هذا الموضوع مرتبط بـ Galaxy Grand 2

بدون عنوان

hamobk1

2014-03-21 (03:35:22PM)

ازاى يا جماعه الــ s3 افضل من الجهاز ده في كل حاجة معادا الرام 1 جيجا وفرف السعر الكبير ده .. الــ s3 وصل لـ 2400 هنا في المنصورة يبقى ازاى ده بــ 3000 ؟!!!
استاذ وليد انا مش بقارن دلوقتي التليفون بخط واحد ولا اتنينن مش معقول يعنى عشان التليفون خطين يبقى غالى اوى كده على امكانياته :]

ahk252

2014-03-22 (12:58:52AM)

princo >> لو حضرتك دخلت علي صفحة الاس 3 وضغطت علي اشتري الان
هتلاقي الموبايل سعره 2400 في الهندسية للاكترونيات بدون ضمان .. اتصل بيهم واتاكد

waleedsunny

2014-03-22 (12:39:42AM)

أستاذ hamobk1
إحنا مابنكدبش او نشكك فى كلام حضرتك
لان ببساطه حضرتك مالكش مصلحه ده أنت كتر خيرك بتفيد اعضاء هنا فى المنتدى
لكن الواحد خايف من حاجه وحصلت معايا
انا دايما بغير موبايلات بسرعه وعشان كده محتويات العلبه مابفتحهاش اصلا وبشحن حتى بشاحن عندى بحيث ان لما ابيع الجهاز يكون حالته زيرو - ومن سنه كده جهاز ماعجبنيش وروحت لمحل ابيعه بعد اسبوع من تاريخ الشراء وفى نفس المحل وان متعود لما اشترى جهاز اجيبله جراب وسكرينه من نفس المحل عشان الجهاز ماتبهدلش ويفضل زيرو فالقيت الراجل بص للجهاز وحس انه زيرو فعلا واطمن ان محتويات العلبه ماتفتحتش اصلا راح مفرمت الجهاز ومسحه وملمعه كويس والاسكرينه الاصليه كانت فى العلبه ولقيته بينضفها كويس عشان يلزقها وقال للى واقف معاه خد الجهاز ده وبرشم العلبه بتاعته وحطها فى الفترينه على انه جديد بالضمان - بس بصراحه ماكنش محل كبير زى المحلات اللى الواحد بيتعامل معاها دلوقتى زى دريم2000 و محل 888
فالواحد بيخاف ان السعر الغريب ده يكون بسبب حاجه زى كده

hamobk1

2014-03-21 (10:41:11PM)

استاذ وليد بصراحه حضرتك اقنعتنى والله في حكاية ان الـ s3 كان نازل بسعر اغلى من كده والجراند 2 نازل بالسعر ده من كام شهر .. بس احب اقول لحضرتك ان دايما الموبايلات هنا في المنصورة ارخص يعنى الميجا 5.8 كانت في ناس بتقول اقل حاجة 2600 ضمان دولي وكان وقتها الخط واحد في المنصورة بــ 2450 الوخطين 2500
ثانيا استاذ princo : حضرتك انا كنت سائل على الاس 3 في محل اسمه بين القصرين في العباسي بــ 2400 وهو ده نفس المحل اللى انا سألت عنده ع الميجا 5.8 :] بس الراجل ده مرة تروحله بقولك سعر ومرة واحد تانى واقف يقولك سعر تانى عند نفس المحل بردو . :]

waleedsunny

2014-03-21 (09:54:49PM)

أستاذ sayedsaad
حضرتك هاتدخل على setting > developer options
هاتلاقى اى حاجه تخص ال توصيل ب يو اس بى

sayedsaad

2014-03-21 (08:53:04PM)

أ*وليد رمزالثقه
الويندوز 8.1 الكمبيوتر جيد جدا راما4 جيجا هارد 500 جيجا مازربورد hm61جيجابايت
وتانى حاجه فى ااستاذ قالى اغير وضع الusb من مطور البرامج مش عارف مكانها خالص الصراحه
وشكرا جزيلا لمتابعة حضرتك

waleedsunny

2014-03-21 (07:15:55PM)

