بدون عنوان

للرجوع الي صفحة سامسونج Galaxy Note 8.0 N5100 الرئيسية اضغط هنا

kokyalex

2014-02-20 (10:53:44PM)

السلام عليكم انا اشتريت نوت 8 وليا استفسارين الاول مساحة الجهاز 16 جيجا لكن هو مبين 9 جيجا بس طيب الباقى فين والسوال الثانى لو ركبت سيم كارد داخلى ينفع انزل تطبيقات علية ولا مينفعش لانى قريت ان النوت التطبيقات بتكون على الزاكرة الداخلية وشكرا للمنتدى

ahk252

2014-02-21 (12:09:49AM)

اولا الف مبروك
فعلا هو كده مساحته 16 جديده لكن المتاح للاستخدام 9 جيجا والباقي مخصصة لملفات السيستم

بالنسبة للتطبيقات : بتنزل علي المساحة الداخلية وفيه برامج ممكن تنقلها ع الخارجية بس اعتقد محتاجه روت .. وبردو لو انت معاك اصدار 4.2.2 اعتقد ان بيوفر الميزة دي
ولو حد معاه التابلت ده يفيدك اكتر

ArchieDeacon

2014-02-21 (03:18:41AM)

هو مبين 9.78 ياعنى 10 جيجا إلا 200 ميجا تقريبا ، والحقيقة أنا مش فاهم الأمر ده بالنسبة لسامسونج ياعنى ليه كل المساحة دى 6 حيجا بحالهم للنظام حرام ، طب ما فى أجهزة زى الأس تو والأس ثرى والنوت 2 بتظهر فيها 11 جيجا ، وتلاقى أجهزة تانية متوسطة زى الأس دوس تو والأيس ثرى عليهم الحيلى بين 4.2.2 والمساحة كلها 4 جيجا ، وواخد 2 جيجا وربع فقط وسايب الباقى ، وفى الأس ثرى مينى عامل 8 جيجا وواخد منهم 3.5 برده للنظام وسايب 4.5 بس أللا هى إيه الحكاية بالظبط ؟!! طب وباقى الذاكرة ده بيروح فين وإشمعنا مختلف من جهاز لجهاز ياعنى تلاقى جهازين بنفس نظام التشغيل وإصدار الأندرويد وواخدين من جهاز 6 جيجا ومن التانى 2 بس أو 3بس ، ماهو نفس الأندرويد ونفس الأشكال وكل حاجة فى جميع أجهزة سامسونج .. لغز مش فاهمه الحقيقة زى إستهلاك الرام تماما تحس إن لو الشركة نزلت جهاز برام 5 حيجا مع نظام جديد مثلا زى الكيت كات تلاقيها شافطت 3 جيجا وسايبالك 2 فرى رام .. حاجة مالهاش تفسير خالص .. طب وليه كل الرام دى ، وممكن تلاقى جهاز أقل برام 3 جيجا مثلا وإتحدث لنفس النظام وتلاقى الفرى رام متساوى هنا وهنا أبو 3 جيجا رام عندها زى أبو 5 جيجا .. يا فرحتى طب وإيه الفايدة إنك نزلتى جهاز برام 5 جيجا ، وإتساوى بواحد 3 فى الآخر .. مش عارف الحقيقة لو حد عنده تفسير ممكن يفهمنى ، وآسف على الإطالة ............

المهم أستاذ kokyalex التطبيقات ممكن تتنقل على الميمورى كارد فى التحديث المقبل ، أو ممكن مع الروت ومابننصحش بيه .

ArchieDeacon

2014-02-21 (03:23:40AM)

ونسيت أقولك ألف مبروووووووووك على الفون ربنا يباركلك فيه ، ويفرحك دايما ،

Greetings -:)

a.m.r

2014-02-21 (09:01:05AM)

حكاية المساحة دى تفرق كتير جدا
دلوقتى تفتكروا الامكانيات اللى فى النوت 8 هى هى اللى فى الجراند او الاس 3 او النوت 2
لا طبعا والتحديث مش شرط لما يبقا زى بعضه يبقا لازم يبقا فى المساحة كمان زى مثلا
استخدام القلم وكمان حكاية انهم عاملين لبرامج النوت اختلاف فى الامكانيات زى S NOTE و S PLANNER وبرامج تانية ده غير برامج زى برامج الفيجا كدة فى الكمبيوتر بيخلى الجهاز تديلك اعلى كفاءة مع الالعاب وعشان كدة واخد مساحة

تلك الخدمة مخصصة للأعضاء فقط