الضمان

للرجوع الي صفحة سامسونج Galaxy Note 8.0 N5100 الرئيسية اضغط هنا

ahmed2abdelmonem

2014-09-05 (03:06:18AM)

السلام عليكم. يا جماعة انا عايز اجيب التابلت ده كمان شهرين من غير ضمان فهل الضمان مهم ولا لا مع العلم انو هيفرق 500 جنيه وهل التابلت ده متحدث لاندرويد كيت كات 4.4 ولا لا وشكرا

sohail

2014-09-09 (06:29:27PM)

انا عايز اسأل نفس السؤال بس هو اصلا سعره كام بالضمان ؟؟

ArchieDeacon

2014-09-20 (11:33:48PM)

وعليكم السلام .. شوف حضرتك ، أنا الضمان فى وجهة نظرى مالوش لازمة خالص فى كل أجهزة سامسونج .. ليه ؟ أجهزة سامسونج محترمة جدا ، ونادر لما تلاقى جهاز فيه عيب تقفيل أو تصنيع أو السماعة تضرب بعد كام شهر أو الشاحن يبوظ مثلا أو يتحرق مايرضاش يشحن الجهاز عيوب كدة ياعنى .. فدى مش موجودة خالص فى أجهزة سامسونج للأمانة ، طب لو حضرتك كسرت الجهاز أو وقعته ووديته الضمان ، هاتصلحه على حسابك ﻷنهم هايقوللك ده عيب إستخدام مش عيب فى الجهاز فالضمان مالوش لازمة ( ودى وجهة نظرى المتواضعة ) لكن لو حد بيخاف ومش شاطر فى الأجهزة ويعرف يفحص الجهاز كويس قبل ما يشتريه .. يبقى مايجبش غير الأضمن له .. عشان فى محلات بيبقى عندها نسخ تجريبية وفيها عيوب وبتبعها وتشربها لناس مش فاهمة ، وأنا وقعت تحت إيدى أجهزة بالشكل ده .. فكن حذرا .. Attention !

النسخ الجديدة من النوت 8 حاليا نازلة رسمى بالكيت كات ، والنسخ القديمة نازلة ب 4.1.2 جيلى بين وجالها تحديث 4.2.2 للكل وتحديث 4.4.2 الكيت كات حاليا للكل أيضا .. ياعنى اللى مش متحدث .. يتحدث بكل سهولة مافيش مشكلة ﻷن التحديث نزل رسمى -: )