هذا الموضوع مرتبط بـ Galaxy Note 3 Neo

محتااااار

mahmoudoka7757

2014-07-17 (05:32:20AM)

كنت عاوز اعرف انهي افضل هل ال note 2 ولا ال note 3 neo ولا note 3 neo duos انا لما استخدمت النوت 2 صراحة كان تحفة فا كنت بفكر اجيبو تاني فا محتار بين الاجهازة ده وفي ناس كتير بتقلي ضمان ملهوش لزمة وانا اهم حاجة عندي الكاميرة واني الجهاز ميكونش بيهنج خالص وطبعا البطارية ارجو الافادة

mostfakapo

2014-07-18 (10:06:20PM)

شكرا جزيلا للمساعدة وعلي معلومات المفيدة ده

youssefshabana

2014-07-18 (08:59:25PM)

ﻷ عادي يا باشا ولا يهمك

OCTA CORE يعني ثماني النواة
HEXA CORE يعني سداسي النواة
QUAD CORE يعني رباعي النواة
DUAL CORE يعني ثنائي النواة
SINGLE CORE يعني احادي النواة

ومش دايماً الافضل يكون اكتر في عدد اﻷنوية في معالجات كتير DUAL CORE واحسن من ال QUAD CORE والعكس

هي بتفرق بنوع المعالج والمعمارية بتاعته

لكن البروسيسور في النسخة ال HEXA CORE افضل من البروسيسور في النسخة QUAD CORE في النوت 3 نيو

و النسخة ال HEXA CORE هي اللي بشريحة واحدة اما النسخة ال QUAD CORE اللي بشريحتين

mostfakapo

2014-07-18 (08:01:43PM)

انا اول مرة اسمع عن حاجة اسمها HEXA CORE معلش معلوماتي قليلة شوية طب هو ال QUAD CORE احسن ولا ال HEXA CORE

youssefshabana

2014-07-18 (07:14:10PM)

لأ يا باشا مفيش منه DUAL CORE خالص هو نسختين بس اللي بشريحة واحدة HEXA CORE واللي بشريحتين QUAD CORE سواء 4G او 3G

والله يا باشا صعب تلاقي حاجة احسن بنفس سعره ده كمان في تليفونات كتير اغلي منه واقل منه في المواصفات بكتير لكن عندك مثلا ال HTC Desire 816 ده جهاز ممتاز جدا بردو وتقريبا سعره زي النوت 3 نيو لكن اقل في الرام والبروسيسور والميموري والبطارية لكن الجهاز سريع جدا عشان الواجهة بتاعته HTC Sense UI v6 بس الاكسسوارات بتاعته مش منتشرة زي السامسونج فانا شايف ان النوت 3 نيو يعتبر افضل

إلا بقي لو طلعت بالسعر 3600 : 4500 جنيه في ال LG G2 وفي النوت 3 العادي دول اللي يعتبروا افضل منه لكن فرق السعر بينهم كبير

mostfakapo

2014-07-18 (05:43:41PM)

وهل في حاجة في سعر ال note 3 neo او اغلي شوية احسن منو ؟

mostfakapo

2014-07-18 (05:41:11PM)

تمام شكرا لمساعدة حضرتك معلش عارفين اننا تعبناك معانة بس سؤال اخير انا سمعت اني 3g منو Dual-core وال 4G هو اللي Quad-core عل معلومة ده صحيحة ولا هما الاتنين Quad-core ولو صح هل هتفرق كتير وهل ال 4g شغالة في مصر انا سمعت انها اشتغلت

youssefshabana

2014-07-18 (04:24:11PM)

ايوا يا باشا عليه حماية Corning Gorilla Glass 3 زي النوت 3 بالظبط وطبعاً هي مهمة لكن اﻷهم منها ال Screen Protector

الشاشة ضد الخدش لكن مش ضد الكسر فﻷضمن انك تحط سكرينة علي الشاشة

والسعر بقي والله حسب اﻹقبال علي التليفون يعني اديك شايف النوت 2 اللي أقدم منه واقل منه في المواصفات اغلي منه وده عشان اﻹقبال الكثيف علي التليفون

وزي ما قال الاخ احمد ان التجار مش مهم بالنسبالهم مين الاقوي الاهم اللي عليه اقبال اكبر فبيزودوا سعره او بيخلوه زي ما هو و بيقللوا سعر اللي مش منتشر اوي او المش معروف

mostfakapo

2014-07-18 (03:34:48PM)

انا متابع موضوع واقتنعت برأيك يا استاذ يوسف بس هو كان في سؤال هو جهاز عليها حماية جوريلا جلاس ولو معلهوش هيا هتفرق اوووي ولا وبالنسبة اني سعرو 2750 دلوقت هل بيبقي في احتمال انو يغلي تاني ولا هيفضل ينزل عشان مشترهوش مثلا وافكر ابيعو اخسر فيه كتير

ahmeedtop28

2014-07-18 (05:13:45AM)

ضيف على كدة انك لو سالت اى حد فى مصر على النوت 2 هيقلك اعرفة انما النوت 3 نيو مش هتلاقى كتير حد يعرفة دا انا والله نزلت عشان اجيبة فبسال محل لقيتة بيقلى مانزلش مصر فدة احسن بالنسبالى طبعا عشان يكون سعرة ارخص شوية من النوت 2 رغم انة افضل منة بس التجار ملهمش دعوة بمين افضل ليهم بالى مسمع ومنتشر وعلية اقبال زى النوكيا زمان

youssefshabana

2014-07-18 (01:20:09AM)

ايوا يا باشا الاكسسوارت بتاعته متوفرة في كل مكان زي النوت 2 بالظبط

ويمكن سعر النوت 2 ثابت ومش بيقل عشان الإقبال عليه كثيف وده عشان الجهاز مفهوش مشاكل ومحدش بيشتكي منه غير نادرا اوي

برغم انه يعتبر قديم لكن سعره زي الاس 4 تقريبا اللي هو المفروض احدث و اقوي منه

لكن ناس كتير بتفضله عن الاس 4 واجهزة كتير غيره عشان مشاكله أقل

عشان كده لسه ماسك نفسه في السوق والناس بتشتريه لغاية دلوقتي

ولو انتا عاوز تجيبه تاني مفيش مشكلة مش هتندم بردو لكن انا بقولك ان النوت 3 نيو افضل منه عشان احدث منه و في المستقبل هينزله تحديثات مش هتنزل للنوت 2 + ان مواصفاته اعلي

والنوت 2 بنسبة كبيرة هيقف عند الكيت كات

mahmoudoka7757

2014-07-17 (09:44:06PM)

شكرا لمساعدة حضرتك بس سؤال اخير هيا الاكسسورات بتعتو متوفرة في سوق ولا لا جربات وكدا وسؤال تاني انا ملاحظ اني نوت 2 سعرو سابت بيتراحو مابين 3000 لي 3200 من غير ضمان ونوت نيو احدث وارخص طب ازاي او ايه سبب

youssefshabana

2014-07-17 (01:02:42PM)

النوت 3 نيو اللي بشريحة واحدة افضلهم هاته ومش هتندم ان شاء الله :)

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 3 Neo

مقارنة

Android
720 x 1280 pixels, 5.5 inches (~267 ppi pixel density
3G

2G / 3G
8 MP, 32...

مزيد من المعلومات

الموبايلات

محتااااار

التسجيل بالموقع

دخول الاعضاء

معلومات سريعة عن Samsung Galaxy Note 3 Neo

Android

720 x 1280 pixels, 5.5 inches (~267 ppi pixel density

3G

8 MP, 32...