رأيكم ؟..

للرجوع الي صفحة سامسونج Galaxy S III I9300 الرئيسية اضغط هنا

drmaiatallah

2014-09-24 (04:40:55PM)

انا معايا S3 اشتغل فتره وكان كويس وكنت عامله hidden لشويه حاجات وبعدها للاسف ال الشاشه فصلت ؟ ممكن اعرف ايه رأيكم ف شراء شاشه جديده وايه سعرها الرنج يعني ؟ وانا عايزه احتفظ بيه فهل لما اركب الشاشه هلاقي الحاجات ال عملتلها hidden ? اكون مطمنه يعني .... وشكرااا

BlackCrow

2014-09-26 (03:41:42AM)

سعر شاشة ال S3 في التوكيل أغلى من المحلات إللي بره .. لو هتتغير .. هيتغير الشاشة كاملة , الشاشة الرئيسية مع شاشة اللمس الخارجية .. دي بتكون في رينج 1200 جنيه تقريبآ .. برضه يا فندم الأفضل إن حضرتكْ تتصلي بتوكيل سامسونج وقسم الصيانة هيقولوا لحضرتكْ الرقم بالظبط ,

لو الشاشة إتغيرت بس من غير اللعب في السوفت وير .. يبقى إطمني كافة البيانات إللي معمولها Hidden هتكون مخفية ومحتفظة بيها .. المشكلة لو عمل سوفت وير ده هيمسح كل شئ متخزن على الموبايل ,

عشان كده الأفضل ولو كل إسبوعين إنه الواحد يعمل Backup لكافة بيناته المُهمة عشان لو حصل حاجة نقدر نسترجعها بسهولة .

أي سؤال أو إستفسار إحنا في الخدمة .

drmaiatallah

2014-10-09 (09:21:04PM)

شكراا لردك .. انا بحاول اتصل بالتوكيل ف اسكندريه مش بيردوا , ف كل الاحوال هروح هناك افضل , بس عندي سؤال
انا سمعت ان الشاشات دي بتكون صيني وبعد فتره الشاشه بتلون !!! هي بتكون كده فعلا , ولا بتكون زي ال كانت ف الجهاز من الاول ؟؟؟

BlackCrow

2014-10-09 (10:28:44PM)

العفو يا فندم .. في محلات الصيانة الغير مُعتمدة فعلآ بتكون أغلب الشاشات صيني وبعد فترة من الإستخدام والتعرض للشمس الشاشة بتبهت .. حضرتكْ لما تروحي توكيل سامسونج قولي لفني الصيانة أنا عايزة شاشة أصلية زي إللي كانت متركبة في الجهاز من الأول .. وبعد ما يصلحها من حقكْ إنكْ تطلبي فاتورة التصليح موضح عليها القطعة التي تمت تغييرها و سعرها وتاريخ الإستلام ,

عنوان توكيل سامسونج في الإسكندرية ,

19 ش مصطفى كامل
سموحة, الاسكندرية
علامة مميزة: امام مستشفى الاسكندرية الدولى .

تلك الخدمة مخصصة للأعضاء فقط