاوز اعرف هو اصلى ولا لا ازاى برضو وحضرتك هى علبتة متبرشمة بلزقة في النص كدة انا كنت نازل اجيبة وخوقت لما لقيت اخلاف الاسعار دة !

A7medGamal

2014-03-12 (06:21:35AM)

هوه عامتا سعره بدون ضمان من 1600 ل1700
وبالضمان من 1750 ل 2400 حسب المكان
وطبعا الضمان مهم .. لو مش فارق معاك خلاص هاته من غير ضمان
بس لاقدر الله لو حصل اي مشكله بعد فتره ساعتها الحل ايه؟
ممكن بتمن تصليحه كنت جبته بضمان وريحت بالك

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S III mini I8190

مقارنة

Android
4.0″

4.0 بوصة
3G

2G / 3G
5 MP, 25...
1500mAh

Li-Po 1500 mAh, قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy S III mini I8190

Android

4.0″

3G

5 MP, 25...

1500mAh