Galaxy Note II N7100 بدون عنوان -93280

NVM5282

2014-10-19 (11:09:26PM)

انا شفت شويه كومنتات محترمه لناس محترمين و فعلا كلام عجبنى بس خلينى اعقب على كام نقطه:
1-كاميرا Xperia Z حقيره و أقل كمان من الحقيره و عن تجربه فعليه لكلا الموبايلين النوت 2 تضرب Xperia z باللى فى رجله
2-اللى ميعرفش حاجه عن بروسيسورات ال Krait يعرف بقا انها اصلا عباره عن بروسيسورات Cortex :) ال Krait 300 اللى فى S4 Plus معمول اصلا على Cortex a9 و دا اللى فى Xperia z و اللى فى نوت 2 ...
3- ادرينو320 طبعا أقوى من Mali 400 Mp4 و دى نقطه لصالح Z
4- الشاشتين فرق السما و الأرض . انا عن نفسى اشيل شاشه Amoled 480p ولا اشيل شاشه tft 1080P و دا رأىى الشخصى
5- اهم حاجه بقا هى ان سلسله Z بالكامل ( Z - Z1 -Z2 -Z compact - Z ultra) فيها مشكله ال self cracking . يعنى الشاشه الازاز اللى على الوش و الظهر بيتشرخ لوحده . ممكن سيادتك تبقا راجع من الشغل تعبان و تسيب الموبايل على طربيزه و تنام . تصحى تلاقى الشاشه مشروخه و دا اللى خلى سعر Z1 فى وقتنا الحالى مماثل لسعر S4 على الرغم من ان اداء Z1 اقوى بمراحل

تحياتى للجميع

Abdallahtemo

2013-02-14 (12:17:11AM)

لا لا انا مقلتش كده لانى فهمت رد حضرتك غلط ردك على راسى وحضرتك على راسى
انا بس حبيت اوضح لحضرتك انى مش من المتعصبين لشركة بعينها لانى ف الاخر يوزر يهمنى الخدمة اللى بتقدمهالى الشركة
بالنسبة لمسألة المنتجات اللى بتنزل
طيب ماهو الـ TX - V نزلوا امتى برة ونزلوا ف مصر امتى واظن ده عيب اكبر من الضمان اللى سونى مختاراه ف مـصر
سامسونج لما حبت يبقى ليها ضمان جابت راية وشركات تانية بس طبعا اختارت شركات ليها ريادة
بالنسبـة لسونى انا اعشق سونى وزى ماقلت لحضرتك كان اختيارى للساعات الاخيرة
بس بعد لف وبحث
السامسونج " اتحدث عن نوت 2 "
لو هاقول ان فيه ميزات هناك وهنا والاتنين ع الاقل متعادلين
برضه التحديثات تقلقنى
محدش هايشترى موبايل بـ 5000 جنيه واكتر
وهو مش عارف الشركة هاتعمله تحديثات قد ايه
انا ببص دلوقتى بلاقى موبايلات قديمة لسامسونج هاينزلها جيلى بين !
لازم احترمهم ع الدعم وعدم اهمال اجهزتهم
سونى بتنزل فئات كتير ف وقت صغير
ورغم انها لسه منفصلة عن اريكسون ونزلت موديلات كتير
! 90 % من موديلات السنة اللى فاتت مش هاينزلها تحديث جيلى بين!!!!!
دى كارثة !
انها تجبر اليوزرز انهم يشتروا موبايل جديد فده عدم احترام ف وجهة نظري
اكسبيريا زد جيد بس انا ولو كان قدامى مكنتش هاستريح انى اشتريه رغم انى معجب بيه جدا !
وطبعا هو افضل حاجة زى ماقال الاستاذ الرومانسى
بس ليه مشفتش سامسونج كاتبة ف السايت بتاعها ع نوت 2 او اس ثري
افضل ما انتجت سامسونج؟
ببساطة لانى شايف ده زى شغل اعلانات الشامبو والسمنة
لما يجبلك مقارنة يقللك المنتج بتاعنا دلوقتى حلو
وزمان كان وحش !
فا اظن ان فيه عبارات تسويقية تفيد الجديد ومتضرش بالقديم
" مش عارف صراحة ازاى يضربوا بموبايلهم بقيت موبايلاتهم "
ف نقطة التسويق بتكلم شوية بقلب لانى تجارة ادارة اعمال
فمستغرب ان عملاقة زى سونى تعمل حركة زى دى يعنى
ف الاخر احنا يوزرز ياجماعة
وانا شايف تقارب كبير بين الاتنين ولكن صراحة مسالة الشاشة متهيالى كان فيه تقنيات احسن تستخدمها سونى ف الشاشة
حجم النوت جميل جدا !
رغم ان الناس بتقول كبير بس سهل ! بسيط ! خفيف ! نحيف ! ورائع
واخيرا بشدد على نقطة
لو موبايل فيه مزايا العالم وهايتحدث تحديث ولا اتنين ومتأخر
" مش هاجيبه ابداااا "
لانهم بيقتلوا الموبايل من الاخر لما ينزل احسن منه
واكيد طبعا هاينزلوا احسن منه :)

alromancy

2013-02-13 (10:15:58PM)

