بدون عنوان

للرجوع الي صفحة سامسونج Galaxy Note 3 الرئيسية اضغط هنا

blackangel

2013-11-08 (06:21:24PM)

أرجو من الادارة غلق حسابى اعتراضا على المهازل الى بتحصل فى الصفحه وعدم الافادة والخروج عن الهدف الاساسى منها وهو الافادة والاستفاده بمعلومات عن النوت 3
ارجو تنفيذ طلبى بجد علشان زهقت وكفايه عليا الى عرفته
مع كامل احترامى لكل الاعضاء بدون استثناء احد :)

ZWINKY

2013-11-08 (06:25:06PM)

نفس ردى على الاسناذ bobma ................. طب ياريت تقولينا ايه اللى اتقال و كان سخيف عشان ناخد بالنا على فكرة احنا اخر حاجة كنا بنتكلم فيها هى الباركود و البلاد المصنعة و مظنش ان دى حاجة سخيفة و اكيد تهم اى مستهلك و بعدين جرب كدة تسأل اى سؤال هتلاقى الف مين يجاوبك عليه و اكثرية الاعضاء اللى هنا ما شاء الله محل ثقة و انا عن نفسى بستفيد منهم

Mahmoud Samir

2013-11-08 (06:27:34PM)

ليك حق والله اذا كان انا مشرف هنا وكنت بفكر ان حسابي يتقفل بعد ال حصل ع الواحد زهق كلام ومافيش فايدة بس نرجع ونقول الناس ال داخله تستفاد ايه ذنبها !!! ف نستحمل شوية وصدقني العمليه اكيد هاتهدي مش هايفضلوا يتخانقوا كدا ع طول وربنا يهدي الجميع..

blackangel

2013-11-08 (06:36:33PM)

باختصار شديد مش انا زهقت
وكشعب مصرى مختلف العقول والثقافات مش هنبطل اختلاف وشتيمه فى بعض وكل واحد حاسس انه هو بس الصح والى بيفهم وبصراحه الصفحه مسارها اتغير عن الفون وبقت للاهانت والشتيمه فى بعض طب وعلى ايه كل دة انا لما احب اعرف حاجه هخش اى موقع اجنبى او منتدى للموبيلات واعرفها على الاقل هيحترموا كل الناس ودة رأييى بكل صراحه رغم ان فى ناس هنا انا زعلان انى مش هقدر اتواصل معاها تانى زى استاذ على عفيفى واستاذ محمود سمير وهارد تايم وديدا
بجد من اكتر الناس احترام فى الصفحه وعقلانيه
وبرده اتمنى ان الادارة تلبى رغبتى وتوقفلى العضوية :(

returnoo

2013-11-08 (06:41:54PM)

blackangel
اخوك sonmez كان عاوز يعرف الفيتنامى وبنتناقش معاه عن النوت وصناعته متنساش اننا بنتبادل المعلومات فى اطار تواصل اجتماعى محنش فى محاضرة علمية المهم كله فى حدود الاحترام المتبادل
انتا نفسك من يوم كتبة اية قرانية بتفسيرها طب هو احنا فى جامع حتى الاية الكريمة ملهاش علاقة بموضوع الكلام خالص
انتا حر بس ما حدش قالك اتكلم فى الموبيلات يا اما ﻷ
نستحمل بعض.............

blackangel

2013-11-08 (06:48:54PM)

انا شايف انى زهقان وقرفان من الى بيحصل فى الصفحه كل يوم من شتيمه ومحدش طايق التانى ومش فاهم السبب ليه
والايه القرانية الى انت بتتكلم عنها انا كتبتها يمكن الناس تتكسف من كلام ربنا تتقى ربنا شوية فى الردود الى مليانه شتيمه وافتكر دى حاجه مش وحشه يعنى
مش كل رد هنرد عليه 200 رد وياريتهم فى سياق الموضوع الاساسى اصلا انما اغلب الردود خارج الموضوع اساسا

أحمد محمد

2013-11-08 (06:53:32PM)

blackangel
فين يا باشا الشتيمة و الناس اللي مش طايقة بعضها
أنت أكيييييييييييييييييييد مقرأتش التعليقات أصلا

blackangel

2013-11-08 (06:54:54PM)

خلاص يا جماعه مفيش شتيمه ولا حاجه وانا بخترع من دماغى
لو سمحتى انا طلبى محدد وافتكر انه من حقى الغاء العضوية ومش عاوز اكتر من كدة وشكرا ليكم

returnoo

2013-11-08 (07:09:02PM)

blackangel
القران الكريم على راسى محدش قال حاجة لكن مش كلام عن الموبيلات هو اعظم واسمى لكن مش كلام عن الموبيلات
ثانيا دلوقت كام كومنت منك نصح وارشاد وانتقاد مش كلام بارده عن الموبيلات
طب اشمعنا انتى بقى طب مين اداك الحق تنقد وتحقق وتقيم الاعضاء لمتزن وعاقل ولمحتاج للنصح والارشاد
بصراحة كلام غريب وانتقاد مش فى محله خالص انا مش شايف حد زعلك

blackangel

2013-11-08 (08:55:23PM)

خلاص يا جماعه انا محقوق ليكوا كلكوا والى عاوز يعمل حاجه فى المنتدى يعملها
والله لو نفذوا طلبى يبقة كويس منفذوش هما حريين بس انا عن نفسى مليش دعوة مهما يحصل بعد كدة

تلك الخدمة مخصصة للأعضاء فقط