سؤال

للرجوع الي صفحة سامسونج Galaxy Note 8.0 N5100 الرئيسية اضغط هنا

mohmed2000

2014-05-30 (04:20:14AM)

يا جماعة انا معايا مبلغ في حدود الـ3000 جنية وعايز اشتري تابلت كويس وموش عارف اهل الخبرة ينصحوني باية

ArchieDeacon

2014-05-30 (12:56:50PM)

بص يا أستاذ محمد بكل أمانة ، وصدق .. لو حضرتك مقلق وخايف من النوت 8 ، فماقدمكش غير أفضل خيار بعده مباشرة ، وعشان يتناسب مع سعر 3000 جنيه اللى حضرتك قايل عليه ،،

هو Galaxy Tab 3 8.0 .. التاب 3 ، 8 إنش العادى .

تحياتى -:)

mohmed2000

2014-05-30 (09:15:30PM)

هي حاجة واحدة هل يستحق الاقتناء واية تقييمك للجهاز بكل صراحة

ArchieDeacon

2014-05-31 (03:11:32AM)

شوف يا محمد ، الجهاز ممتاز ﻷبعد الحدود ، وإن كانت البطارية غير مرضية لبعض المستخدمين ، فهناك عوضها عنها ، الرامات العالية ، البروسيسور القوى ، القلم، جمال الشاشة ووضوحها ونقائها ، سرعة التاتش وسهولته ، نقاء الصوت ، والحجم المثالى ......... إلخ

تقيمى للجهاز ، البطارية تاخد 60 % ، والجهاز كله كأداء 98 % سرعة وقوة هارد وير ..
الجهاز يستحق الإقتناء .. بس لو إنت شايف إن إستخدامك قوى على الجهاز ، وموضوع شحن الجهاز مرتين فى اليوم ده ، هايضايقك .. يبقى هات التاب 3 .. 8 إنش
وأنا قبل ما أختار النوت 8 لنفسى كنت عارف كدة ، وكل حاجة عن الجهاز ، وبرده إختارت النوت 8 ..

تقبل تحياتى -:)

mohmed2000

2014-05-31 (04:28:11AM)

متشكر جدا بس انا قررت اني مو هشتري جهاز خارج عائلة النوت
وسبق وسألتك عن موضوع البطارية قولتلي انها بتعد فوق 5 ساعات في اليوم شغل متواصل العاب ونت وكدا فلو هي كا فعلا يبقي تمام اوي اصل انا موش هعد علية 24 ساعة صح ولا اية
تحياتي

ArchieDeacon

2014-05-31 (02:01:07PM)

تمام ونعم القرار ﻷن فئة النوت هى الأقوى فى سامسونج.. بس فى ناس بتحب تفضل على الجهاز لعب ونت وألعاب قوية زى Asphalt 8 مثلا وغيرها من طول النهار لغاية طول الليل ، ولو الجهاز مافضلش معاهم الفترة دى ، بتبقى البطارية غير مرضية ليهم .. دى كل الحكاية ، وأنا قولت أوضح ده للأمانة فقط ،،

ﻷن بطارية النوت 8 عمرها ماتفضل أكثر من 6 ساعات متواصل ، سواء ألعاب أو فديوهات أو نت ....... إلخ
إللا بقى لو إشتريت باور بانك تمشى بيه تشحن النوت 8 منه لو إنت خارج البيت أو الشغل ، وإستخدامك تقيل على الجهاز ..

أظن كدة الأمور وضحت تماما .. أى إستفسار آخر ، أنا فى الخدمة

^_^ .. ^_^ .. ^_^

mohmed2000

2014-05-31 (05:04:10PM)

طيب اية هو البور بانك دا
^_^

mohmed2000

2014-05-31 (08:06:12PM)

معلش سؤال اية اخبار الجهاز في الحرارة ؟؟؟؟!!

ArchieDeacon

2014-06-01 (01:44:10AM)

الباور بانك ده عبارة عن بطارية قوية .. ياعنى شاحن مواصلات .. بتشحن بيه التاب 3 أو أربع مرات ، وبعدين بيخلص ، وترجع تشحنه تانى لوحدة ، ومنه تشحن التاب والموبايل والأي باد وكل حاجة ، وبيبقى معاه غيرات كتيرة للشواحن ، وسعره بيبدأ من 200 جنيه ل 500 جنيه حسب قوته وقوة البطارية بيه ..

النوت 8 بالنسبالى الجهاز الوحيد الى يعتبر مش بيسخن عن باقى الإسمارت فون اللى إستخدمتهم ، وفى الحر ده درجة حرارته مش بتعدى 33° ، وفى الشتاء 25° .. وأى سمارت فون درجة حرارته توصل ل 45° يبقى هو كدة إبتدى يسخن .. أقل من كدة يبقى الجهاز يعتبر مابيسخنش خالص ، أقل من 45° فمبالك النوت 8 بقى ،، ﻷنه من حركة ملف البروسيسور ، والبطارية والشاشة وكل الحجات لازم ترفع درجة الحرارة من 30 ل 40 ل 45 درجة ، أكتر من كدة يبقى خطررر على الجهاز ، وهو كدة يبقى بيسخن أكتر من 45° ولازم يترك لغاية ما يبرد شوية عشان مايبوظش ،،

mohmed2000

2014-06-01 (03:53:48AM)

يارب مكونش بزعجك من الاسئلة المتكررة بس ي سؤال بيجي في دماغي بسألهولك
وبشكرك مرة تانية

ArchieDeacon

2014-06-01 (01:32:55PM)

ولا أى حاجة خالص ، ولا إزعاج ، ولا أنا خسرت حاجة ، وأى سؤال يجى قدامك قوله ، وأنا هنا للرد على إستفساراتك ، ولخدمتك .. دى حاجة تشرفنى شخصيا ..
يارب أكون بفيدك بس ،، فى أى وقت .. إسأل حضرتك ، وأنا تحت أمرك ، ولا شكر بين الإخوة نهائى ،،

تحياتى ليك -:)

mohmed2000

2014-06-01 (08:47:41PM)

متشكر جدا علي زوقك بس انا لاحظت حاجة فعلا
اد اية الدنيا دي صغيرة دائرة مقفولة ههههههه اصل انا قريت الكومنتات فقريت الكومنتات باعتك قبل متشتري الجهاز مع الاستاذ عمرو قولت ما خاب من استشار فعلا
بس اية راي حضرتك في سوق.كوم؟؟
مشكور جدا

ArchieDeacon

2014-06-02 (12:04:48PM)

الشكر ليك يارب ،، لا شكر على واجب نهائى بين الإخوة .. تحت أمرك يا أستاذ محمد ،،

رأى فى سوق.كوم هاقوله لحضرتك على الخاص أفضل ، لسبب كدة عندى ..

Greetings ^_^

تلك الخدمة مخصصة للأعضاء فقط