أستاذ Princo
فى عضو محترم كان معانا هنا فى المنتدى وهو حاليا على صفحة محبى هواوى 610 على الفيس ممكن يفيدك فى اى شىء يخص المنصوره عشان هو من هناك أسمه دكتور أحمد نبيه

waleedsunny

2014-03-21 (07:10:46PM)

لأ طبعا مافيش حاجه اسمها اس3 ب 2400ج حتى لو دولى
موجود فى دريم 2000 ب 2975ج ومعروف ان الدولى بيقل من 250 - 300 ج
وبعدين انا ما بأولش لحد يشترى الجراند 2
انا لما حد يسألنى على موبايل محترم بخطين بقول فى الجراند2 والميجا 5.8 وال جى برو لايت وايدول اكس والكاتيل هيرو ( ودلوقتى الهيرو غرق السوق ب 2950 ج )
وانت فى الاخر حر فى اختيارك

waleedsunny

2014-03-21 (07:05:36PM)

وبعدين لو حضرتك دخلت على موقع gsmarena هاتلاقى تمن الجراند2 270 يورو عشان لسه نازل جديد وتمن الاس3 260 يورو ( مع ان امكانياته اعلى ) بس خلاص اصبح قديم وتاريخ انتاجه من سنتين
وفى مدينه الرياض بالسعوديه بيتباع ب 1200 ريال
المتسبب فى زياده سعره انه لسه نازل جديد ثانيا الوكيل بتاعه فى مصر

Princo

2014-03-21 (07:03:24PM)

مع احترامى لرأى حضرتك يا أستاذ وليد
انا عايز اعرف سعر الاس ثرى
استاذ hamobk بيقول 2400
هل دا سعره دلوقتى حالياً ؟
ممكن حد يقولى سعره كام دلوقتى ولو مشكورا يقولى اجيبه بكام ومنين من المنصوره

waleedsunny

2014-03-21 (06:20:28PM)

ياجماعه مع احترامى لرأى حضراتكم
فى حاجه ماحدش واخد باله منها خالص وياريت مانتكلمش فيها تانى عشان احنا كده المقارنه بتاعتنا غير عادله
الاس3 اول مانزل مصر كان فى شهر 5 - 2012 كان تمنه 4400ج وواحد زميلى اشتراه ساعتها
يعنى جهاز تاريخ انتاجه من سنتين
لكن الجراند2 نزل مصر 19-2-2014 ب 3033ج
ال 4400ج من سنتين يساوا النهارده اكتر من 5000ج ودى حاجه مش محتاجه حسابات
المقارنه بتاعتكم تبقى صح وعلى عينى
لما الجهازين ينزلوا فى نفس الوقت وبنفس السعر
وان شاء الله بعد سنتين المفروض الجراند 2 يتباع بالضمان فى حدود 1500ج وان ماكنش أقل كمان
ياجماعة ها أقول تانى وللمره المليون من اهم أساسيات المقارنه بخط واحد ولا بخطين
وبصراحه انا مش فاهم ليه واحد عايز جهاز بخط واحد يبص لجهاز بخطيين اصلا حتى لو مواصفاته صاروخ
انا اول ما حبات ارجع تانى لسونى بعد فترة طويله شوفت ايه الموبايل ابو خطين شاشه 5 بوصه ولقيته السونى سى ده بس اللى فكرت وبحثت فيه ومابصتش وما حاولتش ابص حتى لأى موديل تانى من سونى بصرف النظر عن الامكانيات او السعر
الواحد لازم يحدد هو عايز ايه فى الاول وبعدين يدور عشان مايلقيش نفسه بعد تفكير وبحث فى كل حاجه ماشتراش حاجه فى الاخر وتعب نفسه على الفاضى

Princo

2014-03-21 (05:13:36PM)

فين فرق السغر الكبير دا اللى حضرتك بتقول عليه
انا من المنصورة وكنت بسأل عن الاس ثرى ولفيت عليه موجود بالضمان سعره 2950
مين اللى بيبيعه ب 2400 هل بالضمان ولا ضمان دولى ياريت تقولى اسم المحل لانى محتاجه ضرورى

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Grand 2

مقارنة

Android
720 x 1280 pixels, 5.25 inches (~280 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy Grand 2

Android

720 x 1280 pixels, 5.25 inches (~280 ppi pixel density)

3G

8 MP, 32...