موضوعى الجديد للنوت 8 n5100-2014-06-02 (09:07:03PM)

ArchieDeacon

2014-06-13 (04:04:21PM)

آه ما أنت عندك تجار ماشاء الله ، وعندك جمارك ، وتوكيل ، ومستوردين وكله بيحط إضافاته ومكسبه ..

mohmed2000

2014-06-13 (05:30:41AM)

بس كدا يبقي سعرو مصري مثلا في حدود 2500 او 2700 جنية بس للدرجة دي بيفرق كدا

ArchieDeacon

2014-06-13 (03:46:50AM)

الجهاز ده : 1250 ريال قطرى .. ممكن أزيد أو أقل حجات بسيطة 150 ريال مثلا ..

النوت 10.1 2014 : 2870 ريال قطرى ، وممكن يكون أقل برده من كدة .. مش متأكد كام بالظبط هناك ، وطبعا حسب سعر كل محل ، وحسب سعر التوكيل هناك ..

mohmed2000

2014-06-12 (08:19:02PM)

طيب لو سمحت سعر الجهاز دا كام في قطر وسعر الـ نوت 10.1 2014 كام في قطر
شكرا

ArchieDeacon

2014-06-12 (02:59:59AM)

MR. John .. شوف حضرتك ، هوالمفروض إن نسخة الكيت كات الحديثة أو تحديث الكيت كات للنوت 8 ، المفروض يعالج مشاكل البطارية ويقلل إستهلاك الرام ، المفروض ماتعديش 1.2 جيجا خالص وكل الأخطاء اللى كانت فى السوفت القديم 4.2.2 المفروض يعالجها الكيت كات ، ﻷن حاليا الخط الوحيد فى إصدار 4.2.2 هو السحب الكبير لل Battery والمفروض تتحسن مع الكيت كات ، وكذلك الرام المفروض ماتزدش بخلاف ماحضرتك قايل إن سحب البطارية زاد والرام إستهلاكها زاد .. فبالتالى يبقى السوفت ده وحش على كلام حضرتك .. فنصحتى ليك تجرب ده :

وشوفه عامل إيه معاك ، وإنشاء الله يبقى أفضل ..

بس الحقيقة أنا عندى الكومبيوتر بعافية شوية ^_^ ، مستنيه بس يتعافى وهاعمل التحديث ده .. أنا لسة ماعملتوش على فكرة .. بس الناس اللى جربته بتشكر فيه ، وأنا هاعمله قريب إنشاء الله ، وهانزل تقرير تانى للنوت 8 بعد تحديثة .. إنشاء الله -:)

وماتقولش آسف تانى .. إحنا إخوات وأنا تحت أمر حضرتك ، وتشرفت بالكلام معاك ..

♡ Greetings ♡

engjohntharwat

2014-06-11 (06:43:51PM)

هو حضرتك نزلت الكيت كات النسخة البولندية اية التغييرات أو المميزات عن الجيلي بين ايه هي الفروق الجوهرية و آسف لتعب حضرتك

ArchieDeacon

2014-06-11 (05:49:30PM)

آه نسيت .. أستاذ محمد / كل الخواص اللى موجودة فى النوت 8 ، هاتلاقيها فى التاب 3 10 .. ماعدا طبعا خواص ، وحركات القلم .. والكاميرا وكدة

الأوبشن خاص بنظام التشغيل أو نسخة السوفت وير ، مالوش دعوة بالأجهزة قوى ، إللا فى قليل وبعض من الأجهزة .. زى S4 , S5 , Note 3 كدة ياعنى ..

ArchieDeacon

2014-06-11 (05:43:11PM)

مافيهوش سماعة ياعنى مش بيتصل ، وللا إيه ؟ بيتصل وكل حاجة بس بالإسبيكر بس مافيش سماعة داخلية .. طب إزاى
على للعموم فسرلى حضرتك الموضوع ده عشان ممكن تكون النسخة اللى مع قريبك دى واى فاى بس ..

