هذا الموضوع مرتبط بـ Galaxy Note 8.0 N5100

بدون عنوان

BoodyGen2

2013-12-29 (07:54:16AM)

لو سمحتم انا معايا نوت 2 وخلاص ببيعه وكاره النوت 3 وبفكر اجرب النوت 8 او 10 او تاب 2 10
بس ماليش فيهم خالص .. فياريت حد ينصحنى اصل النوت 2 بالنسبالى رامات وتليفون جبار وخايف معرفش اعوضه .. وشكر

AliAfify

2014-01-01 (07:46:48AM)

BoodyGen2 : تسلم يا باشا
أسف والله أنا بعت النوت 3 يوم السبت اللى فات
بص يا باشا لو معاك نوت ومنسجم معاه .. يبقى خليه ومش هتحس بفرق كبير بينه وبين النوت 3 ( عن تجربة ) الفكره بإختصار إنك لو عايش فى مدينة صغيرة أقصى سرعة للسير فيها 60 كم فى الساعة , وهتشترى عربية جديدة وقدامك عربيتين واحده بتمشى بسرعة 300 كم فى الساعة تمنها ..... وواحدة تانية بتمشى بسرعة 200 كم فى الساعة وتمنها أقل ... هتقولى طيب لو حبيت أخرج من المدينة الضيقة واعدى الـ 60 كم فى الساعة !!؟ هقولك العربية الأقل سعرا عدادها بيجيب 200 كم فى الساعة , وانتا أقصى سرعة هتعرف تسوق بيها 120 إلى 180 كم فى الساعة !! وصلت ؟

android

2013-12-31 (12:03:08PM)

طالما كورى او فيتنامى وباى سامسونج يبقى تمام مش هيفرق خالص المهم تبعد عن الوارد من الخارج وخليك فى الضمان المحلى احسن

android

2013-12-31 (11:53:00AM)

لكن لو محتاج شاشة اكبر وكده ومش هتفرق معاك الهاردوير بتاع الجهاز يبقى النوت 8

android

2013-12-31 (11:50:09AM)

هو من ناحية المواصفات فالنوت 3 افضل طبعا ديه مش محتاجة كلام و الشاشة رائعة وياه لو يكون نسخة ال4G اللى بيكون فيها اقوى معالج ده غير الذاكرة الداخلية ال32 جيجا انا شايف لو انت معاك تمنه هاته احسن وتوكل على الله وحجم الشاشة كويس جدا للنت والالعاب وكل حاجة

BoodyGen2

2013-12-30 (03:07:11PM)

بسم الله ما شاء الله .. ربنا يباركلك ف الجهاز ..
طب محل السعد ممكن يبعتلي واحد القاهرة ...
ومردتش عليا فيما يخص النوت 3

AliAfify

2013-12-30 (10:46:25AM)

الله يبارك فيك يا باشا
لو انتا عايز وبتحب الشاشات الكبيرة وهتعرف تنسجم مع حجمها الكبير ، ومش هيفرق معاك موضوع التصوير والكاميرا يبقى النوت 8 هيكون اختيار موفق جدا بالنسبة لك .. الجهاز بسم الله ما شاء الله عليه جميل جدا ، وانا بكتب لك من عليه دلوقتى .

BoodyGen2

2013-12-30 (08:02:20AM)

استاذ على اولا الف مبروك التليفون الجديد ... وانا مشكلتى انى هدوخ شوية على اللون الاسود هنا ف القاهرة ..
ويعنى انت من رايك ان نوت 8 احسن من النوت 3
وصحيح النوت 3 لو حضرتك هتبيعه ف هتبيعه على كام انا قريت قصته

AliAfify

2013-12-30 (07:44:26AM)

BoodyGen2 : النوت 8 أفضل من نوت 10 ( إصدار 2012 N8000 ) فى كل حاجه ما عدا إن الكاميرا بتاعته 5 ميجا بكسل برضه بس من غير فلاش والكاميرا الأمامية 1,3 ميجا بكسل مش 2 ميجا , ودى مقارنة بينهم :

والنوت 8 هو نفس مواصفات النوت 2 مع بعض الإختلافات , النوت 2 يتميز فقط فى نوع الشاشة وعدد البيكسلات فيها , وفى الكاميرا ... لكن النوت 8 يتميز بإنك تقدر تتحكم فى الجهاز بالقلم تحكم كامل ( أقصد أزرار الرجوع والخيارات وأداء القلم عليه وإستخدماته أفضل , ودى برضه مقارنة بينهم :

وعلى فكره أنا إشتريت النوت 3 وإستخدمته حوالى إسبوع , وبصراحة مطلعش زى ما توقعت .. هوه كويس مش وحش , ولكنه مش الجهاز الواااااااااااووو زى ما سامسونج أو بعض الناس حاولت تصورهولنا .

BoodyGen2

2013-12-30 (02:57:53AM)

تانى بكرر شكرى ليك وان شاء الله خلاص انا مرتاح لل 8 ... بس هو برضو فى منه فيتنامى و كورى وباي سامسونج وكده ... ولو فى افضلهم إيه ... وازاى اقدر اعرف ان ده الاورجينال الاورجينال .. اصلى قدامى واحد من على النت بسعر ممتاز واللون البنى بس بيقول وارد الخارج وكده ف مقلق شوية .. وهو لازم للنوت 8 المكالمات تكون بهاند فري او بلوتوث ولا المنظر بيكون مألوف لو اتكلمت منه وكده !!!

android

2013-12-30 (02:52:29AM)

هو كل واحد على حسب ذوقه هو اه النوت 10 حلو جدا وتحفه بس زى ما قولتلك مش هتفرق كتير فى المواصفات اللى بيفرق بس حجم الشاشة و ppi فى note 8 اعلى من 10 وكمان هتلاقى فى ناس كتير بتشكر فى 8 بس انت شوف الحجم اللى هيريحك فى الاستخدام واشتريه

BoodyGen2

2013-12-30 (02:33:41AM)

تسلم يا باشا على ردك وان شاء الله هستقر على النوت 8 ... اللى مجننى بس ان شوفت اراء كتير بتول ان النوت 10 افضل وبكتيييييييير !!!!!

android

2013-12-29 (11:27:07AM)

بص انت ابعد عن التاب 2 10.1 وخليك فى النوت احسن بكتييييييييير

وبالنسبة للنوت 8 او 10 سواء ده او ده مش هتفرق المواصفات اللى هيفرق بس حجم الشاشة وبرشحلك النوت 8 احسن

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 8.0 N5100

مقارنة

Android
8.0″

8.0 بوصة
3G

2G / 3G
5 MP, 25...
4600mAh

Li-Ion 4600 mAh, غير قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy Note 8.0 N5100

Android

8.0″

3G

5 MP, 25...

4600mAh