سعر و مواصفات Samsung Galaxy Grand I9082

يا ستار
انا عايز اعمل روت للجراند 2 1702 SM
وبحثت في برامج كتيرة ومش عارف اعملة
عايز اعرف الطريقة الصحيحة والافضل

تحت أمرك يا كبير ..إسأل براحتك ولا يهمك ....تقريبا الإتنين متقاربين والتفوق لصالح جراند 1 بفارق بسيط في الآداء ...

شكرا جزيلا على رد حضرتك.. اخر سؤال معلش.. هو سامسونج جالكسي جراند 1 أفضل ف الاستخدام ولا ال جي برو لايت دوال مش كمواصفات لاني عارفاها

شوف يا كبير معايا خطوة خطوة .
شوف يا كبير في برامج وتطبيقات كتير مننا مش بيستخدمها زي مثلا google play وزي chat on وsamsung print وغيرو من التطبيقات ودي ممكن نعملها turn off من application mamger /all هاندخل علي التطبيق اللي انت مش بتستعملو وهندوس علي turn off هاتلاقي الجهاز بقي واحد تاني في الرامات والسرعة ...ومممكن نرجعهم تاني بنفس الطريقة وهاتلاقيهم في اخر صفحة all في application mamager هاتلاقيهم ف اخر الصفحة هنفتحهم وهندوس علي turn on ....الحاجة التانية في كود ممكن تكتبة ها يغير مجرى اداء الجهاز كليا وده هتحس بيه ف الالعاب وهو نجمة شباك 9900 شباك هاتلاقي حاجة اسمها debug level disabled وهاتلاقي مكتوب جنبها low ودي بتنزل كده من المصنع وممكن ندوس عليها ونخليها mid متوسط او عالية وهتحس بفرق ف الاداء بس هتاكل شويتين من البطارية وده طبعا خاص بأجهزة سامسونج فقط لا غير .....

شوف يا كبير ...هنخلي كلين ماستر لوظيفته الأساسية فقط لا غير ..مع بعض خطوة خطوة هنلغى بعض المهام ..
1- هنلغي موضوع scan memory/وlow space notification/وjunk reminder
2- هنلغى scan obsolete apks/وscan big files ودي للأسف بتقل الجهاز
3- هنلغى security كلها ووصطب برنامج dr web برنامج خفيف جدا علي الجهاز .
4-هنلغي app manager كلها
5-سيب task reminder والغى فيها kill tasks at screen turnoff
6-النقطة دي هي سبب المشاكل كلها وهي ignor list وهنيجى عند خانة task وهندخل جواها وهنختار إضافة البرامج والتطبيقات اللي مش عايزنها تتلغي لما نعمل بوست او اغلاق التطبيقات فده بيكون استثناء لبعض التطبيقات اللي احنا مش عايزنها تتقفل اجباري وعشان كده بيظهر رسالة إيقاف البرنامج ...ومن ضمن هضيف بعض اعدادات الهاتف عشان ميحصلش ليها إيقاف ايجباري .
وبكده يا كبير البرنامج معاك هيكون خفيف جدا ولذيذ جدا علي الجهاز ومش هتحس بيه

نصيحة يا شباب اللى معاه جراند 1 ميعملش ابديت الموبايل بقى سئ للغاية

شكرا يا معلم على الرد معلش انا بقولك يا ستار علشان مش عارف اسمك الحقيقي
الموبايل فعلا مكنش طبيعي وعرفت اني عملت فورمات للداتا فقط وبعد كده عملت فورمات للكاش كمان والحمد لله الجهاز اتظبط شوية

