هذا الموضوع مرتبط بـ Galaxy Note 8.0 N5100

استفسار

mohmed2000

2014-05-28 (02:25:15AM)

يا جماعة انا محتار ما بين الجهاز دا والـ Tab3 10.1 بس انا غاوي العاب وجرفيك وبعد قريت الكومنتات لقيت ان الجهاز دا اقوي في الجرفيك بس عرفت انو عيبو البطارية ياريت حد يفدني دا ولا لتاب 3 وياريت الاستاذ ArchieDeacon يفيدني في الموضوع ا لاني عرفت انو لية خبرة كبيرة
وتقبلو تحياتي

mohmed2000

2014-05-30 (05:44:26PM)

متشكر جدا يا استاذنا وكدا هتكل علي اللهوعلي كلامك واشتري النوت 8 بس ارب الاقية في المحلات لاني سمعت انو موش موجود
تحياتي لحضرتك :D

ArchieDeacon

2014-05-30 (12:49:12PM)

يا محمد ما تسأل ياعم براحتك ، إيه المشكلة ، وأنا بخسر إيه ياعنى ، وبعدين قولتلك أنا تحت أمرك وفى خدمتك فى أى وقت وبتشرف بالكلام معاك ، فماتفضلش تقول بقة معلش ، وتعبتك والكلام ده .. أنا هنا للرد على كل إستفساراتك فى أى وقت وأى ساعة ..

شوف يا أستاذ محمد بطارية النوت 8 هاتفضل معاك شغل متواصل 6 ساعات ، وعلى فكرة مع تحديث الكيت كات اللى لسة هايجى هايحسن من أداء البطارية جدا وكل الناس اللى نزلت النسخة البولندية منه لاحظت كدة ، وقالت إن التحديث عالج مشكلة سرعة نفاذ الطاقة تمام ، فموضوع البطارية ده مش مرعب ياعنى ، بس هى فعلا للناس اللى شغلها تقيل ، وألعاب كتير وكدة ، مش هاتبقى مرضية ليهم .. وأنا ذكرت ذلك فى التقرير للأمانة ، و قريبا هانزل حل مؤقت لمشكلة البطارية دى فى تقرير تانى ..

النوت 8 فيه كل المميزات دى ال Smart Stay وكل الأوبشن الموجود فى النوت 2 .. لو قارناه بالنوت 10.1 القديم ، فالنوت 8 يكسب ، ﻷنه أقوى فى البروسيسور ، ونوع الرامات أفضل DDR 2 بينما النوت 10.1 DDR .. لكن النوت 10 اللى بيميزه بس هو وجود فلاش للكاميرا بخلاف النوت 8 .. بس بكل أمانة النوت 8 أفضل ، وأحدث فى كل حاجة .

mohmed2000

2014-05-30 (04:12:06AM)

طيب هي بطارية النوت 8 موش هتعد 5 ساعات شغل حتي وهو بيدعم سينسور العين ولا لا وهل دا الافضل ولا النوت 10.1 القديم من حيث كل حاجة معلش انا لميت الاسئلة كلها مرة واحدة

ArchieDeacon

2014-05-29 (08:25:35PM)

التاب برو بطاريته لسة تحت الإختبار ، بس ككلام مبدئى ، 11 ساعة متواصل شغل على البطارية ، و 9 ساعات فيديو وألعاب .. ده اللى أنا أعرفه لغاية الآن ، بس فى جميع الأحيان كدة ، وللا كدة فهى ستظل أيضا أفضل من بطارية التاب 3 اللى هو أصلا أفضل فى البطارية من النوت 8

husseinsalah

2014-05-29 (03:27:20PM)

طب بعد اذنك التاب برو 8.4 بطاريتة بتقعد اد اية

ArchieDeacon

2014-05-29 (02:52:09AM)

لا شكر على واجب يا أستاذ محمد .. أنا تحت أمر حضرتك ، وأمر كل إخواتى الأعضاء هنا ، ويارب أكون قدرت أساعدك ،،

النوت 8 موجود فى محلات .. الشناوى ، وسيلكت ، وموبايل شوب ممكن وممكن ، و Smile عنده ، دول اللى متأكد منهم ، لكن فين فى الجيزة أو بنى سويف ، فسامحنى مش هاقدر أفيدك فيها دى .. بس إنت إسأل عن أسماء المحلات دى ، وهاتلاقى فيها النوت 8 إنشاء الله ..

