بدون عنوان

للرجوع الي صفحة سامسونج Galaxy Note II N7100 الرئيسية اضغط هنا

Mahmoud Samir

2013-10-20 (05:56:03AM)

تم شراء النوت تو بعد الاس3 وفعلا الفرق يستاهل جدا

simooo

2013-10-20 (09:03:42AM)

لا لو انت اشتريت النوت 2 لا يبقى كده هستقر عليه لان انا كنت محتاره بينه و بين ال s4 اصل انت ارائك بتعجبنى و بحس انك خبره فى مجال الموبيلات ده
بس قولى اجيب النسجه الفور جى ولا الثرى جى ولا مش فارقه انا هبعت اجيبه من السعوديه

Mahmoud Samir

2013-10-20 (09:07:25AM)

طالما هاتجيبة من برا يبقي هات الفور جي
وبالنسبه للنوت ولا الاس فور كان قدامي الاتنين انهاردة والله بس اختارت النوت تو لان سلسله النوت مالهاش حل بصراحة

simooo

2013-10-20 (09:27:15AM)

هى النسخه الفور جى اسمها N7105؟

rozena

2013-10-20 (05:48:18PM)

الف مبروك ربنا يباركلك فيه يارب

AliAfify

2013-10-20 (06:37:38PM)

ألف مبروك يا باشا .. ربنا يفرحك بيه يا رب :)

Mahmoud Samir

2013-10-20 (06:41:02PM)

Rozina وعلي بيه الله يبارك فيكوا يارب تسلموا

Mahmoud Samir

2013-10-20 (06:41:35PM)

نش فلكر الرقم بتاع الفور جي بالظبط ياصاحبي والله

rozena

2013-10-20 (07:45:17PM)

ممكن تنزل لى تقرير عن النوت 2 لان نفسى اجيب تليفون من سلسله النوت ويكون طبعا حديث بس النوت 3 غالى جدا فقلت النوت 2 احسن

Egy4Ever

2013-10-21 (12:09:29AM)

مبروك عليك ياحج

كنت عايز بس اعرف جبته منين وبكام وانه نسخه لانى هجيب واحد بأمر الله الاسبوع دة

medo84

2013-10-21 (12:28:17AM)

ياعم حرام عليك انا ما صدقت اقنعت نفسى ان اس 3 زى النوت. تيجى انتا تقول فرق رهيب بينه وبين النوت
وانا كنت اصلا هاتجنن على النوت بس حجمه كان هوا المشكلة دا غير فرق السعر
وبعد ما خلاص استقريت على اس 3 تيجى تبيعه.... ماشى يا حودة ..عايزين تقرير جامد بقى زى تقرير اس 3 والفرق بينهم فى كل حاجة بما انك استخدمت الاثنين.. علشان كده شكلى هأجل تانى هههههههههههههه
الف مبرووووووووووووووك وربنا يباركلك فيه وعقبال النوت 3

Mahmoud Samir

2013-10-21 (12:28:42AM)

Mahmoud Samir

2013-10-21 (12:31:41AM)

ههههههه لو مشيت ورايا هاتتجنن انا الاسبوعين دول مغير خمس موبايلات اقسم بالله
بالنسبه للنوت 3 مش هاجيبة لان مسكتة انهاردة موبايل روعه وكل حاجة بس الفرق مش كبير هاستني لحد ماتنزل حاجة رامات اربعه جيجا ع لو نزل نظام يدعم 64 بت يبقي ضامن ان يشغله
التقرير باذن الله هانزلة بس افوق شوية عشان بخلص ورق التخرج وكدا ف مسحول

Egy4Ever

2013-10-21 (02:24:56AM)

الله يبارك فيك ياصاحبي جبت النسخه الثري جي
جبته من هنا ف المنطقه وبالصدفه كنت قاعد ف محل واحد صاحبي لقيته بيطلع نوت تو وبيغلفها وهايبيعها قولتله استني بصيت عليها لقتها فبريكة وبالكرتونه وكل حاجة ومعاها 3 جرابات واحد cover دا عامل 60 وانت طالع وجراب الفليب وواحد ال هوا اجنده وفيه حافظة روحت واخدها واديته الاس3 ودفعت حوالى

يعنى جايبه كسر زيرو , تمام ياحج وربنا يباركلك فيه

اصل انا هنزل انا وصاحبى عايز يجيبه خلال الاسبوع دة ان شاء الله لو لاقينا الفرق بين اللى بضمان واللى من غير كبير هنجيبه من غير , المشكله لسه ماقررناش نجيبه منين :D

هو صحيح كدة حسبلك الـ s3 على كام :D

Mahmoud Samir

2013-10-21 (02:29:23AM)

الاس 3 بعته موبايل لوحده من غير اي حاجة من غير شاحن حتي حسبهولى 2100

Egy4Ever

2013-10-21 (02:49:32AM)

ع البركة :D

انا كان نفسى اجيبه بس النسخه الـ 4G شوفتها ف عبدالعزيز من شهر تقريبا بـ 2300ج بكل حاجته النسخه اللى اسمها I9305 الرام بتاعها 2 جيجا , بس ماكنش معايا فلوس ساعتها للاسف