مشكله اتمنى تساعدوني بالله عليكم

للرجوع الي صفحة سامسونج Galaxy Note 3 الرئيسية اضغط هنا

trix7

2014-08-24 (07:00:20AM)

انا جبت الموبايل امبارح من شركه رايه عن طريق الاتصال بالكول سنتر
و شحنولي الجهاز على البيت من خلال شركه ارامكس و تم الدفع عند الاستلام

المهم لما استلمت العلبه لقيت العلبه مش متبرشمه و لزقات الشاشه و الظهر مش متماسكين و خصوصا الظهر اللزقه كانت متشاله

و كمان مفيش فاتوره ضريبيه ..الفاتوره اللي جايه هي فاتوره توصيل شركه ارامكس و بدون ختم ضريبي !!
هل دي بتعتبر فاتوره ضريبيه يعتد بيها ؟؟؟؟؟

و الضمان ..ضمان يونيون جروب و تاريخ الضمان عليه من بدايه شهر 3 !!! يعني كده الضمان فاضله 6 شهور و ينتهي ....

انا مش عارف يعني الواحد يشتري من شركه كبيره ومضمونه يحصله كده عشان طلب توصيل للمنزل..ده احترام العميل يا جماعه هم فاكرين العميل مغفل للدرجه دي تجيلي علبه مش متبرشمه و من غير فاتوره ضريبيه

الواحد اشترى من محلات عاديه محصلوش الكلام ده قبل كده

و كلمت الكول سنتر و مدنيش حل مرضى و بيسلموني لبعض الفروع و الكول سنتر ومش عارف هترسى على ايه !!!

حد عنده حل للمشكله دي و طريقه اخد بيها حقي منهم ؟

او طريقه اتاكد بيها اذا كان الموبايل ده مستعمل او جديد؟

بالله عليكم ساعدوني فلوسي اترمت في الارض

قدر الله و ما شاء فعل

AliAfify

2014-08-26 (07:31:59PM)

رجعهلهم يا باشا ! وكل اللى انتا قلته ده كفيل يخليهم ياخدوا الجهاز من سكات ويدوك فلوسك .. بس إذا عرفت إنتا تعرض وترتب كلامك صح وهددهم انك هتعملهم محضر رسمى وترفع عليهم قضية وانك هتدخلهم فى طرق تتعبهم وترازيهم , وبعد كده روح على أى مكان تانى محترم يكون ثقة بشهادة الأصدقاء هنا على الموقع وإشترى بنفسك وخد كل ضماناتك وإنتا واقف .. لكن كده ده إسمه إستهبال رسمى !

tmorgan

2014-08-28 (09:19:02AM)

شوف انت الصراحة غلطان
يعني تشتري حاجة غالية زي دي بالكول سنتر ....متروح تقف علي حاجتك و تنقي وتختار بفلوسك
انا لما اشتريت جهازي من سيلكت خليته يفتحة و يدخل علي النت و شفت ال imei علي جهاز المحل
علي لاالعموم قدر الله و ما شاء فعل
طبعا اوعي تسكت خلاص الجهاز معاك و انت تقدر تلاعبهم و ترمي عليهم طوب ممكن محضر و ممكن جهاز حماية المستهلك و ممكن تروح المحل تزعق قدام العملاء و كدة
ربنا يوفقك وتاخد حقك

تلك الخدمة مخصصة للأعضاء فقط