وعليكم السلام ....
شوف يا كبير موضوع التقل والتهنيج ليه عوامل وأسباب كتيرة ...عشان يكون عندك فكرة ان رامات الجهاز 800 ميجا وشوية يعني تحاوال تنزل التطبيقات اللي انت عايزها .
عشان تخفف شوية من تطبيقات الجهاز ..سامسونج معروفة بتزل في روماتها تطبيقات كتيرة وفالغالب كتير مننا مش بيستخدمها فأنصحك تعمل disable للتطبيقات اللي انت مش محتاجها زي مثلا شات اون وغيره من التطبيقات ..
شوف لو مصطب أي برنامج لتنظيف وتحرير الرام واغلاق التطبيقات تشوف اعداداتة كويس يعني مثلا كلين ماستر في مستخدمين كتير بيستخدموه غلط وبالتالي ده هيعمل مشاكل معاهم في الجهاز ....علي العموم معروف الجيلي بين بيكون بطئ شوية وده في الأول وفي الاخر علي حسب استخدامنا للجهاز انا مثلا الجهاز معايا الف الالف وعمره مهنج وعملتله ريستارت اجباري الا مرتين في خلال سنه ..الموبايل مش وحش بس المشكلة اني احنا نعرف نتعامل معاه وخدها قاعدة عاما أي سمارت فون لو حملت عليه شويه هاتلاقي هنج وبطئ معاك الكمبيوتر بيهنج ما بالك التليفون ..
الخلاصة انت كده قدامك خيارين الأول :انك تعيد تظبيط الأوضاع بشكل عام في الجهاز وتشوف التطبيقات اللي مش بتستخدمها واعملها الغاء ولو كانت في النظام اعملها إخفاء وتقدر ترجع ليها في أي وقت .وشوف اعدادات كلين ماستر ده لو مصطبه (في خطوات فيه عشان تتجنب المشاكل)
الاختيار التانى :انك تننزل روم مطبوخ علي الجهاز وهتحس بفرق رهيب وتهنيج ما فيش لو استخدامك خط واحد هارشحلك روم كاربون بتحديث 6/8/2014 ولو استخدامك خطين يبقي هارشحلك سيانجون مود 11 تحديث شهر 10 /2014 .........وانا تحت امرك ...موفق واسف علي التأخير

المهم التلفون طلع اصلى بس متجمع فى الخليج شاشه سامسونج برده لينوفو وهكذا حبيت ان انصح كل من يشترى التلفون 9082 انه يشوف الكمبيوتر بيقراه اه اول مايتوصل بكابل usb وحاجه تانى لازم برنامج الكيز يتعرف على الجهاز لانه مش هيشوف الا بروسسر الجهاز الاصلى مش اى برده تانى وباالتوفيق للجميع

انا دخلت على وضع الركفيرى مود ودى كانت الشاشه الظاهره
factorymod
auto test
manual test
test report
debung test
clear emmc
version
reboot
هل ده وضع الركفرى للجلاكسى ولا مش هوا انا عملت حساب على سامسونج واشتغل تمام

معلومة يا كبير ...لو عندك حساب سامسونج ابليكيشن وتطبيقات سامسونج علي الموبايل وبتدخل علي تطيقات سامسونج وبتشتغل معاك يبقي اكيد جهازك اصلي الف الالف كده مشكلتك ان النظام عندك في مشكلة

شوف يا كبير ما دام الموضوع كده يبقي كده ممكن يكون أولا في مشكلة في الاندرويد جيلي بين 4.1.2 ثاينا للأسف ممكن يكون الجهاز مش أصلى بس بيكون في اختلاف في التاتش وسرعة واداء الجهاز وعاما المضروب مافهوش وضع الريكفري مود فانت ادخل علي الوضع ده وشوف لو لقيته يبقي جهازك تمام بإذن الله ومشكلتك مشكلة عيب في الروم الرسمي وده وارد اما لو ملقتش وضع الريكفري مود والجهاز مطفي بالضغط علي 3 ازرار مع بعض الهوم خفض الصوت والباور وفي جميع الاحوال شوف التطبيق كده حملة وصطبة عندك علي الموبايل هايجبلك كل حاجة عن المويايل

وان شاء الله خير ....بالتوفيق

انا النهارده رحت لمحلات بتشتغل فى السفت وير المهم كلهم معرفوش يعمل حاجه علشان الجهاز يتعرف على الكيز وبعد ما يغلب يقولى الجهاز مش اصلى وفى واحد فاهم وشاطر قلى الجهاز ده متجمع يعنى كل حاجه من حته وقالى البروسسر بتاعه بتاع لينوفا الكلمه دى خلتنى اقتنع بكلامه لانى فى اول مشاركه قولتلكم ان الكمبيوتر شايفه lenovo72_we_jb3 فهل المعلومات دى صح ولا

ولا يهمك تحت أمرك .للأسف الروم الرسمى مش هينفع ينزل من خلال الذاكرة الخارجية ..اللي بينزل من الذاكرة الخارجية الرومات الغير رسمية من خلال الريكفري مود ...انت مشكلتك في تصطيب الكيز علي الكمبيوتر ولو ظبطوا الدنيا هتبقي تمام معاك ..... غير كده للأسف مش هاينفع ..وانا تحت امرك ...بالتوفيق

