هذا الموضوع مرتبط بـ Galaxy J7

المعالج exyons ولا snapdragon

messi2050

2015-08-12 (08:27:11PM)

دلوقتى كل الستورز اللى منزلين الموبايل سواء راية او سوق.كوم او دريم 2000 سالتهم قالوا ان المعالج سناب دراجون 615 و اللى اشتروا الموبايل بيقولوا ان النسخة اللى نزلت مصر اللى شغالة بمعالج exyons ايه الصح ؟ و ياريت صورة من برنامج cpu z لنوع المعالج لانى انشاءالله ناوى اشتريه

waleedsunny

2015-08-13 (04:26:49PM)

بص انا كنت محمل عليه الواتس وكان بالكامل علي كارت الميموري ومافيش علي ذاكرة الجهاز حتي فولدر مفتوح للواتس فاشوف عندك برده في الامكانيه دي لان ده كان اشهر برنامج مايشتغلش الا علي ذاكرة الجهاز فقط

messi2050

2015-08-13 (12:02:53PM)

مش قديم ولا حاجة 4.4 كيت كات اكيد حضرتك عارف ان لما بتختار ان الذاكرة الافتراضية تبقى الsdcard ده بيسمحلك تنقل بعض الداتا الخاصة بالبرامج لكارت الميمورى و مش كل البرامج بتدعم ده و كمان كنت بستخدم برنامج link 2 sd و برضو المساحة اتملت اللى عاوز اوصله لحضرتك ان الoption ده ميغنيش عن كبر الinternal memory الموجودة فى الموبايل

waleedsunny

2015-08-13 (10:47:35AM)

بالتأكيد ممكن عشان السوفت وير قديم
فا بالتأكيد اتعدل علي الاجهزه الحديثه

messi2050

2015-08-13 (12:46:14AM)

مانا عندى نفس الoption ده فى الموبايل اللى معايا huawei g6 ولا ليه اى لازمة و مش قادر انزل اكتر من 15 تطبيق مع انى ناقل كل الداتا بتاعتهم على كارت الميمورى

waleedsunny

2015-08-12 (10:36:51PM)

ما انا كاتب ان الجهاز ممكن تخلى الذاكرة الخارجيه هى الرئيسية للجهاز
يعنى ببساطه ممكن تجيب كارت 32 C10 ويبقى هو الذاكرة الرئيسية للجهاز
وفى او بشن انك بتختار ان اى شىء تحمله يبقى اجبارى على ذاكرة التليفون او اجبارى على ذاكرة كارت الميمورى او حسب ماسوفت وير الجهاز يقرر
عشان كده كاتب ان ال 3.5 جيجا الفاضيين مش هايعملوا مشكله للواحد
الكلام ده لو في السامسونج مثلا أقولك فعلا هاتبقى مشكله عشان السامسونج والسونى وال جى و HTC ماينفعش فيهم ان كارت الميمورى يبقى هو الذاكرة الرئيسية للجهاز

messi2050

2015-08-12 (09:59:07PM)

مشكلة ال4x بالنسبة ليا المساحة 3 جيجا مش كافية ابدا بالنسبة ليا

waleedsunny

2015-08-12 (09:46:05PM)

طب ياريت تقرا اللى كاتبه بخصوص الهواوى 4X
لانه افضل حاجه بسعر معقول جدااااااااا

messi2050

2015-08-12 (09:38:38PM)

بس ميزته ان ليه دعم على xda و اراء الناس على gsmarena بيقولوا انه كويس والشركة مهتمة بيه و بتنزلوا تحديثات على طول لاصلاح المشاكل ، انا معايا حوالى 3500 ج و حاليا معايا huawei g6 بس مفيهوش غير 1 جيجا للتطبيقات و ده اللى مخلينى رافضه + قلة الدعم و الj7 عيوبه بالنسبة ليا الرامات و سينسور البوصلة و الدعم على xda اعتقد هيبقى ضعيف برضو ، سونى z2 بيسخن و انا عاوز حاجة 5.5 بوصة اصلا ، نوت 3 مفيهوش راديو و الكاميرا الامامية 2 ميجا بس ، باختصار مفيش موبايل عاجبنى xD

waleedsunny

2015-08-12 (09:34:31PM)

