ممكن اعرف التحديثات هتنزل امتى ؟

للرجوع الي صفحة سامسونج Galaxy Note 8.0 N5100 الرئيسية اضغط هنا

AberSabel

2014-03-21 (01:38:27AM)

ممكن اعرف التحديثات هتنزل امتى ؟

سؤال اخر
انا وديت الجهاز للضمان لعمل نسخة اندرويد جديدة لانى القديمة فيها مشاكل
بس بعد ما جبته اتاكدت انى النسخة القدمة افضل لانى الجديدة غير مستقرة
دلوقتى انا عايز امسح النسخة الجديدة واعمل طبط المصنع
بس مش عارف النسخة اللى بعد ضبط المصنع هتبقى النسخة القديمة ولا الجديدة

شكرا

ArchieDeacon

2014-03-23 (01:24:28AM)

أهلا بيك يا بشمهندس ، ويارب تكون بخير والحمد لله ..
بص حضرتك بالنسبة للتحديثات ،، الكيت كات هاينزل رسمى للنوت 8 تقريبا على شهر 5 أو 6 بالكتييييير ، وده كلام رسمى من سام نفسها ، مش بس للنوت 8 ، بل للنوت 3 ، والنوت 2 والميجا 6.3 ، والإس ثرى ، والإس فور ، والإس ثرى مينى ... وكل الأجهزة العالية دى فامتستعجلش على التحديث خالص لغاية ماينزل ويستقر ونشوفه عامل إيه ،،

الروم الأساسى 4.1.2 اللى نازل بيه الجهاز أهو ، وهاتنزله ببرنامج الأودين ، أو خد اللينك ، وخلى حد يعملهولك لو مش هاتعرف ،، الموضوع ساهل جدا ، دووووس وأنا معاك ..

رابط الروم أهو :

AberSabel

2014-03-23 (08:13:07PM)

ArchieDeacon شكرا جزيلا جدا لحضرتك , ربنا يخليك ويباركلك ويعطيك على قد نيتك الطيبه7
وشكرا مرة تانية لمساعدة الاعضاء هنا والاجابة على كل استفساراتهم واسئلتهم
ربنا يكرمك يا قمر ♥

ArchieDeacon

2014-03-24 (02:12:06AM)

لا شكر على واجب يا بشمهندس ،، أنا كمان لاقيت ناس كتيييير تساعدنى فى يوم من الأيام ، وكلنا هنا أعضاء بتعمل فى جسد واحد ، بنفيد بعض ، وبنكمل بعض ،
وأنا تحت أمر حضرتك ، وأمر كل أحبائى الأعضاء فى أى حاجة ، وأى إستفسار .. أنا هنا لخدمتكم

تشرفت بالكلام معاك .. تحياتى لحضرتك -:)

تلك الخدمة مخصصة للأعضاء فقط