بدون عنوان

للرجوع الي صفحة سامسونج Galaxy Note 3 الرئيسية اضغط هنا

samunggalaxynote3

2013-12-05 (01:15:41AM)

السلام عليكم .. بدون تطويل الحمد لله انا اشتريت الجهاز من يوم الأحد اخيرا ..

السخه 3 جى من موبايل شوب ب 6999 جنيه اللون الاسود 32 جيجا .... الجهاز جميل بصراحه و شيك و بطاريته تحفه و مليان مميزات

لكن شكوتى الوحيده ..

فى على البلاى ستور لعبه ironman3 هى طويله شويه فى تنزيلها ..
لعبت لمده دقيقه بالظبط ... حسيت بسخونه فى ضهر الجهاز من فوق .. بعد ربع ساعه (الفريم بتاع الكاميرا كان ناااااار) انا موش ببالغ ... اقسم بالله بعد حوالى ربع ساعه كنت شامم ريحه شياط فى ضهر الجهاز لدرجه انى من كتر الخوف عليه شغلت التكيف و طلعت مسكت الموب قدام التكيف عشان يبرد ..
و كمان انا الرام معايا بتوصل 2.42 من اصل 2.66 و انا مش منزل غير ironman3 و subway و برنامج الفيس ماسنجر و برنامج قران و واتس اب ....

انا موش بقول ان الموبايل وحش بالعكس هو احسن من اى موب بينافسه لان مميزاته لا تقارن بعيب ظهر معايا او مع غيرى لأنى ببساطه ممكن استغنى عن اللعبه دى فى داهيه بس انا لاحظن حاجه قلت اقولهالكو ... ( هو تحفه بكل المقايس ) .. بس انا قلت شكوتى يمكن حد يفيدنى

أحمد محمد

2013-12-05 (01:19:09AM)

واضح إن الناس بقت بتخاف تشتكي من الموبايل و تقول بصراحة إن فيه مشكلة !!
:)

samunggalaxynote3

2013-12-05 (01:26:23AM)

ده حقيقى ... حسيت انى لو قلت المشكله على طول هاتشتم و انا بصراحه عاوز حد يقولى على حل ... هههههههههههههههههههه

SkyWarrior

2013-12-05 (01:28:39AM)

السخه 3 جى من موبايل شوب ب 6999 جنيه
هههههههه يانهار اسود ،، دانا لو منك تبقى هية دي شكوتي الوحيدة

هو فعلا تليفون حلو وكل حاجة "نظريا" زي مابنشوفها على اليوتيوب ،، بس احنا عايزين العملي يباشا يبقى عامل ازاي بس

Alexawy86

2013-12-05 (01:31:15AM)

اولاً مبروك على الجهـاز وأكيد تقصد 5999 جنيه وليس 6999 جنيه ،
ثانياً مشكلة سخونة الجهاز أشتكى منها الكثيرين لكن بدرجات متفاوتة لكن لم يذكر أحد موضوع الشياط دا خالص وممكن تكون أتهيقلك لأن مش معقول يكون الجهاز طلع شياط وإلا ماكنش أشتغل تاتى .. وبعدين عامة أنت لسه فى الضمان وأنت شاريه من محل معروف فأستنى وشوف أيه موضوع السخونية المبالغ فيها ..

samunggalaxynote3

2013-12-05 (01:32:59AM)

الموبايل نظريا و عمليا جميل و تحفه و شيك جداااااااااا .. فكره وجود عيب فو جهاز شىء وارد و اساسى لكن استخدامك للموبايل هو اللى بيفرق .. انا عن نفسى مقابلتنيش غير المشكلتين اللى قلت عنهم .. واتمنى الاقى حل ليهم هنا ... ولو سخونه الجهاز امر واقع مع اللعب اللى جرافيكس بتاعها عالى اوى هاستغنى عن اللعبه دى خالص

samunggalaxynote3

2013-12-05 (01:40:26AM)

اسف على الخطأ 5999 ... بص شياط بمعنى رائحه فى ضهر الجهاز .. عارف انت لما تولع الولاعه على محفظه كده بتشم ريحه شياط خفيف كده .. نفس الريحه دى كانت فى ضهر الموب مع سخونه عاليه جدا فى الفريم بتاع الكاميرا

