بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ Galaxy Grand 2
للرجوع الي صفحة الرئيسية اضغط
هنا
مراجعة
تلك الخدمة مخصصة لاعضاء الموقع
معلومات سريعة عن Samsung Galaxy Grand 2
-
Android
-
720 x 1280 pixels, 5.25 inches (~280 ppi pixel density)
-
3G
2G / 3G -
8 MP, 32...
تقييمي للجهاز إنه جيد جدا، مفيش تهنيج تقريبًا.
الشاشة: واضحة جدا وبشوف عليها أفلام بطريقة مريحة من غير أي مشاكل. وكمان حجمها في رأيي أنسب حجم سواء للمشاهدة والألعاب أو التصفح أو الكتابة، لكنها أقل شويه من amoled لكنها رائعة، ومفيش منها أي قلق، إلا من الحماية، لأنها مش gorilla glass
حجمه مش صعب إنك تشيله أنا شايف إنه سهل إنك تمسكه حتي بإيد واحدة.
الصوت: أنا كنت اشتكيت منه إنه واطي، لكن هو الحقيقة معقول ومناسب، والسماعات صوتها نقي. وكمان فيه خاصية إنك تظبط صوت السماعات على قدرة ودانك باختبار بسيط من الإعدادات.
والصوت في المكالمات واضح ونقي.
الكاميرا: قوتها تعتمد على الإضاءة وثبات الحركة، لكن تتفوق عليها كاميرا S3 لكن الأوتو فوكس بتاعه عاجبني جدا وسريع، وفيه حتى أوبشن إنك تصور بالأمر الصوتي يعني تقول "shoot" أو "capture" أو بعض الكلمات التانية (المحددة) ودي بتفيد جدا في حالة إنك ماسك الموبايل وصعب تلمس زرار التصوير من غير ماتهز الكاميرا.
النت: سريع وسلس ومفيش تهنيج، والشاشة الكبيرة هتفيدك جدا.
بالنسبة للكتابة فيه خيارات كتير جدا ممكن تساعدك تكتب بالطريقة اللي تريحك.
الألعاب: انا الحقيقة مش مدمن ألعاب عالية، لكن جربت تمبل رن وشغالة زي الفل ووضوحها رائع كأنها على جهاز من الفئة العالية.
البطارية: أنا ماسك الموبايل طول النهار (بحكم إنه جديد بقا) لعب وتصوير وقراية، وبتقعد معايا يوم كامل، يعني لو استخدامك متوسط ممكن تقعد يومين. بس بتاخد وقت كتير في الشحن.
باختصار: أنا شايف إن دا أفضل موبايل في الفئة دي، أرخص من htc desire 816 وكمان بطاريته بتتشال وبشريحتين، ولو انت متردد بينه وبين أي جهاز تاني، يبقا اشتريه وانت مطمن، ومتخلطش بينه وبين جراند1 الحقيقة مفيش أي علاقة بين الجهازين.