بخصوص البطاريه كويسه جداااا
اولا انا فاتح ال 3 جى مابقفلوش نهائى حتى لو ما بستخدمش نت
ثانيا بستخدمه مكالمات + نت 3 جى حوالى 4 ساعات في اليوم متقطعين
الجهاز بيقعد معايا يومين زى الفل وانا جايب الاضاءه على حوالى 40% لان الاضاءه بتاعته عامة عاليه وقوية
وده معناه ان الواحد ممكن يستخدمه نت متواصل من 8 ل 9 ساعات متواصلين حسب سرعة ال 3 جى وطبعا لو واى فاى هايكون افضل عشان مابيسحبش باور اعلى
للاسف مش هاقدر افيد في موضوع الالعاب

waleedsunny

2015-08-12 (09:29:28PM)

asus zenfone 2 ze551ml 16 gb 2gb ram
طبعا افضل بس فية مشكله هاتقابل الواحد ان مافيش صيانه ليه او قطع غيار او اكسسوارات وهايكون صعب جدا في بيعه وخساره كبيره جدااااا عشان مش منتشر ابدا
المنتشر في مصر من الاسوس هو التابات فقط
وبالمناسبه انا معايا تاب اسوس من سنه ونص ومافرطش فيه ابداااا وكنت شاريه نسخه اندرويد 4.1 وفضل يجيله تحديثات لحد ماجاله اللولى بوب من 4 شهور نسخه 5.0.1 يعنى قبل اى جهاز تقريبا
لكن لازم الموديل ده تدخل على المستخدمين ليه في موقع Gsmarena عشان اكتر واحد يفيد هما اللى معاهم الجهاز واستخدموه فعليا مش على الورق

messi2050

2015-08-12 (09:23:11PM)

وانا قدامى asus zenfone 2 ze551ml 16 gb 2gb ram بنفس السعر تقريبا تفتكر حضرتك ايه اللى هيكون افضل الzenfone 2 ولا الj7

messi2050

2015-08-12 (09:21:33PM)

معلش استفسار تانى البطارية بتقعد كام ساعة screen on time من 100% ل 0 %

messi2050

2015-08-12 (09:16:11PM)

تمام شكرا لحضرتك انا عارف ان النسخة الexyons افضل بكتير من الsnapdragon 615 و شوفت ريفيو م. محمد خالد بس كنت عاوز اتاكد 100% من حد يكون معاه الموبايل

waleedsunny

2015-08-12 (09:01:04PM)

ياريت حضرتك تقرا التقييم وهاتعرف كل شىء
وعلى فكره الموديل اللى الشيبست بتاعه سناب دراجون هاتلقيه نازل الخليج النسخه ال 4 جى
لكن اللى في مصر نسخه 3 جى معالج exyons ودى افضل عشان مابتسخنش واسرع
وانا اول حاجه عملتها حملت برنامج cpu z واتأكدت فعلا من exyons مع انى كنت عارف من قبلها بكتيير عشان كان مكتوب كده في تقييم المهندس محمد خالد
وده الكلام اللى كتبه من فتره طويله على موقعه

- جهاز Samsung J7
- جهاز Samsung J5

وصلوا عندي حالا بشكل حصري وبصراحه بسعر غير مكنت متوقع ...
طيب حنبدأ مع بعض بالجهاز الاول وحيكون :

- جهاز Samsung J7

* شاشه : 5.5 انش من نوع سوبر امولد بدقه وضوح HD بكثافه بيكسل 267 ppi

* اندرويد لولي بوب 5.1

* الاصدار المتوفر من الجهاز في مصر بتشيب سيت Exynos 7580 من انتاج سامسونج

* معالج ثماني الانويه بتردد 1.5 جيجا هرتز

* كارت رسوم Mali T720 mp2

* ذاكره داخليه 16 جيجا

* رام 1.5 جيجا

* الكاميرا الاساسيه بدقة وضوح ١٣ ميجا بيكسل
* كاميرا اماميه بدقه وضوح ٥ ميجا بيكسل .

* بطاريه 3000 مللي أمبير.

سعر بيع الجهاز من ٢٢٥٠ جنيه الى ٢٣٠٠ جنيه .

>> الجهاز تاني حيكون :

- جهاز Samsung J5

شاشه 5 انش من نوع سوبر امولد بدقه وضوحHD بكثافة بيكسلات 294 ppi

* اندرويد اصدار لولي بوب 5.1

* تشيب سيت Qualcomm Snapdragon410

* معالج رباعي النواة بتردد 1.2 جيجا هرتز Cortex A- 53

* كارت الرسوم Adreno 306

* الاصدار المتوفر في مصر بذاكره داخليه بحجم 8 جيجا

* رام 1.5 جيجا .

* كاميرا بدقة وضوح 13 ميجا بيكسل

* كاميرا اماميه بدقه وضوح 5 ميجا بيكسل

* بطاريه 2600 مللي أمبير .

بسعر بيع رسمي يبدأ من ١٨٠٠ جنيه الى ١٨٥٠ جنيه .

>> حجرب الجهازين وابلغكم قريباً بمميزات وعيوب كل جهاز فيهم .

م . محمد خالد

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy J7

مقارنة

Android
5.5″

5.5 بوصة
3G

2G / 3G
13 MP, 4...
3000mAh

Li-Ion 3000 mAh battery

مزيد من المعلومات

الموبايلات

المعالج exyons ولا snapdragon

التسجيل بالموقع

دخول الاعضاء

معلومات سريعة عن Samsung Galaxy J7

Android

5.5″

3G

13 MP, 4...

3000mAh