SkyWarrior

2013-12-05 (01:41:15AM)

samunggalaxynote3

لو على الجرافيكس ياغالي إنت عندك كارت شاشة قوته 600 ميجا هرتز ،، عمرها ماهتبقى مشكلة في الجرافكس

samunggalaxynote3

2013-12-05 (01:41:35AM)

الكلام ده حصل بعد ربع ساعه من لعبه ironman3 ...

bobma

2013-12-05 (01:41:52AM)

اعتقد ان مع التحديثات الدنيا هتكون كويسه غير ان نظام الكيت كات اعتقد هيخلى اداء الجهاز احسن

samunggalaxynote3

2013-12-05 (01:42:42AM)

امال انت شايف المشكله فى ايه ... اشمعنى اللعبه دى اللى حصل معاها سخونه بطريقه مبالغه و مخيفه

bobma

2013-12-05 (01:57:38AM)

انا ف راي ان سوفت وير سامسونج كبير و دايما استهلاك الرامات عالى خاصتا ف الاس 4 او النوت 3 بس اكيد مع التحديثات الدنيا هتتحسن وبردوه الالعاب العاليه بتبهدل اى جهز و ييدو ان مشكلة الرامات ف ال 4جى بردوه و سامسونج اكيد هتحل الموضوع ده ديه سماعة شركة غير ان ليها منافسيين كتير و اى جهز جديد ينزل ممكن تحصل فيه مشاكل اول ما ينزل انا لسه للاسف ملمتش فلوسه ومستغليه ف نفس الوقت بس باذن الله انا هجيوه لان انا ميل ليه اكتر من الزد وان

tamer2015

2013-12-05 (01:58:07AM)

samunggalaxynote3
بص ياريس انا تعبت التعلقات كلها فى موضوع السخونة الزائدة بتاعتك دى وعمتا انا بحمل اللعبة مخصوص دلوقتى علشان اجرب وهلعب ربع ساعة عليها او تلت ساعة وهشوف بس دقينى انا متاكد ان دا طبيعى انت عاوز لعبة بالجرافيك دا والكوالتى العالى بتاعها ومش الموبيل يسخن دى اللعبة جيجا وشوية اعتقد ان السخونة دى عادى وعمتا هشوف وهنزلها وهبقى ارد مش تقلق كل حاجة تمام وانت جايبة من مكان محترم موبيل شوب انا جربتهم فى موضوع ال 14 يوم وناس محترمين مش تقلق وانا جبتة زيك من مكان كويس وبنفس السعر بتاعك لا تقلق

tamer2015

2013-12-05 (02:58:00AM)

بص انا نزلتلك اللعبة على موبيل مخصوص اهو ولعبتها عمتا بالنسبة للسخونة كنت اتوقع على كلامك انك شمست ريحة شياط من الموبيل حسيت ان هتبقي حرارة الجهاز 60 لكن حراراة الجهاز بالطبع وصلت لاغلي شئ اللى هو تقريبا 36 اللى محدش عداة ودا للينك لخرارة الجهاز بعد ما فضلت العب في ارون مان نص ساعة تقريبا .... المهم كل اللى عليك تلعب اللعبة نص ساعة وتصورلى درجة حرارة جهازك كام وقتها ودا اللينك بتاع درجة حرارة الجهاز

وانا شابف ان دى مش مشكلة بصراحة طلاما معداش الحد المسموح ( 36 )

ahmeedtop28

2013-12-05 (07:09:54AM)

الناس عاوزة تلعب العاب الجرافيك بتاعها عالى ومش عاوزة البروسيسور وكارت الشاشة حرارتهم تزيد طب بلاش الموييل اى حد كدة يجرب يلعب لعبة الجرافيك بتاعها عالى على الكمبيوتر زى مثلا call of duty ghost اكيد هتلاقى درجة حرارة الجهاز مرتفعة وتسمع صور المروحة سواء بتاعت البروسيسور او كارت الشاشة لان اللعبة بتسحب كل امكانيات الجهاز فاطبيعى ان الحرارة تزيد فما بالك بقى بموبيل فاطبيعى بردو ان اى لعبة عالية تسحب كل امكانيات الموبيل انا بتكلم بشكل عام سواء سامسونج او سونى او اى نوع تانى

تلك الخدمة مخصصة للأعضاء فقط