بص الفرق بينهم .. Dual Core ياعنى ثنائى النواة ياعنى البروسيسور مكون من نواتين بيشتغلوا مع بعض ، أو ملفين بيدوروا مع بعض كل ملف منهم تردده 1.6 جيجا هيرتز ياعنى مثلا 1624 ميجا هيرتز ده فى النواة الواحدة .. لما يكون بروسيسور ثنائى النواة ( Dual Core ) ، أما لما يكون رباعى النواة
( Qoud Core ) ياعنى فى أربع أنوية .. أرع ملفات .. بالبساطة أريع مواتير شغالين كلهم مع بعض داخل وحدة المعاجة المركزية ( Cpu ) اللى هى البروسيسور .. ياعنى تخيل لما تجيب 2 موتور 1.5 حصان عشان ترفع بيهم مياه ، وتجيب أربع زى الإتنين تماما عشان يرفعوا المياه .. أنهى هايكون أداؤهم أفضل

أكيد طبعا .. Qoud Core وهكذا البروسيسور الثمانى النواة أسرع من السداسى النواة أسرع من الرباعى أسرع من الثنائى النواة أسرع من الأحادى النواة وبفرق كبيييييير وملحوظ ،، Qoud Core ضعف سرعة ال Dual Core وال DualCore أسرع بمراحل من ال Single Core وهكذا .......

engjohntharwat .. شوف يا فندم ، مادام حضرتك جربت الكيت كات الرسمى ، ومش عاجبك ، يبقى قدامك حل حو ،،
جرب النسخة الرسمية البولندية اللى وضعها أستاذ عمرو فى أول البوست فوووق ، نزلها وسطبها بالكيرنل ببرنامج الأودين ، وإنشاء الله تبقى معاك تمام .. دى نسخة معدلة ورسمية ، ومستقرة جدا .. جرب وقولى إيه النتيجة ،،

^_^ Greetings ^_^

engjohntharwat

2014-06-11 (11:28:21AM)

انا نزلي تحديث الكيت كات رسمي على النوت 8 لأن جايب جهازي من الإمارات بس مش مرتاح له بياكل البطارية بردو ومفيهوش تغييرات كتير زي ما كنت متوقع ويأكل الرام مش عارف اعمل اية لأنه مفرقش حاجة عن جيلى بين

mohmed2000

2014-06-11 (08:22:10AM)

انهي احسن في البطارية

mohmed2000

2014-06-11 (02:51:20AM)

متشكر جدا علي الرد بس فعلا في التاب 3 مفيهوش سماعة داخلية واية الفرق ما بين الـQoud core والـdule core واية هي الخواص اللي في التاب 3 مثلا
تحياتي لحضرتك

ArchieDeacon

2014-06-11 (02:24:49AM)

وعلى فكرة التاب 3 10 فى خاصية تقسيم الشاشة ، وكل الخواص ، ماعدا خواص القلم فقط

ArchieDeacon

2014-06-11 (02:23:15AM)

بص التاب 3 10 بوصة حلو وكل حاجة ، وشاشتة مش وحشة .. بس المشكلة الحقيقية فى موضوع الرامات ده ، فى ألعاب بتسحب رام كبيرة زى Asphalt 8 وغيرها .. حتى سابواى كمان ، فالرام الواحد هاتضطر كل شوية تقفل فى التطييقات وتمسح الرام وهاتزهق الصراحة لكن الرام 2 ، أنا فى النوت 8 كل فين وفين لما بمسح الرام ، وأقفل التطبيقات المفتوحة .. ﻷنى مابحسش بهنيج خالص .. لكن لو فكرنا فى كلامك .. إنت عاوز شاشة كبيرة ، وألعاب كتير وكدة .. شوف حاليا أنا مش بستخدم النوت 8 فى ألعاب كتيرة حتى أسفلت 8 بطلت ألعبها ﻷنها كبيرها ساعتين متواصل والبطارية تفصل شحن ، اللعبة جرافيكها عالى قوى ، وتقيلة فبتستهلك قوة البروسيسور وكارت الشاشة ، والشاشة نفسها .. فبتأكل البطارية أكل .. أنا عندى ليك فكرة حلوة ، إنت ممكن تجرب جهاز قريبك ده يوم ولا حاجة جربه ألعاب ونت .. لاقيت بطاريته حلوة ، ومش بيهنج يبقى خلاص توكل على الله ، وإشتريه .. حسيت إنك مش مرتاحلة يبقى فكك منه وخليك فى النوت 8 ..

