بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ GALAXY Note 3 Neo Duos
للرجوع الي صفحة الرئيسية اضغط
هنا
المقارنه بينHTC 816 والنوت3 نيو دوز
تلك الخدمة مخصصة لاعضاء الموقع
معلومات سريعة عن Samsung GALAXY Note 3 Neo Duos
-
Android
-
5.5″
5.5 بوصة -
3G
2G / 3G -
8 MP, 32...
-
3100mAh
Li-Ion 3100 mAh, removable
المهم الناس عايزه تعرف الفرق بين ال 816 والنوت3 نيو دوز ابو خطين
سعر ال 816 3000ج بالضمان والفاتورة الضريبيه ويفضل نشتريه من مكان بفاتورة ضريبيه زى فودافون او كارفور او بى تك عشان الضمان بتاعه لسه ماحدش جربه عشان نبقى فى الامان
الجراب الاصلى الفيب بسنسور ب 250ج والاسكرينه عدد 2 ب 90ج وليه جراب فليب عادى ب 75ج وجراب ضهر ب 30ج
سعر النوت3 نيو دوز بالضمان 3875 ج بالضمان وب 3250ج ضمان دولى
الجراب الاصلى ابو سنسولا لسه مانزلش – ليه جراب فليب محترم جدا ب 110ج بس من غير سنسور – جراب الضهر ب 20ج – سكرينه ضد الكسر بتدى نقاء الزجاج ب 80ج
فى 3 حاجات المستخدمين ل 816 شايفينها عيوب لكن انا من وجهة نظرى شايف الموضوع عادى
1 - زرار الباور فى مكان سىء شويه – علاجه تركيب جراب اصلى بسنسور ب 250ج عشان الشاشة تفتح وتقفل مع الجراب
2 – عد ظهو رساله ويتنج عند اتصالك برقم يكون معاه مكالمه اخرى
اولا ده موجود فى كل موبايلات ايفون و HTC وديه سياسة شركة لعدم التدخل فى سياسة الاخرين
ثانيا الرساله فى الموبايلات العاديه بتظهر لمدة ثانيتين بالظبط ولازم تكون باصص للموبايل عشان تشوفها لانها بتختفى بسرعه
يعنى الموضوع مش محتاج الضجه دى كلها على حاجه موجوده من سنسين
3 – عدم وجود فايل مانجر للجهاز خاص بيه – ودى علاجها سهل جدا فى بدل البرنامج 100 مجانا على الماركت من غير رووت او اى تعديل فى الجهاز
دول ال 3 حاجات اللى الناس شايفنهم عيوب والحمد لله حلولهم بسيطه او مش مؤثره
نيجى بفى للمقارنه بين ال 816 والنوت3 نيو دوز
طبعا ال 3 حاجات اللى ذكرناهم مش موجودين فى النوت
بطاريه النوت افضل واكبر لانها 3100 امبير
صوت سماعة المكالمات عالى وواضح فى الاتنين لكن فى النوت موجود الاوبشن الطبيعى بتاع اختيارات تعليه المكالمه للضعف ومش موجوده فى ال 816 بس هو صوته مش محتاج بصراحه
صوت النغمات فى الجهازيين عادى لكن لما تحط نغمات من عندك للجهازين بيكون ال 816 اعلى بنسبة 10 او 15 %
بالنسبة لسخونه الجهاز النوت عامل بالظبط زى النوت2 مابيسخنش نهائى وبيقل فى السخونه عن ال 816 بحوالى 4 درجات
يعنى مثلا لما اشغل اسفلت 8 النوت بيسخن 38.5 لكن ال 816 بيكون 42.5 وده برده على اساس حرارة المكان اللى انت قاعد فيه
سرعة الواى فاى واحده
سرعة ال 3 جى للاتنين على خط اتصالات واحده لكن النوت اكثر سلاسه شويه
سرعة الاتنين واحده لكن سوفت وير ال 816 خفيف جدا واوبشن قليل بعكس سامسونج الاوبشن بتاعها المعتاد كتير
الجهازيين 3جى فقط ومافيش اوبشن NFC
الكاميرا للاتنين نفس الجوده مالكومش دعوه بموضوع 13 ده خلفى و5 امامى
لكن اوبشن كاميرا ال 816 اكتر
مساحة ال 816 8 جيجا الصافى حوالى 4 جيجا
مساحة النوت 16 جيجا الصافى حوالى 11 جيجا
نوعيه شاشة النوت اعلى واغلى والوان عاليه جدا لكن ال 816 الوان طبيعية وفى الشمس الرؤية واضحه جداااا بسبب ان الخلفيات بيضاء
نفس سرعة الالعاب بالظبط بدون اى تغيير
التذكير بالمكالمات والرسايل الفائته فى ال 816 بالليد فقط
لكن فى النوت بالليد واللصوت
شاشة ال 816 5.5 بوصه داخل فيهم زراير التحكم
شاشة النوت5.5 بوصه صافى
الاتنين بيقروا من فلاشة كمبيوتر عادى
نسخة الاندرويد على ال 816 كيت كات 4.4.2
لكن على النوت 4.3 والله واعلم هايتحدث للكيت كات ولا لأ
بس معلومه بسيطه مافيش اى اختلاف بين استخدام الجهازيين بالعكس النوت اوبشن اكتر بكتير
طبعا غير القلم بتاع النوت وده مش محتاج شرح وده حكايه لوحده وبيجى مع العلبه عدد 5 سنون قطع غيار للقلم
ده تقريبا كل مايتعلق بى الجهازيين من فرق وشرح وده لينك للمقارنه بينهم
وماحدش طبعا يجى يقول اشترى ايه
انا كاتب كل حاجه بالتفصيل الممل عشان حضرتك تشوف ايه اللى يناسبك ماديا وايه اللى انت بتفضله فى الموبايل اللى انت عايز تشتريه وديه راحه نفسيه وكل واحد وراحته
وتحت امركم فى اى استفسار على الخاص لانى بطلت ادخل على التعليقات نهائى
عشان انا عارف ومتاكد ان بعد اللى كتبته ده هالاقى عضو محترم دخل يكتب السؤال المشهور اللى خلانى بطلت ادخل على التعليقات تانى
ياجماعة انا عايز اشترى الموبايل ده ايه رأيكم عايز حد يفدنى بالمميزات والعيوب قبل الشراء
ياعنى حتى ماكلفش نفسه يقرا صفحتيين تلاته من التعليقات وهو كان عرف اصل وفصل الجهاز