استاذ / عبد الله

انا عارف كويس ان سونى لما قالت كده على الموبايل فده علشان التسويق

لكن الشركة لا يمكن تقول كده الا اذا كان الموبايل هو الافضل فى الامكانيات بالفعل

مثلا الشركة ماينفعش تقول كده عن موبايب زى صولا او جيه او جو

لازم يكون الكلام بيعبر عن حقيقة

ولو قالت ابل نفس الكلام عن اى فون 5

فهى فعلا بتقول كلام صادق لان الموبايل

يعتبر امكاناته افضل من اى امكانات موبايل فى سلسلة اى فون حتى الان

اتمنى تكون الصورة وضحت.

ahmedaliyossef2010

2013-02-13 (10:02:00PM)

بص يا أستاذ عبد الله أنا مقولتش ان حضرتك متعصب و بتأسف لو كنت حضرتك فهمت كدة من كلامى

أنا بس كنت بعلق على بعض النقاط زى البروسيسور مثلا و الكاميرا

xloud أنا مشوفتهوش فى الموبايل ده عامل ازاى لكن أنا شوفته فى موبايل تانى كان جامد جدا

و ده كمان فيه اضافات كتير زى ClearAudio+ و Surround sound mode و xLOUD و على فكرة هو بيعلى الصوت بس مش أكتر عموما لما ينزل هنعرف اذا كان كويس ولا لأ

بالنسبة للتحديثات ففدى عندك حق بس أعتقد هيتحسن فى xperia z بس حضرتك خلى بالك من حاجة ان دعم سونى للشرق الأوسط أعتقد أفضل لو حضرتك تفتكر ان xperia s نزل مصر فى نفس وقت نزوله فى أوروبا فدى ميزة برضه

و أنا مع حضرتك فى انه شغل تسويق هو فيهشركة هتقول عن منتجها الرئيسى وحش

Abdallahtemo

2013-02-13 (07:59:03PM)

شوف يا استاذ احمد انا مش متعصب لاى شركة بالعكس اناىللحظة الاخيرة كنت ههشترى سونى بتلنسبة للاكس لاود صدقنى ودى شوفتها وجربتها وشفت كذا حد كتب تعنها خاصية ولا ليها اى لازمة بالعكس بتكرهك ف الميوزيك ده عن تجربة يشفع دايما للسونى خاماته وبرضه حضرتك مقلتليش رايك ف تحديثات سونى بطئها وقلتها ودى مشكلة ضخمة ف كل هواتف سونى اكسبيريا زد تحفة فنية بس جرب كاميرا نوت 2 باليل انا ملقتش اى عيب فيها لحد دلوقتى بس هى دى كل ملاخظاتى وفعلا زى ماقلت ابل لما بتنزل الايفون بتقول احلى ايفون شغل تسويق ليس الا

ahmedaliyossef2010

2013-02-13 (04:10:06PM)

يا أستاذ عبد الله كاميرا xperia z أحسن بكتير من النوت 2 هى فعلا الدقة بتاعتها 13 ميجا بس بحساس تصوير مختلف و جديد اسمه exmor rs بيقدر يصور فيديو و صور بتقنية hdr و صورته أحسن كتير و طورته بتبقى انقى و أحسن فى التصوير بالليل

شوف كدة المقارنة بينه و بين كام موبايل منهم النوت 2 هتلاقى ان النوت 2 أصلا أقل واحد فيهم

ده غير انه سريع جدا فى التصوير يقدر يصور 999 صورة فى 68 ثانية أنا مش بتكلم على الرقم أنا بتكلم على السرعة

البروسيسور زى بعضه و كمان تميل للنوت 2 ده صعية أوى دى

لأن xperia z فيه معالج من النوع krait دى معمارية أحدث بتخلى البروسيسور أسرع بكتير لكن الموجودة فى النوت 2 معمارية قديمة " A9 "

مسألة التراب و المياة دى ممكن يبقى عند حضرتك حق بس هو لسة منزلش فيها يس هو لسة منزلش هو صوته نقى و خلى بالك ان فيه تقنية Xloud هتخلى صوته يعلى

و هو فعلا أفضل ما انتجت سونى لأنه flagship بتاع الشركة و لما ان شاء الله ييجى بعده هيبقى أفضل ما قدمته زى مثلا أبل مهوم على طول بيقولو انه أحسن أيفون منذ أول أيفون طب ما هو أكيد :D

Abdallahtemo

2013-02-13 (01:20:49PM)