معلش استاذى العزيز فى الاطاله انا نزلت الكيز مره عاشره ولكن للاسف ومنزل تعريفات SAMSUNG_USB_Driver_for_Mobile_Phones ونفس المشكله هو فى طريقه اركب بيها الروم من كارت الذاكره الخارجى ولو فى اعملها اذاى وشاكر لحضرتك

شوف يا كبير شيل نسخة الكيز اللي عندك وحمل التطبيق من جديد من الرابط ده

وبعد ما تصطبه علي الكمبيوتر وصل موبايلك بالكابل الأصلي .... الحاجة التانية عشان الاودين يشتغل معاك لازم يكون موبايلك متعرف علي الكمبيوتر اما عن طريق سامسونج كيز وده الافضل او عن طريق برنامج اسمه
SAMSUNG_USB_Driver_for_Mobile_Phones لو معرفتش تجمعة ابقي قولى عشان ارفعهولك ...
وعشان تنزل الروم الرسمى عن طريق الاودين اتأكد الأول قبل متحمل النسخة الجيلي بين انها متوافقة جهازك وخط انتاجه يعني لو الجيلي بين 4.1.2 مصرى ما ينفعش تركب عليه سعودي مثلاً

انا فعلا مسحت الكيز وسطبته تانى وغيرت النسخه ونزلت كيز 3 وعملت جميع المحاولات وبرنامج Odin3_v3.04 برده مش متعرف على الجهاز انا مشكاتى عايز انزل روم 4.2.2 والتحديث الهوائى عندما اعمل رفرش لتحديث النظام يدينى رساله ان الجهاز محدث الى عنده طريقه اركب بيها الروم ياريت ميبخلش عليا بالرد

لا طبعا مش عادى الغي تصطيب الكيز ونزلة من اول وجديد واعمل تحديثاته الاخيرة وبعد كده وصل تليفونك واستنه وشوف لحد ما يقراه ..عندك حل تاني انك تنزل الروم عن طريق الهواء أو الوافاى وريح مخك من كيز لاني كيز عايز نت سريع شويتين وغالبا مش بيتم التحديث من خلاله لانه بيفصل ..فنصيحة خليك يإما ف الهواء او تنزيلة يدوي عن طريق الاودين ...موفق

شكرا يا باشا

hosseldesoky
اهلا بيك .....لا طبعا حدث الجهاز لنظام 4.2.2 افضل استقرار وأداء وبطارية وتهنيج أقل ....بالتوفيق

شوف في برامج كتير للموضوع ده بس أغلبهم محتاج صلاحيات الروت للجهاز في برنامج حملة من الرابط لو عامل روت لتليفونك .

البرنامج ده مخصص لأجهزة سامسونج وبعد متحمل البرنامج اتفضل النيم والسريال عشان تفعله لان البرنامج غير مجانى
Licensed e-mail : unitskoko@gmail.com
Registration code : 09EB7832F4561E1EDEEEB21CF5DBEE0E

......................................................................
البرنامج التاني لو الاول فشل معاك
حملة عادي من المتجر او دور عليه بصيغة apk
Recovery SIM Card
بالتوفيق واسف علي التأخير ......

انا نزلت روم LOLLIPOP على ال Grand وشغال زي الفل خاصة التحديث الأخير أحسن بكتير من اللي قبله واحسن حتى من الاصدار الرسمي ومشيت مع الخطوات بتاعتك و قشطات
عندي حاجه مضايقاني جدا ودورت عليها ، عاوز أشغل الراديو ومش عارف ، مش عاوز برنامج راديو اون لاين ، لا عاوز راديو زي اللي كان في الجيلي بين
وشكرا يا كبير

تطبيقات جوجل الكاملة بتحديث 11/10/2014

رابط اخر لروم سامسونج الرسمى جيلي بين 4.2.2


بالتوفيق

اوك انا بعتلك الفيس بتاعي ع الخاص مستني اضافتك

تمام يا كبير ...انا هارفع الروم المصرى من عندي وهابعتلك اللينك ...رديت عليك علي الخاص .. دعواتك معايا لحد مخلص رفع الملف ....

