بدون عنوان

للرجوع الي صفحة سامسونج Galaxy Note 3 الرئيسية اضغط هنا

roseflower

2014-03-02 (05:03:06AM)

ممكن اعرف الفرق بين النوت 3 و s4 ...او اى موبيل تانى ( يعنى النوت احسن فى ايه ) ؟؟؟؟؟؟؟؟؟

tamer2015

2014-03-02 (05:48:01AM)

بص ياباشا اهلا بيك معانا اوﻻ
بالنسبة للموبيل فئة النوت تختلف عن فئة اﻻس فا انا وجهة نظرى النوت افضل خصا النوت 3

tamer2015

2014-03-02 (05:49:47AM)

النوت ثرى احسن فى كل حاجة ياباشا بالنسبة للاس 4
القلم البطارية الكاميرا الراك البرسيوسور فى كل حاجة بس مش ينفع لصلا تقارن بينهم لان دا حاجة ودا حاجة تانية

AshrafAshry

2014-03-02 (07:18:45AM)

عايز كاميرا و اداء فعلى فى الالعاب تقدر تمسك الموبايل ب إيد واحدة مش تحس انك ماشى ب حاجه كبيرة فى ايدك ولو اما تتكلم فيها بقى :D يبقى خليك فى فئة الجلاكسى اس 4

عايز موبايل قوى رام بروسيسور يستحمل معاك فى الالعاب بيهمك الشاشات الكبيرة يبقى النوت 3

semsemSiR

2014-03-02 (01:24:59PM)

بما ان الهاتفين معايا يوميا , يعنى انا معايا S4 9500 وصاحبى فى الشغل معاة النوت 3 ومعايا يوميا وعملنا مقارنة فى كل حاجة اى حد يتخيلها ولقينا ان الفرق فى الاتى فقط لاغير

1- الشاشة : افضل فى الالوان فى ال s4 عن النوت 3 , لكن كحجم النوت 3 افضل

2- السرعة : مافيش فرق الاتنين واحد مافيش اى فرق مابين الاتنين , بالعكس لما بتفتحى الاسماء فى النوت 3 بتغيب لمدة 3 ثوانى وتفتح وعلى حسب بردة حجم الاسماء لكن فى ال S4 مجرد مابتغضطى على الاسماء بتفتح على طول

3- البطارية : انا عامل تقرير كامل عن ال S4 وفيها استهلاك بطارية مدعم بسكرين شوت , التليفون قوى جدااااااااااااااااااااااا فى بطاريتة , لكن النوت 3 لو هتستخدمية كاتصال ونت خفيف هتلاقى البطارية ممتازة , لكن لو النت البطارية بتتسحب بسرعة جدااااااااااااا

4- الصوت : الاتنين نفس النقاء وكل حاجة , بس النوت 3 اعلى سنة بسيطة من ال S4

5- الكاميرا : افضل فى ال S4 عن النوت 3 والفرق دة هيبان فى الاضاءة الضعيفة , لكن الاتنين نفس الاوبشن بالظبط مافيش اى اختلاف

6- طبعا النوت3 يتفوق بفرق كبير فى الذاكرة الداخلية لو انتى هتجيبى ال S4 بالذاكرة ال16 جيجا لان النوت 3 نازل فقط بذاكرة 32 جيجا و 64 جيجا , مافيش منة 16 , والصافى الذاكرة عندك 25 جيجا

من الاخر الاتنين جامدين جدا , يعنى الاس 4 اقوى هاتف فى فئة ال S واقوى من منافسية , والنوت 3 افضل تليفون فى فئتة و وكمان افضل من منافسية , فشوفى انتى محتاجة اية من الهاتفين

hardtime

2014-03-02 (01:55:17PM)

الله ينور يا رجالة يسلموا
هى دى رجالة mob4me

alhoseny

2014-03-02 (02:39:28PM)

بص ياكبير ال s4جميل بس يعيبة سخونة الجهاز فقط لاغير غير كدة هو مشابه لنوت 3

youssefshabana

2014-03-02 (03:02:18PM)

والله يا جماعة مشكلة السخونة في الاس 4 اتحلت تمااااااااما بعد تحديث ال 4.3

walleking

2014-03-02 (05:45:59PM)

النوت احسن في السرعة والمساحة والرام والقلم واﻻلعاب وكبر الشاشة ااقول حاجات تاني وﻻ كفاية كدة

semsemSiR

2014-03-02 (07:24:11PM)

walleking

مع احترامى , لوجهة نظر حضرتك

بس انا زى ماقولت قبل كدة , الجهازين اتعمل بيهم مقارنة كاملة فى كل حاجة , احسن من اى مقارنة هتتفرج عليها هلى اليوتيوب , وانا هرد على النقط اللى انت كلمتها فيها

1- السرعة واحدة , مافيش فرق فى اى حاجة , ودية تجارب

2- المساحة ماشى بس لو بتتكلم عن ال 16 جيجا , لكن عندك 32 من ال S4 وعندك كمان ال 64 جيجا , لكن مش من العدل انك تقارن نسخة 16 جيجا بسنخة 32 جيجا

3- الرامات :هقولها تانى : الرام الكلى 2 جيجا فى ال S4 و 3 جيجا فى النوت 3

الفعلى فى الاس 4 راماتة 1.82 جيجا , والرامات مش بتعدى ال 1 جيجا استهلاك , يعنى فية 800 ميجا فاضية تستخدمهم بحرية تامة