ملحوظة للاستاذ الرومانسى :
سونى اكسبيريا اس كان مكتوب ف الموقع افضل ما انتجت سونى برضه
تسويق ياباشا مش اكتـر

Abdallahtemo

2013-02-13 (01:19:24PM)

استاذ يوسف بعض الملاحظات :
الـ 13 ميجا بكسل هى هى اللى هاتبقى فـ TX واحب اقللك ان الـ 8 بتاعة نوت 2 احسن منها
فالمسألة مش بكسلز
بالنسبة للبروسيسور اه زى بعض بس الافضلية شوية تميل لنوت 2
كمان مسألة المية والتراب طبعا كويسة بس دى بتقلل من صوت الجهاز " لو بنيت رايي ع الاكرو اس "
والمسألة اللى شايفها اهم حاجة
عيب سونى الضخـم فى التحديث ...
يعنى سامسونج بتحدث بسرعة وكتير اجهزة قديمة وجديدة
سونى مع الاسف اللى بعدنى عنها حكاية التحديث
رغم انها شركة عملاقة ولكن لحد دلوقتى مش عارفة تعالج مشكلة زى دى
عموما عن تجربة ارشح نوت 2 وبقوة

ahmedaliyossef2010

2013-02-13 (11:22:22AM)

alromancy

2013-02-13 (07:52:00AM)

استاذى العزيز yossefshabana

انا ماقصدش خالص ان حضرتك جايب الكلام ده من عندك

واااسف جدا لو حضرتك فهمت كده

لكن انا كنت بقول انى مش عارف مصدره ايه

واتمنى ان حضرتك تحطلى لنك موقع سونى اللى كاتب الكلام ده

علشان نستفيد من حضرتك وشكرا............

youssefshabana

2013-02-12 (04:48:45PM)

يا استاذ alromancy احنا مش بنألف كلام من عندنا انتا لو سألت اي حد هيقولك انه ضد التراب والكسر وموقع سوني كاتب كدة وكل المواقع كاتبة كدة.

مع احترامي...............،

alromancy

2013-02-12 (12:06:37AM)

xperia z

slim اكتر واشيك

وافضل فى ريزولوشن الشاشة (بيكسل بير انش) 441 ppi وده لاول مرة فى شاشة هاتف

اسرع

مقاوم للماء

معرفش جبتو موضوع التراب والكسر ده منين؟!!!!

لكن بما انه سونى فأكيد خاماته افضل

كاميرا افضل 13.1 MP

فيه TV - OUT

الموبايل هايل جدا لدرجة ان سونى بتقول عليه

(افضل ما لدينا فى هاتف ذكى)

عيوبه قليلة ,,, الشاشة TFT , والبطاريه مابتتشالش , وضهره ناعم وبيبصم

اكيد احسن من النوت 2 فى رأيى

ونزل فى كل دول الخليج

ولما ينزل مصر هيكون اغلى كالعادة دا اذا نزل اصلا.....

ahmedaliyossef2010

2013-02-11 (03:10:03PM)

لا يا أستاذ يوسف مع احترامى لحضرتك ف موضوع البروسيسور ده xperia z أقوى بكتير لأن معماريته جديدة من النوع krait لكن النوت 2 من النوع a9 اللى تعتبر قديمة حاليا بالنسبة لkrait و بكدة يبقى xperia أقوى بكتير من note 2 فى البروسيسور

الشاشة فى السونى أفضل لأنها 1080full hd فى مقابل hd720 فى النوت

البطارية فى النوت 2 أقوى بس فى خاصية جديدة فى xperia z اسمها battery stamina mode بتخليه " حسب كلام الشركة " يقعد 70% فترة أطول بس لسة منفدرش نحكم على البطارية قبل أما ينزل

و بيصور بتقنية hdr فى الفيديو كمان مش فى الصور بس

و الكاميرا الأمامية بتصور full hd 1080 لكن فى النوت 2 بتصور hd 720

و طبعا زى ما حضرتك قولت xperia z ضد التراب و المياة و الكسر و الخدش

youssefshabana

2013-02-10 (10:55:16PM)

هعملك مقارنة سريعة ما بينهم النوت 2 شاشته اكبر 5.5مقابل 5 للسوني السوني انحف من النوت 2 7.9mm مقابل 9.4mm للنوت2

السوني وزنه اخف من النوت 2 والكاميرا في السوني اقوي 13.1 mp مقابل 8mp للنوت2 النوت 2 البروسيسور بتاعه تقريبا زي السوني

البطارية في النوت2 اقوي من السوني الاتنين متقاربين في المواصفات بس في رأيي ان الاكسبيريا z احسن من السوني علشان اقوي منه لانه

ضد التراب والمياة والكسر والخدش فاعتقد انه هيبقي عملي اكتر ويستحمل عن النوت 2 :-)

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy Note II N7100

Android

5.5″

3G

8 MP, 32...

3100mAh