سعر و مواصفات Samsung Galaxy J7

لو مش مستعجل ولو حابب الموبايل شاشه كبيرة استنه c5 ultra dual لما ينزل

6 بوصه اتش دي 1080 بيكسلات 367 الشاشة مقاومة للخدوش بس دا ما يمنعش من تركيب سكرين رام 2 ذاكرة داخلية 16 كا ميرتين 13 ميجا بفلاشين الخلفية والامامية بروسيسور اوكتا 1.7 ايه ار ام ايه 53 بيدعم ذاكرة خارجية منفصلة ولكن الشيبست بتاعته ميديا تك وانا عن نفسي مش بحب النوعية دي لانها بتكون ضعيفة شويتين في الأداء وطبعا بيدعم الفور جي اللي مالهاش أي لازمة في الوقت الحالي في مصر ام الدنيا .... الهاتف في المجمل جيد جدا ولكن يعيبة :البطارية الغير قابلة للازاله ونوعية المعالج

الاس 4 طبعا ..... كامل الاوصاف ... وكفايا انو كان تليفون رائد ساعه مانزل

ال j7 مافهوش الموضوع ده ......

شوف يا كبير انا معايا الاكسيبريا t2 ultra dual حامل الإصدار d5322 الجهاز مميزاته :

اول ميزه فيه انه الشاشة 6 بوصه اتش دي 720 بي طبعا الاي بي اس بتقنة برافيا انجين 2 والتقينة دي رائعه في جودة وحدة الصور عموما ودرجة الررؤيه في الشمس جيده يعني هاتشوف الشاشة
البطارية 3000 مل امبير وبجد تحفة تحفة ودي اجمل ما في غير السامسونج خالص الجهاز معايا ما شاء الله بيعد ممكن باليومين والنص والتلاته خلي بالك انا ماليش في الألعاب عموما .
الجهاز حصل علي تحديث اللولي بوب اصدار 5.1.1 وعموما الجهاز شيك جدا جدا جدا جدا جدا بالاخص اللون الأسود .
الكاميرا الخلفية 13 ميجا بيكسل وبتصور طبعا اتش دي 1080 بي وفي مميزات كتير جدا وتطبيقات منوعه من سوني رسمية فالكاميرا الخلفية ممتازة جدا وافضل من السامسونج وبقولك اهووووه افضل من كاميرا السامسونج اللي من نفس الفئه .
طبعا ما فيش خاصية المالتي ويندو ولكن فيها خاصية شبيه اسمها small app ودي من خلالها تقدر تشغل أكتر من تطبيق في الخلفية مصغرين .

الكاميرا الأمامية للأسف وحشة جدا بدقه 1.9 ميجا بيسكل ولكن بتصور اتش دي بدقة 720 بي
طبعا الموبايل ما فهوش الفيديو كول زي السامسونج وما فهوش موضوع الفايبريشن عند فتح المكالمة والانتهاء في تنبية صوتى .
الهاتف سريع جدا جدا وانسي موضوع التهنيج بس تعاملة وفقا لأمكانياته المتوسطه .
في مكان للميوري كارد منفصل عن الخطين وبتقدر من جوه تشغل النت من أي خط سواء رقم 1 او 2 دون الحاجة الي تبديل الخطوط .
وفيه راديو ولكن غير داعم للتسجيل

طبعا في خاصية زياده صوت سماعه المكالمات وفيه فلتر بالميكريفون لتنقية الصوت من الضوضاء
عيوبة :

الرام بتاعته 1 جيجا والبرسيسور الي حدا ما كويس و لكن ليس الأفضل وال j 7 اقوي وافضل منه في البروسيسور .
الصوت واطي شوية سواء سماعه المكالمات والسماعه الخارجية .

البطارية غير قابلة للازاله والسماعه الهيدوفون زباله جدا جدا جدا جدا .

والهاتف اكدت سوني انه هيتم تحديثه لاندرويد 6 او مارشيملو....


******************************************************
خلي بالك من نقطه في موقف حصل معايا شخصيا اني غسلت التليفون ده تحت الحنفية وكنت فاقد الامل انه هايشتغل ....و في الأول التاتش هنج معايا شوية وبعد كده اشتغل بكل كفاءه ونشفته وغسلته تاني وبرده الحمد لله ما فهوش أي مشكلة وكنت مذهول .....وانا عملت كده عشان اتكب عليه شاي طبعا اللي معاه الموبايل ده ما يجربهوش تحت الميه الا لو مضطر وعند الضرورة ..


في النهاية الي j 7 افضل من حيث البروسيور والرام والكاميرا الامامية وده طبعا عيأثر كليا في أداء الجهاز معاك والبطارية القابلة للازاله ....فقط لا غير

نسيت اقولك حاجه كمان ان الموبايل في وضعين للباور سيفنج ..