خلى بالك النوت 8 وحش .. أسد كدة ولا بيهمة حاجة ، ولا بتقف قدامة أى لعبة عييييييبة الخطييييير البطارية فقط إنما كسرعة ، وأداء ، وقلم وشاشة يتفوق فى كل حاجة عدى البطارية ، وغالبا ده بسبب السوفت وير 4.2.2 لكن إنشاء الله مع تحديث الكيت كات هايبقى تمام ، ﻷنه ماكنش بيسحب كدة لما كان على 4.1.2

فكر فى كلامى كدة ، وقولى وصلت ﻹيه ؟

mohmed2000

2014-06-10 (04:10:59AM)

اة نسيت السعر 2500 جنية وارد الخارج

mohmed2000

2014-06-10 (04:10:11AM)

طيب بعد اذنك في واحد قريبي معاة الـتاب 3 10.0 عارضو عليا للبيع انا مبدأيا رفض رغم انو استعمال خفيف جدا بس بعد مارجعت وفكرت مكونتش عارف اللي انا عملتو صح ولا لا هو كان بداية تفكيري كانت فعلا في التاب 3 10.1 بس بعد ما شوفت النوت 8 فكري اتغير خالص علشان حكاية القلم دي و خاصية تقسيم الشاشة احترت جدا خاصة اني اغلب استعمالي هيكون نت والعاب وبالتالي محتاج رمات عالية +بروسيسور عالي ودا اللي لقيتو متوفر في النوت 8 عكس التاب 3 رمات 1 وكاميرا اضعف 3 ميجا بكسيل ياريت حضرتك تقولي اعمل اية هل التاب 3 هيوفي معايا الغرض دون اي تهنيج ولا هتقابلني مشاكل فية

mohmed2000

2014-06-08 (03:01:00AM)

الف شكر لحضرتك ياريت الاسئلة الكتيير ما تكونش بتضايق وانشاء الله ربنا يقدم اللي فية الخير

ArchieDeacon

2014-06-08 (02:47:58AM)

أنا معاك إن الآى باد مغرى جدا الصراحة ، أنا مسكت آ باد فور كان مع واحد صاحبى ، وكان ممتاز ممتاز فى النت والشاشة بتاعته كانت من نوع ريتنيا Retinia Display ممتازة فى النقاء والوضوح بس ده للآى باد 4 ، وسرعته فى النت كانت جبااااااارة ، وكاميرته سريعة فى التصوير ونقية فى الصورة .. بس إتصدمت بقى من النظام ، وحتى ماعليهوش واتس آب ( مش فاهم ليه الصراحة ) وحجات غريبة كدة .. ياعنى بعد ماجربت الكاميرا ، وإتصورنا بيه ، ماعرفتش أخدها منه .. حاجة خنيقة قوى الصراحة .. فطبعا مافكرتش فيه ، وبوست النوت 8 اللى معايا ههههههههه بشكره على كدة ..

لكن مثلا لو فى إمكانيات واحد إنه يجيب آى باد ، وموبايل أندرويد مثلا نوت 3 ، وللا إس 5 ، وللا إس 4 ، Xperia Z2 كدة ياعنى يبقى حلو قوى وهو كدة جامع بين النظامين فى إيده ، ومستفاد من الإتنين ..

ArchieDeacon

2014-06-08 (02:36:36AM)

تمام ، آسف على المعلومة الخاطئة ممكن تكون جات مع التحديث للنوت 2 ، ﻷن لما كان معايا النوت 2 كان على 4.1.2 ، وماكانش فيه ، أو ممكن اكون ماستخدمتهاش انا بس هى موجودة المهم حصل خيييييير يا كبيييييييير مش هانختلف -:) -:)

اجهزة أبل ممتازة وكل حاجة ، وماتتقارنش بغيرها للى متعود عليها ، واللى بيحبها وشايف إحتياجاته فيها .. ياعنى واحد عاوز سرعة فى النت وثبات وبطارية و بس هايبقى الآى باد حلو قوى ليه .

