بص يا بشهندس ، فى برنامجين GPS حلوين .. هاتلاقيهم على الماركت : Sygic ، و Google Earth دول أفضل إتنين موجودين للأندرويد حتى الآن
أما برامج للراديو ، فالحقيقة أنا مش عارف برنامج كويس .. ممكن حد من الأعضاء الكرام يفيدك فيه أكثر منى .. ﻷنى موش بستخدمه خالص ،
بالنسبة للبطارية ، حضرتك هاتعاير البطارية بالآتى :
هاتفضى الجهاز من الشحن لغاية ماتوصل البطارية ل 10% تمام ، وهاتقوم بفتح لوحة الإتصال ، وكتابة كود معايرة البطارية وهو .. #0228#*
هاتظهرلك قايمة مالكش دعوة بيها ، هاتلاقى كلمة إسمها Quick Start موجودة فى آخر القايمة .. تدوس عاليها مرة واحدة فقط ، هاتلاقى الشاشة قفلت تلقائى ، وبعد 3 دقايق تفتح الشاشة عادى ، هاتلاقى البطارية فضيت خالص ل 1 % وللا حاجة ، هاتقوم قافل الجهاز ، وتسيبه على الشاحن 7 ساعات متواصلة ، وده مرة واحدة فقط ، ومعايرة البطارية مرة واحدة فقط .. وبعد كدة تفتح جهازك عادى ، وتشحنه عادى جدا لما يقل ل 10% ، وتشيله مباشرة أول ما يبقى 100 % ، ولو سهيت عليه ، ولا حاجة وهو خلص شحن .. يبقى ماتزدش مدة تركه على الشاحن بعد إكتمال الشحن أكثر من ساعة واحدة فقط ..
ده بالنسبة للمعايرة ، وضيف عليها كل االلى مكتوب فى التقرير اللى فى البوست ده ردا على أستاذة سارة وأم يوسف :
بالإضافة أيضا للآتى : هاتفتح لوحة الإتصال ، وهاتكتب الكود ده .. #9900#* هايطلعلك لوحة فيها الخيار القبل الأخير إسمه :
Low Battrey Dump ، هاتلاقيها معمولة Of هاتخليها حضرتك On .. وتشوف الخيار اللى فوقيها ، لو مالقتهوش على الوضع Low خليه يبقى عليه
ومع كل الخطوات دى ، من تقليل السطوع ، وشحن الجهاز وهو مقفول ، ومسح الرام بإستمرار ، وعمل Force Stop للبرامج أول ماتفتح الجهاز ، وبعد الإنتهاء
والخروج من أى برنامج أو Game .. إنسى مشكلة البطارية إطلاقا ، وهاتبقى ممتازة .. أنا عندى بتفضل من 7 ل 8 ساعات شغل متواصل نت وألعاب وفديوهات ، ويوتيوب ، وشات .. وأكثر من 9 ساعات لو شغل متقطع .. ياعنى بتكفى اليوم كله ..
أما عن ثبات النظام وإستقراره ، فهو عندى ثابت ومستقر جدا .. أنا على الإصدار الأول الرسمى للجهاز 4.1.2 ، ومأنصحش حد بالتحديث خالص دلوقتى إلى حين نزول الكيت كات رسمى من سامسونج ، وهو سيعالج كل شئ .، وهاينزل على شهر 5 أو 6 تقريبا ..
تحياتى لحضرتك -:)
^__^
ممكن برنامج راديو به الاذاعة المصرية يكون جيد عن تجربة شخصية منك , لانى جربت كام برنامج ولكنهم فشلوا , وهل يلزم لبرنامج الراديو انترنت , عايز برنامج من غير انترنت لو متوفر
جزيل الشكر لكم جميعا