بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ Galaxy Grand Neo Plus GT-I9060I
للرجوع الي صفحة الرئيسية اضغط
هنا
تقييم مبدئى للجهاز
تلك الخدمة مخصصة لاعضاء الموقع
معلومات سريعة عن Samsung Galaxy Grand Neo Plus GT-I9060I
-
Android
-
5.1″
5.1بوصة -
3G
2G / 3G -
Dual Cam...
-
2100mAh
Li-Ion 2100 mAh, removable قابلة للازالة
لون ابيض وأسود - صناعه فيتنامى
الشكل الخارجى هو جراند نيو القديم بالظبط وده بيفيد انك بتستخدم نفس الاكسسوارات طبعا بدون اى تعديل نهاىى
لكن السوفت وير صوره طبق الاصل من الجراند بريم والكور بريم
اندرويد 4.4.4 - مساحه 8 جيجا الصافى منهم 5.5 جيجا
الرامات 1 جيجا - 952 بالظبط
نفس البرسسور والشيبات وكارت الفيجا
يوجد سنسور بوصله - وزراير التحكم بتنور بعكس الجراند بريم والكور بريم
الشاشة 5 بوصه لكن عريضه بعكس الجراند بريم 5 بوصه لكن شاشة طوليه
صوت سماعه المكالمات كويس جداا ودى اكتر حاجه كويسه فى سامسونج عامة
صوت سماعة النغمات اعلى واضل من الجراند بريم والكور بيرم
الكاميرا الخلفيه 5 ميجا وجيده جدا بس مافيش خاصيه HDR
الكاميرا الاماميه 2 ميجا معقوله وافضل من الجراند نيو القديم
الجهاز جاب على برنامج An Tu Tu - تقييم 19300
يعنى زى الاس 3 والجراند 2 وغيره كتيير
الجهاز طبعا سريع جدااا ومافيش تهنيج او تقل
السخونه لاتذكر - ممكن طبعا عشان الجو اصلا شتا
البطاريه اداء افضل نسبيا من الجراند بريم ونفس اداء الكور بريم
يوم كامل 4 - 5 ساعات على مدار اليوم نت 3 جى + مكالمات
عند شحن البطاريه 100% وتشغيل اوبشن الترا باور سيفينج بيكتب على الشاشة انه بالمعدل ده يستمر 9 ايام و 4 ساعات لكن طبعا ده من غير استخدام يعنى يفضل مفتوح فقط بدون استخدام غير ان كل البرامج المحمله بتقفل اتوماتيك لتوفير البطاريه - لو فعلت الاوبشن ده تقدر تستخدمه مكالمات فقط لمدة اربع ايام متتاليه
بيسمح بنقل بعض البرامج والالعاب ذات المساحه الصغيره لكارت الذاكره الخارجى
العيوب
مافيش سنسور اضاءه
مافيش خاصيه حجب المتصل - black list
مافيش فايبريشن عند فتح وغلق المكالمه
مافيش عداد مكالمات
مافيش مسح الرامات عن طريق زرار قفل البرامج المفتوحه
بيكسل الشاشة قليل 186 فا طبعا الالوان مابتكونش جودة الجراند بريم او الجراند 2 مثلا لكن مقبوله
مافيش خاصيه تشغيل شاشتين فى وقت واحد زى الجراند1 او ال 2 مثلا
الجهاز على قد سعره يعتبر كويس جداااا
اللى بيفضل كاميرا عاليه سواء اماميه او خلفيه يبقى هايكون جراند بريم افضله بس العيب اللى هايقبله هو عدم اضاءة زراير التحكم وانخفاض مستوى صوت سماعة النغمات نسبيا
لكن لو بيفضل شاشة عريضه واضاءة زراير الحكم ومستوى صوت كويس وعالى وكاميرا مش عاليه بس كويسه جدا برده يبقى الجراند نيو بلس الجديد افضل