لكن واحد عاوز ألعاب بالعبيييييط ونت برده ، وسرعة برده ، وبرامج أشكال وألوان ، صور صورة يعرف يبعتها بلوتوث ﻷصحابه ، شاف نغمة ، وللا اى حاجة عجبته عند حد يعرف ياخدها بلوتوث ، بيحب يكون معاه موبايل فى جهاز لوحى ( تاب ) فى نوتة ومذكرة ( S Note ) لتدوين ملاحظاته والكتابة بسلاسة ، عاوز ضمان كويس وقع غيار متوفرة ، عاوز جهاز يقبل كارت ميمورى يضع عليه أفلام ، مسلسلات ، صور خاصة ، كل بياناته تيقى فى إيده وفى جهاز واحد ..
يبقى أكيد كل ده متوفر فى تابلت أندرويد ( مش شرط النوت 8 ) ممكن نوت 10 ، ممكت نوت برو ، ممكن تاب برو 8.4 ممكن نوت 3 .. ممكن LG G2 أو LG G 3 ، او LG G Pad او أى جهاز أندرويد ممتاز من دول
هى دى وجهة نظرى ، مش موضوع مين أفضل ؟ ابإتنين ممتازين لنوعية إحتياج المستخدم للجهاز .. اللى عاوز فى الجهاز النت فقط زى الإعلاميين والصحفيين وكدة ، واللى عاوز ترفيه أكتر ، ألعاب وبرامج و ....... و ......... إلخ
وعلى حسب الإحتياج الأكتر ، نبتدى نختار ، آى باد ، وللا تابلت أندرويد .. لكن فى النهاية الإتنين ممتازين ويكسبوا .. يبقى ما فيش وجه مقارنة من الأساس
فى طلبات فى جهاز معين ، وعلى أساسها نختار الأنسب لينا -:)

ربنا يرشدك ﻷختيار الأنسب ليك

تحياتى لحضرتك ، وتحت أمرك دايما ^_^ .. ^_^ .. ^_^

mohmed2000

2014-06-08 (01:29:19AM)

بس من ساعة م مسكت الـIpad 2 وانا محتار جدا خصوصا لما جمعت المبلغ موش عارف اعمل اية لان في عضو في الصفحة قالي اجهزة ابل متتقارنش بغيرها

mohmed2000

2014-06-08 (01:25:27AM)

الف شكر علي ردك بس حابب اقولك ان النوت 2 بيدعم النظرة السريعة عن تجربة

ArchieDeacon

2014-06-07 (08:06:53PM)

ملحوظة .. بطارية الآى باد 3 والآى باد 4 والآى باد أير الجديد ممتاااااااااااااااااااااااااااازة ﻷبعد الحدود .، ممكن تشحنه كل يومين ، وعن تجربة لل 3 ، 4
الأير لسة صراحة ، بس تقارير أكبر المواقع العالمية بتقول كدة .

ArchieDeacon

2014-06-07 (08:04:34PM)

آه تمام .. لا للأسف النظرة السريعة دى مش موجودة فى النوت 8 ، ممكن تيجى مع التحديث الرسمى كيت كات ، وممكن ﻷ ، بس على ما أظن إنها مش موجودة فى النوت 2 ، ماشوفتهاش قبل كدة الصراحة ، وأنا كان معايا النوت 2 هى موجودة فى النوت 3 والإس فور و 5 ..

شوف كل نظام تشغيل بيتميز عن الآخر ، ياعنى الآى باد يمتاز بالسرعة فى فتح وقفل التطبيقات وبطاريته أفضل شوية من النوت 8 ، وسريع فى النت شوية دى مميزاته اما عيوبه فهى كتييييير وخاصة عيوب فى النظام ( نظام التشغيل نفسه مقرف ) نظام ال IOS ده مغلق على نفسه جدا بهدف الحماية المطلقة من الفيروسات والتجسس ياعنى مثلا ماتعرفش تبعت أى حاجة بلوتوث غير ﻷى باد زيه أو آى فون ، مابيقبلش كارت ميمورى ، ماعليهوش واتس آب ، شغلانة عشان تنزله واتس آب ومش فاهم ليه برده ، معظم بل وأكثر التطبيقات عليه بفلوس ، والمجانى قليل جدا ، معظم الألعاب كذلك والمجانى يمكن سابواى ولعبتين كمان وخلاص
مابيقبلش وصلة OTG الل توصل من خلالها ماوس او كيبورد .. ياعنى لو حابب تشترى أى باد بلاش 2 خليك فى الآى باد فور أو الآى باد إير .، ودول غاليين طبعا

