بدون عنوان

للرجوع الي صفحة سامسونج Galaxy S III I9300 الرئيسية اضغط هنا

amrelfr3on

2013-05-09 (03:45:48PM)

السلام عليكم ورحمة الله وبركاته
انا شوفت اليوم الموبايل في محل اسمه بدر الدين في ميدان الدقي ب 3799 بضمان يونيون وبدون ضمان ب 3200 عايز اعرف ايه الفرق قبل ما اشتريه من صحاب الخبره انا دخلت المحل قالولي ده هو ده بس اللي بدون ضمان لو اخدته وخرجت بره باب المحل مش بتاعنا ابو ضمان لاقدر الله لو حصله حاجه توديه الضمان ايه رايكم في الكلام ده وانا شايف ان المحل ده اقل سعر ليه وشكرا لتعاونكم

zorro2

2013-05-09 (06:08:26PM)

لاء طبعا اللى من غير ضمان ليك حق استبداله فى خلال 14 يوم المهم يبقى معاك فاتوره من المحل مطبوع عليها اسم المحل وسيبه يقول اللى يقوله

amrelfr3on

2013-05-09 (11:48:43PM)

والله انا سالت وعرفت انه افضل محل في القاهرة من حيث السعر وروحت ولاقيته فعلا مبيعاته كويسة وسعره اقل من السوق بس اتصدمت لما البياع قالي اللي بدون ضمان ملهوش ضمان ولا ساعه لو خدته وخرجت من المحل مش بتاعنا ده اللي مخوفني فلو حد جربه بضمان دولي يقولنا تجربته وهل الموبايل ليه عيوب وله لا انا ليا اخويا ليه صديق بيسافر بره قالي بيجيبو موبايلات سامسونج مضروبة من تايلاند وبيبعوها علي انها اصلي بس بدر الدين ده محل كبير وثقه بس الكل قالي اسال علي الفون نفسه ليه عيوب وله لا ياريت حد يقولنا وشكرا ليكم كلكم

amrorshwan

2013-05-16 (04:34:15PM)

اولا هما صدقوك لما قالوا الاتنين واحد ابو ضمان هو هو زى اللى من غير ضمان لكن كذبوك لما بيقولوا لو خرجت برة المحل مش بتاعنا انت تفكك منهم وتروح للمحلات المحترمة فى وسط البلد شارع شريف اسعارها زى الفل واحسن من شارع عبد العزيز والعلبة مبرشمة وليك 14 يوم تجرب فيهم الموبايل ولو فيه حاجة ترجعه - وفكك من حكاية الضمان دى ووفر على نفسك 400 ج على الاقل - انا شارى موبايل s2 بدون ضمان والحمد لله شغال زى الفل

تلك الخدمة مخصصة للأعضاء فقط