بهديلك الفيديو ده الأول z1 والتاني t2 ultra d5322






*******************************

ماشى ي بااشا الف الف شكر معلش تعبتك معاايا بس انا هختاار سامسونج احسن عشان الرمات والبروسور لان دول اهم حاجه والكاميرا الماميه برده .... ومعلش بس سؤاال هى الكامير بتاع سونى احسن بكتيير عن جى 7 ولا بتفرق كتيير وهل جى 7 هينزلوة اندرويدد مارشيملو ...
ومعلش ع التطويل ولف شكر :) :)

ماشى ي بااشا الف الف شكر معلش تعبتك معاايا بس انا هختاار سامسونج احسن عشان الرمات والبروسور لان دول اهم حاجه والكاميرا الماميه برده .... ومعلش بس سؤاال هى الكامير بتاع سونى احسن بكتيير عن جى 7 ولا بتفرق كتيير وهل جى 7 هينزلوة اندرويدد مارشيملو ...
ومعلش ع التطويل ولف شكر :) :)

بص أنا كنت بحاول أعرف إيه الأحسن مابين سامسونج j5 ولينوفو A7000 بصراحة الأراء عقدتني من كل الموبايلات اللي فى العالم كل واحد له رأي غير التاني وأى جهاز يخوفوك منه بجد أنا عن نفسي أتخنقت لغاية أما أستقريت على الهواوي اسند G7 لقيت واحد قاللى ده اصدار الأندرويد بتاعه قديم

هنتفق علي قاعده عموما ان ما فيش جهاز كامل متكامل وكل جهاز فيه ميزه مش موجوده في التاني وحاليا اصبح كل الموبايلات متقاربين من حيث المواصفات والأداء من نظام الاندرويد ولكن الاختلاف ان كل شركة بتضع لمساتها في اضافه التحسينات سواء علي المكونات الداخلية او الشكل الخارجي وفي نقطه مهمة لما اجي اشتري موبايل وهي ..... هل ليه دعم كامل سواء مادي (اكسسوارات وقطع غيار وصيانه )او دعم فني (سواء روم رسمي وتحديثاته من الشركة المصنعه +رومات غير رسمية وبرمجيات من المطورين) .

طبعا اول حاجة لما نيجي نقارن بين أجهزة لازم نضع في الحسبان الاتي عشان المفاضلة تبقي سليمة :

سعر الشراء ونظام الهاتف(اندرويد ولا ويندوز فون ولا أي او اس ولا عادي) و احتياجي للتليفون ايه (جيمز متوسطة ولا عالية ولا ما ليش في الألعاب خالص وتطبيقات عادية) والتصميم(معدني ولا بلاستيك ولا زجاج) وقوة المعالج(قوي ولا متوسط ولا ضعيف) والرام (عالية ولا متوسطه ولا صغير) والشاشة (كبيرة ولا متوسطه ولا صغيره)نوعها(سوبر اومليد ولا أي بي اس ولا تي اف تي) ووضوع (عالية ولا متوسطه ولا قليلة ) وبطارية(عالية ولا متوسطه) وكاميرا (عالية ولا متوسطه )والذاكرة الداخلية وهل يقبل ذاكرة خارجية من عدمه كل الحاجات دي هتساعدني اني اتخذ قرار سليم .

اسف علي الاطالة
نيجي بقي للموضوع الأساسي

اكسيبريا ام 4 اكوا : طبعا اول ميزة فيه انه مقاوم للمياه وبيدعم التصوير تحت المياه حتي 30 دقيقة علي عمق 1.5 م ...وطبعا المياه العذبه النقية وبأكد علي الموضوع ده وفقا لمقياس ip وطبعا ال j7 ما فهوش الميزة دي .
المعالج في السونى من انتاج كوالكوم شريحة سناب دراجون طراز 620 /8939 بقوة 1.5 جيجا هيرتز اوكتا .وأما السامسونج اكزينوس 1.2 اوكتا والإتنين نفس المعمارية ... في الأداء الأمثل للجهاز وإدارة التطبيقات معالج اكزينوس في j7 أما لو العاب وجرافيك يبقي معالج كوالكوم شريحة سناب دراجون يعني هيتفوق السوني في الألعاب عن السامسونج .
الرامات في سامسونج 1.5 ج اما في السونى 2 ج. يبقي في النقطه دي الأفضليه لـــ السونى .
الذاكرة الداخلية في السونى 8 ج اما السامسونج 16 والاتنين بيدعمو الذاكرة الخارجية .
الشاشة في السامسونج 5.5 والسونى 5.1 وسامسونج تقنية السوبر اموليد اتش دي 720*1280 والسونى بتستخدم تقنية الاي بي اس بنفس دقه سامسونج ولكن البيكسلات في سوني اعلي من سامسونج .

الاتنين فيهم راديو والسوني طبعا الراديو فيها غير داعم للتسجيل عكس سامسونج .

الكاميرا في السامسونج والسونى نفس الميجا بيكسل 13 بس للأمانة كاميرات السونى وتطبيقاتها الرسمية عموما أفضل وبأكد علي الجزئية دي وسامسونج حبت تقلدها في الموضوع ده .وده عن تجربة شخصية ليا
البطارية في السونى غير قابلة للإزالة بقدرة 2400 عكس السامسونج قابلة للأزاله وبقوة 3000 ... للأمانة بطاريات السونى في الأداء ممتازه افضل من السامسونج وده عن تجربة شخصية ليا .
...................................

