بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ Galaxy Note 3
للرجوع الي صفحة الرئيسية اضغط
هنا
بدون عنوان
تلك الخدمة مخصصة لاعضاء الموقع
معلومات سريعة عن Samsung Galaxy Note 3
-
Android
-
1080 x 1920 pixels, 5.7 inches (~386 ppi pixel density)
-
3G
2G / 3G -
13 MP, 4...
موقعكم موقع محترم جدا وذكى , وأنا وأصدقاء كتير بنلجأ ليه كتير علشان نعرف الجديد ونشوف الأسعار والتعليقات , ومش عايز أقول قد إيه التعليقات سواء إيجابية أو سلبية ممكن تفيد حد بيفكر يستخدم أى جهاز .
المهم :
موضوع بقى الناس اللى بتطحن فى بعض تحت , وكأن معانا على الموقع مالكى مش بس مديرين شركات أجهزة الموبايل .. وده بيشتم فى ده , وده بيحب فى ده !! مش طريقة خالص .
المفروض اللى يدخل على صفحة أى محمول يا إما يضيف معلومة ( حاجه موثوقة ) أو ياخد معلومة ( وأكيد هى دى فكرة الموقع [ اللى بشوف إنه موقع خدمى رائع جدا ] ) .
طيب رؤيتى إيه :
أنا شايف زى ما فى صفحة لكل جهاز محمول , يكون فى صفحة لكل شركة علشان الناس اللى بتهتم بتاريخ وقصة حياة وإيجابيات وسلبيات الشركات يكون عندهم فرصة يكسروا فى بعض هناك بعيد عنى كمستخدم عادى كل اللى يشغله الجهاز اللى هيشتريه بس .
لكن أنا مش أدخل على صفحة أى جهاز ألآقى اللى بيشتم واللى بيحب واللى واللى ..... ومعرفش أطلع بمعلومة مفيدة ! وياريت اللى يعلق على يكون تعليقه فى محله يعنى على سبيل المثال : ملاقيش حد بيضيف معلومه أو عايز إستفسار مثلا عن أى فون فى صفحة جلاكسى نوت !!
وياريت كل اللى يخالف الكلام ده ياخد تحذير شديد اللهجة وبعدين يوقع عليه أى عقاب بعد كده حتى وإن وصل إن حسابه يقف ويمنع دخوله الموقع ولو من حساب آخر !
---------------------
موضوع بقى الإنحياز لماركات أو شركات معينة أنا مش شايفه بالشكل ده .. هى موضوع راحة وموضوع شركة بتعرف تقرأ وتجذب العميل بتاعها ... عن نفسى شايف إن سامسونج شركة كويسة مش وحشه وإن ممكن تكون الشركات التانية أفضل منها بمراحل .. لكن أنا إنجذبت لفكرة النوت والقلم جدا , ولغاية لما شركة تانية تعمل فكرة النوت بنفس طريقة سامسونج أو أفضل هتفضل سامسونج الأفضل بالنسبة لى لأنها عرفت تقرأنى وتشوف أنا عايز إيه وتعمله !
=============
أسف جدا على الإطالة , ولكن وجب التنبيه ..... شكرا جزيلا