هذا الموضوع مرتبط بـ Galaxy Note 3

بدون عنوان

dedatodo

2013-10-26 (12:44:35AM)

استاذ wolfattak بخصوص سؤال حضرتك
حضرتك شركة باي ان ايرن فعلا شركة محترمة والكلام ده كلام موثوق فيه لان انا واحدة كنت شاكة فيها كده بس الحمد لله اتأكدت انها محترمة بمساعدة العضو االمحترم استاذ ديجيتال .بالنسبه ان حضرتك تعمل اوردر من باي ان ايرن انت حضرتك بتدخل الويب سايت تعمل حساب وتدخل علي صفحة الموبايل تختار add to cart وبعدين checkout وبعدين حضرتك بكتب المعلومات اللازمة وبعدين تختار طريقة الدفع عند الاستلام ولو حضرتك برة الاسكندرية او القاهرة من محافظة تانية تقدر حضرتك تكلم خدمة العملاء علي رقم0226704446 وهما هيتفقوا مع حضرتك يوصلوا الجهاز ازاي وربنا يوفقك

return

2013-10-26 (01:29:31PM)

معاك فى الال جى 2 ولو ان نادرا اما حد بيدعم بذاكرة خارجية
طب والسونى زد 1 ايه عيبه

SkyWarrior

2013-10-26 (02:32:08AM)

return على فكرة يافندم LG2 مشكلته إنه مبيدعمش ذاكرة خارجية

يعني ملفاتك وتطبيقاتك كلها على مساحة محدودة

دي تعتبر أكبر مشكلة فيه من أكتر من ناحية مش بس المساحة للأسف..
لكن كمميزات وإمكانيات ونظام النوت 3 يستاهل أنه خد الإهتمام بعيد عن الإل جي والسوني

AliAfify

2013-10-26 (02:27:05AM)

dedatodo
للأسف مفيش توصيل خارج القاهرة والإسكندرية , ومفيش شحن برضه .. بس هما بيحاولوا يشوفوا حل للموضوع ده .
return
الشركة فعلا شكلها محترم جدا وواضح إن سعره الأجهزة عندهم كويس جدا بإعتبار إن الشركة بتدى ضمان عام .
النقطة التانية إنى بحب فكرة النوت جدا ( يعنى القلم والشاشة الكبيرة المعقولة ) سونى مبحبهاش خالص بصراحة وإنطباعى عنها سيئ .. أما الإل جى جى تو فده جهاز فعلا كويس جدا ولو هشترى جهاز غير النوت 3 هيكون الجى تو .. بس زى ما قلت لك إنى بحب فكرة القلم والشاشة الكبيرة .. وياريت تشوف المقارنة دى

return

2013-10-26 (02:16:35AM)

AliAfify
الشركة محترمة فعلا وسعرها حلو بالنسبة لضمان السنة وضمانهم حقيقى فعلا
بس انتا لسه ما اشترتش فيا ريت تاخد فكرة عن السونى زد ون و ال جى جى 2
بزات الاتنين دول قبل ما تشترى والنوت 3 ممتاز بس خلى الاتنين دول فى بالك

return

2013-10-26 (02:10:22AM)

dedatodo
ذوق ذوق حتى لو ما عندكيش معلومة
على فكرة ما فيش احسن من التأنى لسه
لحد دلوقت فيه خلافات فى حاجات كتير

dedatodo

2013-10-26 (02:07:00AM)

استاذ علي يعني انا علشان اشتري لازم اسافر هناك مينفعش يتم التوصيل تبع شركة شحن ولا لازم اتمرمط

AliAfify

2013-10-26 (01:59:37AM)

على فكره أنا بفكر بقوة إنى أجيب الجهاز من عندهم , لأنى لسه مش هسافر دلوقتى , وأول حد من أصحابى قادم من أمريكا هيكون لسه على نص 12 ... هما عاملين موقع محترم قوى ,وكلمتهم على التليفون يوم الأربعاء تقريبا وحسيت فعلا إنهم شركة محترمة وبتحاول تبنى إسم ... المشكلة بس فى إنى مقيم فى ( مدينة إيتاى البارود بمحافظة البحيرة ) يعنى خارج القاهرة والإسكندرية ومفيش توصيل لباقى المحافظات لسه , يعنى لازم أنزل القاهرة مخصوص وأجيبه .. إحتمال كبير أنزل اليومين الجايين بإذن الله . بس عايز أشوف لو فى إكسسوارات أجيبها بالمره .. يا ريت رجالة القاهرة يقولوا لنا عن مكان محترم تكون إكسسوارات الجهاز فيه متوفرة .
على فكره لفت إنتباهى برضه إن باى أند إيرن بتبيع النسخة 3 جى بـ 5,255 EGP ومعاها ضمان سنة .. يعنى تقريبا بسعر الدولى اللى من غير ضمان ,, أنا شايف إنها بتنافس فعلا بقوة .
الطريف فى الموضوع إنى لما كلمت خدمة العملاء وطلب معلومات أكتر عن الشركة وعن الموبايل فالموظف حولنى لشخص تانى , وإذا بيه الأستاذ ألبرت اللى كان كاتب تعليق هنا على الصفحة من فترة , وطلع شخصية محترمة وظريفة جدا وقعدنا نتناقش ونتكلم تقريبا حوالى 40 دقيقة :)

dedatodo

2013-10-26 (01:54:51AM)

شكرا لحضرتك .للأسف الجهاز مش معايا وانا بحاول اجمع قدر كبير من المعلومات عنة قبل مااشتريه والمعلومه اللي بعرفها بحاول اشاركها مع غيري .بس انشاء الله الاعضاء اللي بالفعل معاهم الجهاز يساعدوا حضرتك وكنت اتمني اساعدك.

return

2013-10-26 (01:18:59AM)

dedatodo
من اكثر الاعضاء اهتماما بالاخرين
يا ريت لو معاكى النوت 3 تشاركينا فى الاراء

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 3

مقارنة

Android
1080 x 1920 pixels, 5.7 inches (~386 ppi pixel density)
3G

2G / 3G
13 MP, 4...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy Note 3

Android

1080 x 1920 pixels, 5.7 inches (~386 ppi pixel density)

3G

13 MP, 4...