بدون عنوان

للرجوع الي صفحة سامسونج Galaxy S III mini I8190 الرئيسية اضغط هنا

nemo1

2013-12-16 (12:07:41AM)

انا عارفه ان اسألتي كتير بس معلش استحميلوني :D انا عايزه اشتري الفون دا بس مش معايا غير 1800 انا دا هيبقي اول موبايل تاتش اجيبه وهستخدمه استخدام عادي مكالمات ونت بسيط ومش عندي روتر في البيت يعني مفيش واي فاي والعاب علي الخفيف بس عايزه انزل عليه كتب PDF وقاموس علشان دراستي فانتوا رائيكوا ايه اجيب S DOUS S7562 ولا احاول اكمل علي الفلوس دي واجيب S3MINI واكملهم دي يعني يبقوا 2000 لان دا اخري :D

AshrafAshry

2013-12-16 (01:05:24AM)

كل المقارنات اللى فى البوست اللى فات وتسئلى سؤالك دة ع العموم الاس سرى ميني أفضل مليون مرة حضرتك من الدوس وممكن تشترية ب 1800 جنيه ب الضمان من اى تااجر ويكون مضمون و اطلبى منه فاتورة ضريبية ودي المقارنة تانى حضرتك

ودي مقارنه من ديكون بين الاس سرى ميني وبين الدوس

1. الأس ثرى مينى يمتاز فى نوع الشاشة عن الأس دوس فى المينى سوبر أموليد بينما الدوس TFT وهى مش وحشة ولا حاجة بس السوبر أموليد أحسن منها فى الألوان ودقتها وفى زوايا رؤيتها وفى توفيرها للطاقة ولها سطح مضاد للبقع وكدة عن ال TFT

2. الأس ثرى مينى ذاكرته الداخلية 8 جيجا بينما الدوس ذاكرته 4 جيجا بس ..

3. الأس ثرى مينى راماته 1 جيجا بينما الأس دوس راماته 768 ميجابايت .، وكل ما الرام بتقل فى الأندرويد كل لما التهنيج يزيد والعكس صحيح ..

4. الأس ثرى مينى الواى فاى فيه أحدث شبكته ثنائية التردد والحزمة يعنى بيلقط أشارة من على بعد ومش بيقطع نهائى على عكس الأس دوس .. لازم معاه ماتبعديش عن راوتر الواى فاى عشان الأشارة وكده
ده غير أن الأس ثرى مينى يمتاز بسرعة نقل بيانات الداتا الخاصة به أسرع من الأس دوس 14.4 ميجا للمينى و7.2 للدوس الضعف يعنى ..

5. أصدار البلوتوث فى الأس ثرى مينى أحدث من الأس دوس فى المينى V4 بينما فى الدوس V3

6. الكاميرا فى المينى أوضح وأجمل ولها خواص كتير عن كاميرا الأس دوس زى خاصية أفضل صورة وهكذا .، ده غير أنها بتصور فيديو بجودة أتش دى 720 بيكسل بخلاف الأس دوس طبعا وكل ده واضح فى المقارنات اللى فوق اللى بعتها لحضرتك ..

7. أهم نقطة طبعا .. وهى البروسيسور فى الأس ثرى مينى أعلى وأقوى طبعا 1 جيجا ثنائى النواة من معمارية أحدث من معمارية بروسيسور الأس دوس ال 1 جيجا أيضا ولكن أحادى النواة وهنا الأداء بيقل والسرعة أيضا بتقل وهكذا ..

8. كارت الشاشة ومعالج الرسوميات للأس ثرى مينى أعلى من اللى فى الأس دوس وهو نفسه المستخدم فأجهزة عملاقة مثال الأس ثرى الأوريجنال والنوت 2 وغيرهم ..

9. البطارية واحد فى الجهازين 1500 ميللى أمبير .، ولكن الأداء بيختلف فى أستنفاذ الطاقة وهو أقل فى الأس ثرى مينى عن الأس دوس لأن الدوس بخطين وبيسحب بطارية أكتر طبعا عشان الخطين ده غير كثرة التهنيج اللى موجودة فى الأس دوس بسبب قلة الرامات مع البروسيسور الضعيف والخطين .. أذن المحصلة ستكون تهنيج شديد جدا وهذا ما يعانى منه أصحاب الأس دوس حتى لو حضرتك دخلتى صفحة الأس دوس هاتشوفى ده بنفسك ..

ودي مقارنة بين الاس سرى ميني و الايس سرى

دي مقارنه بالمواصفات :

مقارنه الكاميرا :

مقارنه الفيديو :

manshy2

2013-12-16 (01:05:39AM)

نصيحة يعنى بلاش
S Dous
الـ S3 Mini هيقضى الغرض بتاعك بكفاءة

AshrafAshry

2013-12-16 (08:07:22AM)

manshy2 < نورت يا صحبى من جديد مش تحرمنا منك ويلكم باك يا صحبى

nemo1

2013-12-18 (12:30:33AM)

ميرسي جدا علي الرد يا استاذ مانشي ويا استاذ اشرف مش عارفه حسيت اني مضيقالك ليه يا استاذ اشرف :) سامحني لو ضايقتك بس والله بسأل كتير علشان انا متاجه الفلوس وخايفه اصرفها في حاجه امكانيتها اكتر من احتياجي مش اكتر وان شاءالله الاقي الموبايل بضمان محلي ب 2000 واجيبه :D لانه لو ب 2001 مش همسكه :) وشكرا تاني علي الرد

AshrafAshry

2013-12-18 (03:50:57AM)

nemo1 < متضايق من ايه ؟ انا اللى قولتة ان البوست اللى فات عملنا مقارنات كتير اوى ع العموم الدوس و اليانج مش وحش لو محتاجه الفلوس مش ترصفيها ع موبايل وطلاما شغلك بي دي اف فقط يبقى اشترى الدوس او اليونج و ال2 مش هيزيدو من 900 ل 1200 جنيه

تلك الخدمة مخصصة للأعضاء فقط