Greetings ^_^ .. ^_^ .. ^_^

mohmed2000

2014-05-28 (05:24:18PM)

الواحد موش عارف يشكرك ازاي يا استاذ ArchieDeacon علي اللي بتعملو معانا
بس كنت عايز اعرف لو شتري النوت 8 دلوقتي ممكن الاقية فيين في الجيزة او بني سويف
وتحياتي لحضرتك

ArchieDeacon

2014-05-28 (01:28:31PM)

آه نسيت ..
1. التاب برو 8.4 >>>>>> 4200 جنيه
2. النوت 8 >>>>>>>>> 3400 - 3550 ، بيختلف السعر من محل للآخر
3. التاب 3 8 >>>>>>>> 3250 جنيه

ArchieDeacon

2014-05-28 (01:22:10PM)

mohmed2000 شوف حضرتك الأمر بسيط قوى ،،

النوت 8 كأداء وهارد وير ورامات وبروسيسور وقلم وكاميرا وكل حاجة يتفوق عن التاب 3 10.1 .. فبلاش ندخل التاب 3 فى مقارنة ، حتى ولو بطاريته أفضل من النوت 8 .. خلينى أديك بدايل أفضل كتيييييير من التاب 3 10.1

1. أول جهاز ، هو حاليا يعتبر نزل .. لسة نازل من إسبوع أو 10 أيام تقريبا ، وهو Galaxy Tab Pro 8.4 ده جبااااااار بجد ، وأفضل من النوت 8 فى كل حاجة بقى ، بطارية وكاميرا 8 ميجا بفلاش ، وبروسيسور ورامات ، وشاشة ممتازة موفرة للطاقة ، وصوت نقى ، ونازل بالكيت كات رسمى من سامسونج .

2. الجهاز التانى هو Galaxy Tab 3 8.0 التاب 3 العادى 8 إنش .. ده أقل من النوت 8 فى الهارد وير ، ومافيهوش قلم وكدة .. نفسه فى السوفت وير، أفضل من النوت 8 فى البطارية وعن تجربة ، الكاميرا واحد ، وأقل فى الرامات من النوت 8 ، راماته 1.5 جيجا ، والنوت 8 .. 2 جيجا ..

الخلاصة / لو تقدر تستنى ، وتزود الفلوس شوية وتجيب التاب برو 8.4 يبقى ده هايغنيك عن الكل ، وهو أفضلهم بمراحل الصراحة .. مش هاينفع يبقى لو شغلك تقيل وهاتضايق من البطارية ، فبطارية النوت 8 بتفضل 6 ساعات بالعافية شغل ، لكن شغلك خفيف على الجهاز وكدة يبقى هات التاب 3 8 ، وهو برده جهاز ممتاز وشبه النوت 8 فى كتييييير من الأداء ، وصدقنى أداؤه حلو قوى ، وموضوع الرامات 1.5 جيجا ده ، مش فارقة كتييييير عن 2 جيجا ، وبرده الجهاز مابيهنجش .

تحياتى لحضرتك -:)

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 8.0 N5100

مقارنة

Android
8.0″

8.0 بوصة
3G

2G / 3G
5 MP, 25...
4600mAh

Li-Ion 4600 mAh, غير قابلة للازالة

مزيد من المعلومات

الموبايلات

استفسار

التسجيل بالموقع

دخول الاعضاء

معلومات سريعة عن Samsung Galaxy Note 8.0 N5100

Android

8.0″

3G

5 MP, 25...

4600mAh