الخلاصة عشان انا حيرتك كده ...

السونى ام فور اكوا افضل من السامسونج 7:

1- الأداء في الألعاب وتطبيقات الجرافيك .
2-الرامات.
3-مقاوم للمياه العذبة النقية.
4-التصوير في المياه .
5-كاميرا السونى تتفوق علي السامسونج.
6-بيكسلات الشاشة اعلي وبالتالي هتكون الصورة اعلي دقة .
7- الشاشة من نوعية ips ودي في استهلاك البطارية ممتازة.

السامسونج j7 افضل من السونى m4
1-الاداء في الجهاز عموما من تطبيقات وادراة وتشغيل .
2-ذاكرة داخلية أعلي .
3-شاشة أكبر والنقطة دي مهمة لمن يرغب شاشة كبيرة.
4- بطارية قابلة للأزالة والجزئية دي مهمه .
5- الصوت أعلي من السونى (سواء في الخارجية او صوت سماعه المكالمات).
6-الكاميرا الامامية بفلاش والكاميرتين عموما من حيث جوده التصوير جيده جدا .
7- سوق الإنتشار واعاده البيع والدعم المادي والفنى الأفضلية للسامسونج طبعا بلا منازع ..

شوف الجهازين علي الطبيعة واللي هاتقتنع بيه اشتريه ....... الجهازين كويسين.....

بالتوفيق يا كبير ...

انا معايا بردا نفس العيب بس فى موبايل تانى s5 g900f

حصل معايا برضه J7 . معظم موبايلات سامسونج حتى الغالى منها لازم تلاقى فيه فسفوسه . حاجه تفقع

S4 موجود بس دولى و هو احسن من J7 بس عيبه بطاريته اقل من J7

شوف حضرتك كده معايا الاس 4 سواء الخط 1 حامل الإصدار i9500 او الخطين i9502 ما ينفعش حضرتك تقارنهم بفئه متوسطه زي j 7 ..طبعا الاس 4 افضل من j7 .

مش عارف اذا كنت هاتلاقيه في السوق ولا لا ...ما تنساش ان الجهاز من 2013 ..ولكن الأكيد هاتلاقي منه استعمال ...ولو استعمال ابقي اشتري احسن ال j7 زيرو افضلك ...

موفق

متشكر جدا على ردودكم ..بس المشكلة انى محتار جالكسى اس 4 امكانياته افضل لاكن ال j7 شاشته اكبر وسوفت احدث فمش عارف اشترى ايه

الجهازين اوكتا (ثماني النواه ) 1.2 جيجا هيرتز ولكن كل جهاز وليه معالجة السامسونج معالج سامسونج شريحة اكزينوس7580 ...

الهواوي معالج هواوي شريحة هاي سيليكون كيرين أو كيرين 620 والمعالج ده جديد علي الشركة تقريبا من أواخر 2013 .

المعالجين بيدعم 64 بت يعني بيشتغلو بكامل طاقتهم انما واقعيا علي الجهازين غير داعمين لمعماريات 64 بت .

معمارية المعالجين واحد تقريبا كورتيكس ايه 53.

..............................................

شوف يا كبير في الأداء والسرعه وإدارة التطبيقات عموما معالج اكزينوس 7580 افضل من الكيرين 620 ..ومش معنى كلامي ان المعالج الاخير مش كويس ولكن الأفضلية والاقوي لشريحة الاكزينوس .

اما الألعاب والجرافيك يبقي السناب دراجون من كوالكوم ...


تمام كده يا كبير

هو السناب دراجون ده بنفع ينزل لل جى ٧ ع قد فهمى يعنى اصل مبفهمش اوى ف الحاجات دى

كوالكوم دي شركة تاني غير السامسونج انا بس حبيت أوضح معلومة مش اكتر والكلام ده بعيد أساسا عن موضوعنا

اعتقد ال4x صوته اعلى و الj7 مبيهنجش و من افضل الموبايلات فى العالم تحت الشمس حسب gsmarena

طب معلش ممكن اعرف في انهي احلي في الاتنين دول من وجهة نظرك


samsung galaxyJ7

huawei honor 4X

1-j7
2-e7
3-p8 lite من اهم عيوبة عدم وجود مكان منفصل للميموري كارد .
4-lenovo a7000 ولكن يعيبة عدم جوده الكاميرا بالنسبة لباقي الأجهزة في المقارنة.
5-honor 4x.
*****************************

فى رايى الj7 افضل من 4x لانه 16 جيجا و ال 4x 8 جيجا

الجهازين مش نفس الإمكانيات زي ماقولت وهضيف علي كده ما فيش مكان منفصل للئاكرة الخارجية يعنى لو هتركب كارت ميموري يبقي هاتستغني عن خط ....

بالاضافه الي ضعف و قله الدعم المادي والفنى وسوق الانتشار واعاده سعر البيع ... ...

الخيار الأفضل ليك وفقا لمقارنتك بين الجهازين الj 7 .

هاتلاقي منى رد تفصيليا في الصفحه هنا علي احد الأعضاء بنفس سؤالك ....

بالتوفيق