بص دي اول خطوه لاقيت نفس الرقم build number اللي ف الموبايل هو دا فدخلت احمله شوف الصوره كدا

وبعدين بتك ع كلمة دونلود وبعدين اضغط علي الصفره دي هيدخلني ع السيرفر ويقعد 30 ثانيه وبعدين اكتب الكباتشا ولما بحمل بيظهرلي دي

ياريت لو عندك فيس او فيبر او اي حاجه اكلمك عليها

ولا يهمك انا تحت امرك ..لا ياكبير اللينك تمام وزي الفل مافهوش اي مشكلة اتبع بس الخطوات جيدا .......لا طبعا ما ينفعش تنزل اي واحد لازم يكون نسخة بلد الموبايل وهاتلاقي مكتوب جنب الروم اختصار البلد فشوف جهازك خط انتاج ايه وبعد كده نزل الروم المتوافق معاها .......طمنى

أنا جربت ف كل الاوقات السيرفر فيه مشكله وبعدين هو ممكن انزل اي واحد عادي ولا هيبقي في مشاكل ؟ معلش خليك معايا واحده واحده بس اوعي تزهق هههههههههه انا بفهم ماتخفش

Kariiim

الينك سامسونج كله شغال تمام انا منزل منه علي الجهاز 4.1.2 و4.2.2 مصر حاول انك تنزله في وقت تاني ممكن يكون في ضغط علي السيرفر ....او اعمل ريستارت للراوتر لو عندك ...وخلي بالك محتاج يكون النت سريع معاك عشان مايفصلش منك التحميل ..وخلي بالك ان حجم الملف الخاص بالروم 4.2.2 الخاص egy جيجا وشوية ..علي العموم في أسوء الإفتراضات لو فشل معاك موضوع التحميل قولى عايز تنزل ملف الروم الخاص بدولة إيه وانا انزلهولك وارفعو تاني علي موقع رفع وابعتلك لينك التحميل ....بالتوفيق

مافيش لينك تاني ل 4.2.2 عشان مش رادي ينزل

بعد الإنتهاء يفضل عمل اعادة ضبط المصنع ...بالتوفيق

...( لام تعيد تنزيل الروم الرسمى 4.2.2 يدويا عن طريق الاودين )

طريقة العمل
تحميلات ضرورية لا بد منها
أولاً: تحميل روم سامسونج الرسمى 4.2.2 و4.1.2 علي جهاز الكمبيوتر الخاص بك لمعاودة استخدامهم عند الحاجة (تأكد من تحميل الروم الرسمى الصحيح المتوافق مع خط إصدار الموبايل ).
ثانيا: تحميل الروم الغير رسمى علي جهاز الكمبيوتر الخاص بك لمعاودة استخدامهم عند الحاجة .
ثالثا:تحميل تطبيقات جوجل المتوافقة مع كل روم غير رسمى .
رابعا :تحميل برنامج الأودين والريكفرى مود والسوبر ايزو أب ديت.
خامسا: تحميل برنامج سامسونج كيز وتصطيبة علي الكمبيوتر حتي يتعرف الاودين علي موبايل سامسونج.
بعد الإنتهاء من خطوة التحميلات نبدأ :( لو يوجد علي جهاز الكمبيوتر اي برامج جدار نارى فلا بد من ايقافهم عند بدء العمل لتجنب المشاكل عند تركيب الروم )
1- لو الأسماء علي ذاكرة الموبايل نعمل تصدير وحفظ للذاكرة الخارجية ثم انسخهم علي جهاز الكمبيوتر الخاص بك أو توجد طريقة اخرى وهي تفعيل المزامنة علي حساب جوجل وهذه الطريقة غير آمنه.وبالنسبة للرسائل في تطبيق sms back up لإستعادة الرسائل مرة أخرى أما للملفات الاخرى كالموسيقى والافلام وغيرها فيتم نسخهم علي الكمبيوتر ومعاودة لصقهم مرة اخرى بعد الإنتهاء .
2- تعريف موبايلك علي ساسمونج كيز علي الكمبيوتر وعند الإنتهاء نفصل الهاتف ونغلق البرنامج .
3-: نسخ السوبر ايزو اب ديت و الروم الغير رسمى وتطبيقات جوجل علي الذاكرة الخارجية من الخارج كما هما بصيغة الوين رار وعدم فك الضغط.
4- نقوم بفك الضغط عن الريكفرى علي الكمبيوتر ونقوم بفك الضغط عن الأودين وتشغيله.
5- نقود بالدخول الى وضعية الداون لود عن طريق الموبايل وذلك بالضغط علي الازرار الثلاثة معا وهم الباور والهوم وخفض الصوت ثم نقوم بتوصيل الموبايل بالكمبيوتر بالكابل الاصلي الخاص به سوف يظهر لك الموبايل تحذير وعلامة مثلث أصفر اضغط علي زر تعلية الصوت للمتابعة وأخيرا هاتلاقى الاودين تعرف علي موبايلك من خلال تغير لون وظهور كلمة add في message.(تأكد من إختيارات auto reboot و f first time متعلم عليهم بعلامة صح دون غيرهم )
6- نقوم بفتح خانة pda والذهاب الي مكان فك ضغط الريكفرى ونضغط اوك .
( نفس الطريقة عند تنزيل روم سامسونج الرسمى 4.2.2 واذهب الي مكان فك الضغط واختياره مع التأكد من تحميلك للروم الرسمى الخاص والمتوافق مع خط انتاج موبايلك ) لا بد من عمل هذه الخطوة أولا قبل بدء عملية الروت .
7- نقوم بالضغط علي كلمة start وننترك الموبايل حتى الإنتهاء وسوف تظهر لك رسالة بذلك وسيقوم الموبايل بعمل اعادة تشغيل تلقائيا وافصل الموبايل من علي الكمبيوتر وأغلق الهاتف أو انزع البطارية
8- الدخول لوضعية الريكفرى من الموبايل والضغط علي الازار الثلاثة معا وهم الباور والهوم وتعلية الصوت .
9- التنقل الي اسفل او اعلي في القائمة بأزرار تعلية وخفض الصوت والإختيار عن طريق زرار الباور.
10- أختار اولا wip data/ factory reset بالضغط عليها بزار الباور واضغط بعدة كده علي yes وانتظر قليلا حتى ال حتى الأنتهاء ثم الرجوع للقائمة من خلال go back .
11- اختيار install zip from sdcard والتنقل في محتويات الذاكرة وقم بالضغط علي update super su وبعد الإنتهاء عيد نفس الخطوة وقم بإختيار ملف الروم وبعد الإنتهاء نعيد نفس الخطوة وإختيار ملف تطبيقات جوجل وعند الإنتهاء اختار go back وبعد ذلك reboot system now.
وأخيرا سيقوم الجهاز بالتحميل وظهور شعار مطور الروم بدلا من شعار ساسمونج وانتظر دقيقة أو أكثر لحين التحميل والدخول الي الموبايل في ثوبة الجديد.
وبكده مبروك عليك كيت كات 4.4.4 .
بالتوفيق........