النوت 3 : راماتة الفعلية 2.66 جيجا , والمستخدم منها بيوصل ل 1.8 جيجا بأقل تقدير لانها ساعات بتعدى ال 2 جيجا , يعنى بردة الصافى ليك هيكون مش اكتر من 800 ميجا

يعنى فى الاول او فى الاخر : الاتنين يأتوا برامات فاضية فى حدود ال 800 ميجا

3- القلم : هية دية ميزة , لو عايز قلم لل S4 موجود عادى جدااااااا وسعرة 250 -300 جنية بس

4- الالعاب : الاتنين واحد على فكرة هو الفرق ان حجم اللعبة بيكون اكبر ودة شىء طبيعى لحجم الشاشة , لكن فى الاول وفى الاخر الوان الاس 4 اقوى , غير كدة مافيش اى فرق بينهم

هقولك حاجة تانى : بطارية الاس 4 اقوى , وشكوى صاحبى دائما بسبب ضعف بطارية النوت 3 مع النت البطارية بتطير , بعكس الاس 4 اللى هو معايا فى نفس الاستخدام , مع العلم ان صاحبى دة مش منزل غير برامج شات فقط لاغير ( whats app- face book - viber ) والالعاب اللى كنا بنجرب عليها , نزلها للتجربة ومسحها بعد كدة

دة الفرق مابين الاتنين

فية حاجة تانى , ياريت تقولها ونقارن

semsemSiR

2014-03-02 (07:30:46PM)

على فكرة اللى بيسخن اوى النوت 3 مع النت والالعاب

لكن ال s4 انسى , خلاص التليفون اصبح بلا عيوب

hardtime

2014-03-02 (07:33:29PM)

semsemSiR\
انا عارف يا سمسم انك مش معاك النوت 3
ومش هقولك مين اللى قالك ان النوت 3 بيسخن
بس هسالك سؤال واحد ياباشا النوت 3 لما بيسخن بتوصل درجة الحرارة لكام؟

youssefshabana

2014-03-02 (08:05:43PM)

مع احترامي لسمسم انا بردو التليفونين معايا يوميا انا معايا الاس 4 واخويا معاه النوت 3 ودرجة الحرارة في النوت 3 لما بتكون عالية اوي مبتعديش 35 : 36 درجة وده لما بشغل لعبة تقيلة او بتصفح نت لمدة طويلة والمعدل ده طبيعي جدا وفي الوضع العادي الحرارة مبتعديش ال 30 درجة

semsemSiR

2014-03-02 (10:03:49PM)

hard time :

انا معايا النوت 3 يوميا , يعنى معايا تليفونى ومعايا النوت 3 , عموما انا حدد موقف التليفون

مع الالعاب التليفون بيسخن وعلى فكرة بتفرق فى اللعبة , عايز تجرب حرارة التليفون اللى انا جربت عليها وتشوف نزل لعبة real racing 3 وشوف السخونية وشوفها كمان هتلاقى الشاشة بتسخن

والنت لما تفضل مشغل النت او فيديوهات علية لمدة لا تقل عن نصف ساعة لكن مش 10 دقائق والكلام دة لأ مش هيسخن , ودرجة حرارة التليفون مانزلتش ليها برنامج اعرفها بيها , انا دة احساس ايدي وانا ماسك التليفون

yousefshabana: كلامك صحيح , بس النوت 3 بيعلى شوية عن كدة لان الحرارة بتكون عالية شوية والتليفون فعلا بيسخن فى ايدى

alhoseny

2014-03-02 (11:11:44PM)

semsemSiR ياعزيزى الحرارة بتعلى اكيد انت عندك برد وسخن حبتين لاكن الموبايل عن تجربة عمرة ما سخن

semsemSiR

2014-03-02 (11:57:56PM)

معلش بقى , هنعمل اية

ربنا يشفينا جميعا ان شاء الله

hardtime

2014-03-03 (05:11:12AM)

تانى يا سمسم
دخلت معا قبل كدة فى نقاش فى موضوع السيريل وبردوا موصلتش لحاجة
وتانى بقولك احنا كلنا استخدمنا الاس 3 والاس 4 وعرفنا يعنى اية درجة حرارة لما الفون
يبقى فى ايدى درجة الحرارة بتاعتوا فى الاس 3 مثلا55 وتيجى فى النوت 3 متعديش ال38
يبقى كدة انا بهرج .النوت 3 ياباشا مش بيسخن والا بقى 38 عندك اسمها سخونية
عند حضرتك اعلى من كدة بعد تشغيل الالعاب لمدة خمس ساعات متوصلة اتمنى تجيب برنت اسكرين
تقبل تحياتى ............

semsemSiR

2014-03-03 (06:42:23PM)

هارد :

هو انت فاكر ان موضوع السيريال انت صح فية ؟؟؟

لأ طبعا الاساسى والعامل الرئيسى , ان يكون الثلاث ارقام زى بعض , وانا كمان سألت واتأكدت

وعموما , اهم حاجة ان يكون السيريال اللى على الهاتف هو زى السيريال اللى تحت البطارية

تلك الخدمة مخصصة للأعضاء فقط