أما النوت 8 فهو أندرويد ، ألعاب وبرامج بالعبيييييييط وكلها مجانى واللى بفلوس ممكن تجيبوا مجانى إنما فى ال IOS ماينفعش لازم تشترى البرامج بالفيزا كارد
قلم وكتابة ، وبرامج PDF ، و Power Point و Word و إكسل وغيرهم عااااالم مفتوح برامج وألعاب وترفيه .. أنا عن نفسى بفضل الأندرويد
بس لو إستخدامك هايقتصر على النت فقط يبقى هات آى باد وخليك فى الفور أو الأير ، دول الأفضل من وجهة نظرى .

mohmed2000

2014-06-06 (04:09:06AM)

عندي طلب معلش ممكن حضرتك تديني تقرير عن الـIpad2 واية عيوبة ومميزاتة و انهي الافضل النوت8 او الايباد2 :D :D

mohmed2000

2014-06-06 (03:14:09AM)

النظرة السريعة هي امرار اليد لرؤية الساعة واحدث الاشعارات من غير لمس الشاشة موش عارف هي اسم الخاصية اية بالظبط

ArchieDeacon

2014-06-06 (01:43:54AM)

إيه هى النظرة السريعة دى ، أنا أعرف Smart Stay , Smart Scroll , Air View .........Etc ، لكن دى مش عارفها ، والنوت 8 ﻷ مابيدعمهاش .

mohmed2000

2014-06-05 (08:21:14PM)

يعني موش بيدعم النظرة السريعة زي النوت 2؟؟؟

ArchieDeacon

2014-06-05 (06:54:45PM)

ﻷ مافيهوش Led Notification ..فيه Smart Stay .. والباقى ﻷ مش موجود ، والسمارت دى طول ما عينك على الشاشة الشاشة ماتطفاش ، والباقى موجود كله فى الإس فور ، والنوت 3 .. ممكن تيجى بعضها للنوت 8 فى تحديث الكيت كات .. وممكن ﻷ ، بس سواء كدة ، وللا كدة .. الخواص دى كلها مالهاش أى لازمة ، ولو إستخدمتها هاتبقى مرة وللا حاجة ، وخلاص .

mohmed2000

2014-06-05 (12:36:41AM)

هل الجهاز يدعم led notification وهل خاصية ال smart stay ممكن من خلالها تقليب صفحات النت عن طريق العين او تكتفي ببقاء الشاشة نشطة فقط وهل يدعم خاصية النظرة السريعة عن طريق اليد مثل النوت 2 ؟؟؟
تحياتي

ArchieDeacon

2014-06-04 (01:12:35AM)

ياعنى أتكل على الله ونزله للجهاز ؟ ولو كدة يبقى مانستناش الرسمى ، ﻷنه عقبال مايجى رسمى يحلها ربنا -:)

a.m.r

2014-06-03 (09:57:30PM)

اه فى الروم ده تقدر ترجع لاى اصدار لان تم وقف نظام الحماية المقرف جدا واللى سامسونج عملاه عشان تجبر الناس متعرفش تحدث ويوم ما تحدث يبقا لازم تشترى جديد لو جهاز مش مدعم اى نظام جديد
والروم ممتاز و مستقر وسريع وبطاريته مستقرة و متوافق مع اى برنامج او اداة نازلة للكيت كات

ArchieDeacon

2014-06-03 (02:29:40AM)

ألف شكر ليك يا أستاذ عمرو ، بس إيه رأي حضرتك فيه ؟ ياترى جربته .. والبطارية إتحسنت شوية ، وللا إيه الكلام ، وهل في طريقة نرجع بيها ل 4.2.2 لو ماعجبناش ، وللا مش هاينفع ،،

الموبايلات

موضوعى الجديد للنوت 8 n5100

التسجيل بالموقع

دخول الاعضاء

معلومات سريعة عن Samsung Galaxy Note 8.0 N5100

Android

8.0″

3G

5 MP, 25...

4600mAh