انا عامل ابديت بالكيز ل 4.2.2 اعمل ايه دلوقتي عشان انزل الروم دا

Kariiim

دي سكرين شوت من موبايلي الأول جراند بأخر تحديث لروم الكاربون (خط واحد )...

Kariiim

شوف يا كبير تقدر في اي وقت ترجع للروم الرسمى ..عشان تنزل اي من الرومات السابقة لازم تكون محدث النظام الي 4.2.2 جيلي بين يدويا والمقصود منها عن طريق الأودين وليس الهواء او كيز وبعد كده تعمل روت للجهاز واخيرا تنزل الروم المطبوخ وتطبيقات جوجل ...شوف حضرتك لو قررت انك تنزل الروم المطبوخ انا تحت امرك وهكون معاك خطوة بخطوة ...بالتوفيق...

ممكن شرح بالصور او فيديو للكلام دا مع العلم اني 4.2.2 وكنت عامل ابديت بالكيز وهل لو عملت روم مش هينفع ارجع تاني 4.2.2 ؟

تحديثات روم كاربون لجراند دوس بتاريخ 17/8/2014


تحديث روم سيانجن مود بتاريخ 22/9/2014
-

تحديث روم بارانويد اندرويدكيت كات بتاريخ 3/10/2014

................................
بالتوفيق

honeyhamza1
لو عايز سامسونج توكل علي الله في النوت 3 دوس ....ولو حاجة تاني الاتش تي سي ديزاير 820 ..... موفق يا كبير

كان معايا الجراند زيك وهجيب ان شاء الله ال جى برو لايت بخطين ب 1750 حاجه فخمه :D

الفيروسات مالهاش علاقة بجودة التصوير ....

yaarb

اعملى ريست لاعدادات الكاميرا الأول من اعدادت الكاميرا ....وبعدين إتأكدى ان حجم الصورة 8 ميجا وشوفى المؤثرات والغيها ....بالتوفيق....

الاس 3 طبعا افضل من جراند1 من حيث الامكانيات والكاميرا ...موفق