اس 3 نيو دوز

للرجوع الي صفحة سامسونج Galaxy Grand 2 الرئيسية اضغط هنا

waleedsunny

2014-08-08 (08:14:38PM)

ياجماعة اللى محتاج جهاز افضل شويه من الجراند 2 وبسعر كويس
الاس 3 نيو دوز بخطين ويعتبر افضل من الجراند 2 بالاتى
مساحة 16 جيجا بدل 8 جيجا
برسسور اعلى 1.4 بدل 1.2
شاشة سوبر اموليد 4.8 بدل شاشة TFT 5.25
وجود ليد للاشعارات
رامات 1.5 جيجا زى الجراند
الجهاز سلس جدا وخفيف وسخونه اقل حاجه بسيطه جدا من الجراند 2
موجود فى وسط البلد شارع نوبار فى عابدين
اس 3 نيو دوز بخطين ضمان دولى فقط ومافيش منه بضمان محلى 2100ج
اس 3 نيو بخط واحد ضمان محلى ب 2200ج
برسسور رباعى 1.4 - رامات 1.5 - صناعة فيتنامى

tamerfathe

2014-08-08 (09:49:51PM)

هل يوجد فى نفس المكان جراند 2 ضمان دولى اللون الرمادى او الاسود وكم سعرة لو سمحت وهل المحل ثقة ...

waleedsunny

2014-08-08 (11:03:30PM)

بصراحه ماعرفش
لان ماتعملتش قبل كده مع محلات وسط البلد
انا بقول اللى حصل انهارده مع زميلى بخصوص الاس 3 نيو دوز لانه كان معايا قبل كده وبنصح بيه اى حد محتاج جهاز مواصفات عاليه وبسعر معقول جدااااااااااا
وعامة الجراند 2 موجود ضمان دولى ب 2225ج عند محلات سمايل وانا جربته فى الدولى مرتين والحمد لله كان كويس فى التعامل بس ماحصلش حاجه فى الجهازيين فترة ال 14 يوم عشان اقدر احكم فعلى على موضوع الاستبدال لو الجهاز فيه عيب

Egy4Ever

2014-08-09 (08:45:21AM)

الاتنين نفس نوع المعالج بالملى مافيش واحد اعلى من التانى دة للتوضيح فقط
بالنسبه للسعر s3 نيو موجود بضمان وبيتباع فالتوكيل عادى جدا ب2399 ج وفالمحلات بالضمان ب2150ج
الجراند 2 فالتوكيل ب2600ج وفالمحلات بضمان ب2320ج وبدون ضمان 2200ج

waleedsunny

2014-08-09 (03:51:14PM)

أستاذ Egy4Ever
لو حضرتك قرايت كلامى كويس هاتعرف انى بقول ان الاس 3 نيو ابو خطين برسسور 1.4 موجود منه ضمان دولى فقط ومافيش منه ضمان محلى
اللى حضرتك بتتكلم عليه اس 3 نيو بخط واحد برسسور 1.2 - زى الجراند 2 فعلا - بالضمان موجود فى دريم 2000 ب 2170ج ومافيش منه ضمان دولى
وكان كان معايا الجراند 2 والاس 3 نيو ابو خطين وعارف الفرق كويس بينهم جدا

Egy4Ever

2014-08-09 (11:42:41PM)

والله حضرتك انا بتكلم بردة على الجهاز اللى بخطين
واتفضل شوف

وارجوك بلاش تنقل معلومات غلط للناس مرة تانيه !!

waleedsunny

2014-08-10 (10:02:43AM)

شاكر جدا لتعليق حضرتك انى بلاش انقل معلومات غلط للناس مرة تانيه
انا الجهاز اشتريته من شهر وزمايلى اشترو جهازيين الاسبوع اللى فات
برسسور رباعى 1.4 رامات 1.5 صناعه فيتنامى
ولو حضرتك كلفت نفسك ودخلت على الصفحه بتاعت اس 3 نيو دوز هاتعرف ان اللى اشترو الجهاز بيقولوا نفسك المعلومات دى

الفرق بينى وبين حضرتك
انى بتكلم على حاجه اشتريتها فعلا وبين حاجه حضرتك قريت عنها
والموقع كله والحمد لله بيثق فى كلامى عشان عارفين ان مابديش معلومات الابناء عن الاستخدام الفعلى للجهاز بعد شراءه مش بعد القراءة عنه
وده لينك بيوضح الموديل اللى بتكلم عليه برده على موقع GSMARENA بس حضرتك ماكلفتش نفسك تدور عليه
ومستنى اعتذار حضرتك

waleedsunny

2014-08-10 (10:11:28AM)

وعلى فكرة النسخة اللى بتنزل بخط واحد عليها الكيت كات 4.4.2 وموجوده بالضمان
لكن اللى بتنزل بخطين وموجوده فى مصر بتنزل بنسخة 4.3 وموجوده من غير ضمان

Egy4Ever

2014-08-12 (06:37:21AM)

رديت عليك هنا

waleedsunny

2014-08-12 (08:37:16AM)

يا أستاذى الفاضل انت بتتكلم عن ورق
واحنا بتكلم عن اجهزة اشترينها فعلا ومعانا وشغالين بيها ومغرقه المحلات دلوقتى انت بتجادل فى اى
بقولك الجهاز معايا من شهر ولسه جايبين جهازيين لناس زمايلى
انزل اى محل واسأل على اس 3 نيو ابو خطين وشوف العلبه مكتوب عليها ايه من بره
وبرده رديت عليك وبعتلك اللينك اللى بيبين كلامى وانت مصمم على كلامك
ولو متابع تعليقاتى
هاتعرف انى مابعلقش على اى موبايل الا لما اكون اشتريته فعلا عشان تبقى التجربه والكلام فعلى مش على ورق
وبعدين حضرتك المفروض عضو مميز يعنى على درجة عاليه من المعرفة بكل جديد يخص عالم الاندرويد والموبايلات ازاى بتجادل فى حاجه موجوده فى السوق من حوالى شهريين والناس بتشتريها وفى بدل البرنامج 100 يعرفك مكونات الجهاز الفعليه غير المكتوب على العلبه من بره كمان
ده حضرتك ماكلفتش نفسك تتصل باى محل او تروحله وتتأكد بنفسك

ahmed10705

2014-09-10 (03:50:48PM)

لو سمحت يا استاذ وليد انا كنت عاوز اجيب s3 neo بخطين بس للاسف ملقتهوش فى كذا محل
ممكن تبعت المحل اللى انت اتعاملت معاه وهل فى ضمان 14 يوم واخر حاجه ايه الفرق ما بين الضمان المحلى والدولى وهل فى فرق كبير وشكرا

تلك الخدمة مخصصة للأعضاء فقط