بدون عنوان

للرجوع الي صفحة سامسونج Galaxy Note 3 الرئيسية اضغط هنا

menarenoo

2013-11-25 (09:44:26PM)

galaxy s5

يا جماعه التليفون ده شكله هيبقي مالوش حل

لو فعلا الخبر ده حقيقي

SkyWarrior

2013-11-25 (09:59:23PM)

لو الخبر ده حقيقي يبقى هازغرط

جلاكسي اس 5 = سعر النوت 3 هاينزلللللللللللللللللللللللللللللللل للللللللل

أحمد محمد

2013-11-25 (11:17:06PM)

إزاي الخبر حقيقي و هو بيقول إن الجهاز هيبقى من الالمنيوم
و المعالج من نوت 64 بت
و الرام 3 ميجا بيكسل !!!!

SkyWarrior

2013-11-26 (01:19:31AM)

أحمد محمد
ههههههههههههههههههههههههههههههههههههههههه

mahmoudkmeg

2013-11-26 (07:02:20AM)

يا أستاذ أحمد محمد يمكن حالة الذهول اللى عندك من الامكانيات والتصنيع خلتك تتلخبط فى الكتابة لأن البروسيسور هيكون من نوع 64 بت بس الخبر ما قالش سرعته كام وكام نواة والرمات 3 جيجا بايت والكاميرا 16 كيجا بيكسل .
وفيه على فكرة شركات بتنزل موبايلات بمواصفات عالية جدا وبأسعار رخيصة جدا لأنها بتعتمد على استخدام أبحاث الشركات التانية وده بيكون توفير جامد لها يعنى مثلا عندك فيه موبايل مصنعاه شركة صينية موديله ZP998 بمعالج ثمانى النواة مش رباعى من نوع كورتيكس A7 بسرعة 1.7 جيجا هرتز يعنى أعلى بروسيسور لجهاز موجود فى السوق لأن أجهزة سامسونج اللى قيها اثنين بروسيسور رباعى ما بيشتغلوش مع بعض يعنى الجهاز فى الأخر شغال بمعالج رباعى وتخيل إن الجهاز الصينى برامات 2 جيجا وذاكرة داخلية 32 جيجا وكاميرا خلفية 14 ميجا وأمامية 5 ميجا وكارت شاشة Mali-450MP4 (700 MHz) وشاشته 5.5 بوصة وبيستخدم نظام تشغيل مطور من الأندرويد بإمكانيات ومزايا أعلى وده كله وسعر الجهاز بالمصرى 2100 جنيه فقط مع إن أمكانياته على الورق تعتبر أعلى من s4 وبيتميز عن النوت 3 فى حاجات كثيرة والجهاز ده مش موجود فى مصر .

أحمد محمد

2013-11-26 (11:40:39AM)

أنا متلخبطش في الكتابة ....... الخبر اللي كاتب كدا :)

و بالنسبة لل s5 .... حسب الفيديو هو جهاز جامد جدا و نقلة جديدة خالص لسامسونج
عاجبني التصميم الجديد و خامات الألومنيوم و البطارية ال 4000 ملي أمبير .... و لو إني أشك بنسبة 95% إن سامسونج تقدر تحط بطارية ضخمة زي دي على جهاز 5 بوصة !!
كانت عرفت تحطها في النوت 3 ..... أو على الأقل الميجا 6.3 !
لو إنت متابع هتعرف إن ال 4 أمبير دي بطارية التاب ال 7 بوصة .... ف أعتقد مستحيل تتحط في موبايل 5 بوصة صغير

و كمان للأسف الشاشة منحنية
انا مش عارف لحد دلوقتي الشاشت المنحنية دي إيه لزمتها او فايدتها بالنسبة للمستخدم

و بالنسبة للموبايل الصيني
الموضوع مش بيبقى بالأرقام اللي على الورق لأن مستحيل شركة صيني مش مشهورة و مش ناجحة في السوق العالمي تصنع أجهزة أحسن من الشركات العالمية زي سامسونج و ابل و سوني و ال جي و نوكيا .... الخ
دي بتحط ارقام على الورق بس .... لكن هتلاقي عيوب كتير فيه
العيوب اللي ملهاش علاقة بالمواصفات .... زي السخونة و ضعف البطارية و التصوير السيئ و الصوت الواطي او مش نقي و التاتش مش سلس و مش دقيق و الشاشة صورتها وحشة ..... الخ
بس اكيد طبعا مش هتلاقي دول كلهم في نفس الجهاز ... لكن على الاقل هتلاقي فيه عيوب كتير

menarenoo

2013-11-26 (01:30:16PM)

أحمد محمد

الاخبار زي ما انت عارف كلها مسربه مافيش اعلان رسمي من الشركه بس هو ممكن يكون اقرب مايكون من الحقيقه مع اختلاف حجم البطاريه والجسم الالمونيوم في اخبار من فتره ان الاس 5 هينزل بجسم المونيوم انا كمان مش واثق في الفيديو اوي انا قولت لو هو فعلا كده هيبقي موب مالوش حل

تلك الخدمة مخصصة للأعضاء فقط